كرونيك. رووعة اسمها صفقة_حب 💜💛💓💔💔

05

#الحلقة5:
و هو كي العادة رجع غلو فيا حاكمني يجرجر فيا من ذراعي للطوموبيل و زاد بدأ يرخس فيا حتى أنتي واشي الي عاملاتو في روحك واش صرالك المضبوط و الترونسبارون و زيدلهم الشعر تاع الشطاحات هذا وين بيها شكون الي لعبلك بعقلك .😡
أنا بكل برود على عكس طبيعتي و أنت شكون ؟؟؟😑
أيمن : حسيتها صبت عليا قرعة ماء باردة فقت مع روحي صح ماعندي حتى علاقة بيها علاه نعمل هك .😢
وصلني للدار وباين فيه قلقان و مازادش قالي حتى كلمة .
أدخلت و أنا نستنى يقلي كلمة بصح هو مشى من غير مايخزر ليا أنا قلبي بدأ يحن و عذبني ضميري ....من بعد قلت هذي أول خطوة في الطريق مالزمش نضعف .😁
غدوة رحت نخدم و كان نهار مهم معرض لآخر مودال وصلنا تاع المرسيدس😯🚗 و لازم نكون شيك و👰 الي يخدمو معايا كل تفاجؤو بلون شعري ا💇لجديد و لبستي كنت واقفة قدام المودال الجديد و العينين الي عليا أكثر من الي على الطوموبيل حتى يدخل واحد واش نقوللكم شخصية 😎لابس كوستيم ڨري و شيميزي بيضاء و صباط كلاسيك و نواظر و الشعر كيفاه مخدوم و السيڨار في فمو وواحد كان ماشي من وراه باين الحراسة تاعو عملو لقطة بيدو قعد برى .🙅
أنا غير نشوف معاه أول مرة يعجبني راجل من بعد أيمن كان يدور في المعرض و يشوف في الطوموبيلات حتى وصل للمودال الأخير الي كنت أنا نعرض فيه .
قلي معليش مادموزال .👸
أنا قدمت عندو و بديت نشرحلو ف ليكاباسيتي تاع المودال حتى قدم فمو لوذني و قالي لكن حطو وحدة غيرك قدامها كانو ظلموها ....
أنا: مافهمتش موسيو واش تقصد عجبك المودال ؟؟
هو : ههههههه عجبتيني أنتي أكثر ...👯
أنا مالقيت مانعمل نضحك معاه ولا نقلو شكرا ولا واش نقول .... بعدت لهيه و قتلو كشما تحتاج قلي ....😸
هو : ماعليش تعملولي ريميز و ندي زوج ....✌
أنا قعدت باهتة كيفاه طوموبيل تاع مليار يدي زوج والله فرصة مستحيل تعوضها الشركة زدت قدمت ليه و قتلو معليش تشرحلي كيفاه تقدر تخلص موسيو باه نساعدوك ؟؟💸💸
هو : كل شيء كاش يعني سلم تستلم ...💲💳
أنا: تفضل معايا للبيرو نتفاهمو ...
هو : بصح ماقلتيليش إذا قابلة ؟؟👌
أنا : واش قابلة البيعة ؟؟ أكيد !!!👌👌
هو ::ههههه باين فيك مازلتي صغيرة نوضحلك أكثر يعني أنتي و الطوموبيل ...😲
أنا حبست في بلاصتي و هزيتو من رجليه لراسو واش
تحساب روحك أنت ؟؟😣
هو :أكيد إنسان عادي ..
أنا : أكيد مجنون ماتعرفش شكون نكون و بنت شكون تحسابني وحدة رخيسة جاي تشجاي تشريها بصواردك ؟؟
هو :كالمي روحك و ماتهزيش صوتك راني نعرف عليك كل شيء و أكيد وحدة رخيسة ماتتباعش بمليار مليون و خسارة فيها . هاكي الرقم تاعي عيطيلي نحكيو و نفهمك في كل شيء ...
أنا:: أنت موش في عقلك تتوقع نعيطلك بعد الي قلتو ؟؟
عيطيلي ماتندميش نأكدلك