Owning Her Innocence (R-18)

Teaser

 Alam ni Kira kung anong tipo ng lalaki ang kapitbahay niyang si Callante Fontanilla. Kilala ito bilang bad boy sa lugar nila at kalevel ni Calvin Matsunaga sa pagiging babaero. Kaya nga kahit kailan ay hindi siya pumatol sa lalaki kahit na lantaran ang pagpapakita nito ng pagkagusto sa kanya. At kahit pa araw-araw nitong idinidisplay ang maskulado at kataka-takam na katawan sa kanya ay hindi siya tatablan ng pang-aakit nito.

 Isa pa, bakit siya papatol sa lalaki? May gwapo siyang nobyo at nagpaplano na silang magpakasal.

 Ngunit mapaglaro ang tadhana. Nakabuntis ang boyfriend niya at nakipaghiwalay sa kanya. Dala marahil ng sakit sa ginawa nito at panghihinayang sa tatlong taon na pagiging magkasintahan sila, nagpakalasing siya. Todo-todo.

 Kinaumagahan, natagpuan niya ang sariling walang saplot sa tabi ng lalaking kahit kailan ay hindi niya pinapangarap na makakuha sa kainosentehan niya..

 "Itinatanggi mo na hindi mo ako type, pero halos tawagin mo na lahat ng santo sa ginagawa ko sa 'yo kagabi. Answer me, Kira. May itinatago ka bang pagnanasa para sa akin?" naglalaro ang kapilyuhan sa kulay asul nitong mga mata at pakiramdam niya ay biglang may bumara sa lalamunan niya.

 Paano niya sasagutin ng maayos ang tanong nito gayong damang-dama niya ang paghaplos ng naghuhumindig na pagkalalaki nito sa hita niya.

Abangan.