البارت_السابع عشر
روايه _حكايه قاصره
بقلم _🖋️بنت الباشي
فتاه بعمر١٣ تيتمت
وبعمر ١٤ تزوجت جبرا
وبعمر١٥اصبحت ام وفقدت جنينها
وبعمر ١٦وهي مطلقه ....
اي منا تتحمل كل هذا ....
بأي حق اصبحت هكذا
من المسؤول القانون ام الشرع ام المجتمع ؟
من المسؤول عن ضياع تلك الفتاه
من المسؤول عن موت احلام كلزهور تفتحت
ليس لها ذنب سوى أن ابيها شهيد ....
بدت مرحله جديده ....بحياتي كأسم لكن ابقى اني ضايعه وضيعت نفسي اشوف نفسي لاشي فراغ اباوع لنفسي بلمرايه ...
اباوع وين ايات المرحه لي جانت تسولف وتضحك وكلشي عدها ضحك ومايهمها
ليش ضعيفه ...
چنت اشوف نظره ...من جيرانه أو اقاربنه خطيه تطلگت وهي صغيره ....
مايعرفون هل الكلمه والشفقه شگد تذبحني بليوم الف مره ...
عزلت نفسي عن العالم ومرت ايام وأشهر وإني نفس وضعي
طبعا زينب خلال هلفتره نجحت من دور ثاني وقدمت كليه اداب انگليزي ...داومت سنه اولى جامعه ...
چنت كلش فرحانه انو مسلم ساندها وفعلا ماخيب ضنها مع العلم جان ابنها صغير بس رفض تأجل السنه وساندها ...
خالي مهند طول هلفتره ابد مافرگني جان كل اجازه يجي بيها يحاول يونسني ومايخلي شغله مايسويها في سبيل اطلع من الوضع الي اني بيه ....
قرر ياخذني لبيت خالتي حتى نشوف زينب اختي رحنه اني وياه وصوفي اخويه
وصلنا سلمنى عليهم وگعدنا ....
جان ابنها عمره ٤اشهر وصاير حلو ومدنفش جابته انطتنياه اني چنت ابوس بيه بس اجت خالتي ام مسلم اخذت الولد من ايدي
وكأنما اني ااذي طفل لو بقى عندي اني فهمت قصدها تخاف على طفل مني اني
عيوني غورگن زينب راحت تجيبله حليب من شافت وجهي اشرتلي شبيج ..؟
مابيه شي بس خالو هنودي وين خل نرجع ...
كلش جرحتني خالتي بتصرفها ...بس ماردت اضوج زينب
رجعت للبيت ومر اليوم مثل غيره من الايام ....فتحت جهازي فتحت نت صار شهور مفاتحه جهازي ...گلت خل افتح شويه اطلع من الملل ....
رحت وتساب حاجيت بنت عمتي وبعدها انطوني حساب عمتي ام أمير لي بلسويد ...
سوينا كروب بقينا نسولف ونضحك طلعت من الملل ...
بعدها گالت خل اعرفج على بنات عمو لي بلسويد لان من توفى بابا بعد ماتواصلنا وياهم ...همه جانو يتواصلون وي بابا ...
أنت تقرأ
حكايه قاصره .....الكاتبه بنت الباشي
General Fiction(الروايه حقيقيه )💯💯 تروي الحكاية اسطر وصفحات حزن ثم تطوي طفولتها لتخرج بفستان زفاف وهي طفلة . هل سيستمر الظلم ؟ ماذا سيحدث ، اترك لكم صفحات رواياتي لتقرئوها .
