كرونيك. رووعة اسمها صفقة_حب 💜💛💓💔💔

06

#الحلقة6:
هو خرج راح و أنا قعدت نطلع و نهبط واش باغي واش قصتو هذا روحت لعشية ميتة بالتعب قعدت نرتح في الصالون و أنا نخمم واش يكون حاب مني العبد هذا ؟ جبدت لاكارت فيزيت تاعو نقرى في إسمو جاد سعيد ؟؟ شركة تصدير و إستيراد الشرق الأوسط.
فاتت 15يوم كل يوم نهز الكارت فيزيت نشوف معاها و نخبيها الحقيقة خفت .
حتى ندخل للخدمة نلقاه قاعد مع المدير جاء يكمل إجراءات الطوموبيل باه يديها . جاء خارج قالي نستناك في الروستورون الي وراء le point de vente ماطوليش نستناك ....
أنا قلبي عاد يضرب 1000 في الساعة واش باغي الرجل الغامض هذا قررت نروح نشوفو مدام في مكان عام .
12خرجت نتغدى نلقاه قاعد .
وقف جبدلي الكرسي قعدت من سكات .
واش تحبي تاكلي ؟
السارفار علابالو واش ناكل كل يوم ناكل هنا .
أوكي ماعليش .
هيا قلي واش حبيتي خليني نبدل لبلاصة ...
أتغداي و من بعد نحكيو راهي حكاية طويلة .
بديت ناكل و نتفرج معاه و مع الشياكة تاعو و لابوقوصيتي أمممم بوقوص خلااااااه بقلاوة يهز راسو يلقاني نمص في المغرف و نشوف معاه.... زربت هبطت راسي .
كملنا تغدينا ..
هيا أهدر راني نسمع .
هو : لميس تقبلي تزوجيني ؟؟؟
أنا :😮😮😲😲واش قلتي ؟؟
هو :تتزوجي بيا ؟؟
أنا:نشوف منا و منا ههههه ماتقليش كاميرا كاشي هيا بالسلامة أنا الي غالطة جيت نهدر معاك ..
هو : أحبسي وين رايحة أصبري نفهمك موش زواج نورمال أو بمعنى آخر صفقة و مجرد خطبة لمدة عام حتى ترجعلي مرتي و ولدي نفسخو الخطبة و برك .