البارت _الرابع عشر
روايه _حكايه قاصره
بقلم 🖋️_بنت الباشي
اتمنى تفاعلكم يكون على گد تعبي ولاتنسون التصويت والمشاركين الاصدقائكم ....اعتقد القصه تستاهل انو تصعد للترندنگ وتكون من القصص الناجحه
ايات : دفعته من صدره حچيت بعلو صوتي كافي مهيمن صار سنه اني تحت ضلمك محد گدر يوگف بوجهك فرضاً سامحتك مو ...
هاي الايد شيشيل اثار جوي منها اثر الگلاص لي شمرته بوجهي وتأذت رگبتي شيشيلها تشوه لي بكل جسمي بسبب ضربك بلحزام شيطيبه ... هاا
الاعتداء والاغتصاب لي كل مره يصير باقترابك مني شنو شأنسى
انته تعرف شسويت سويت بيه عقده بگلبي وعقلي أكره جنس ادم كله واحقد عليه كله
ساكته مو لان مااگدر ارد عليك لا ...بس صمت افضل من انو اتكلم بلا فائده وي شخص مثلك يريد ناس عبيد جوه رجله ...
عمرك ماشفتني غير مجرد رغبه وكسر للغرورك ...
دموعي تنزل تلقائيا ...كافي اني تعبت ...مليت
اذا تريد اسامحك وتگول ضميري مأنبني الحل اتطلگني والا ماراح تشوف مني اي رد فعل كزوجه الك ...
مهيمن : كل كلمه منها چانت تحسسني اني حيوان حقير متغطرس ...وين جان عقلي شسويت
رجعت لليوره وگعدت على چربايه ...
هاي اني شسويت ...وكانما نايم وفزيت من نومي
ايات : نزلت دخلت للغرفتي غسلت وجهي احس كل جسمي يرجف ... شصاير مااعرف يمكن لاول مره اواجهه مهيمن وطغيانه ...وطلعت
ابو مهيمن : بنتي ليش تأخرتي ...
تعالي الاكل بعده حار ...
خالد : عاشت ايدج ايات شلون دولمه ...
ام مهيمن : اشو من يوم يومي اسوي الدولمه طيبه ممدحتوتني ...
ابو مهيمن : عاشت ايدج بنتي حاچيلي عن دولمه بغداد طيبه بس من جربتها شفتها تخبل من صدك مال تكريم وجائزه على هل نفس الطيبه
ايات : ابتسمت بگلبي گلت ياريت كل الگلوب مثل حنيتك عمو ...
اجه مهيمن هلوو ياجماعه
خالد : هلا بيك خويه
گعد اكل ...
نوره : تصدگ خالد ايات درستني اليوم انگلش فد متمكنه وشاطره ...
خالد : هاا صدوگ ليش شمكمله ايات ...
ايات : رفعت رأسي اريد اجاوب شفت مهيمن رافع تك حاجب وساكت
خالد :أي بنتي جاوبي
ايات : نجحت للثالث وتركت
نوره : خالد تعرف السنه لي راحت هي إعفاء عام
أنت تقرأ
حكايه قاصره .....الكاتبه بنت الباشي
Ficción General(الروايه حقيقيه )💯💯 تروي الحكاية اسطر وصفحات حزن ثم تطوي طفولتها لتخرج بفستان زفاف وهي طفلة . هل سيستمر الظلم ؟ ماذا سيحدث ، اترك لكم صفحات رواياتي لتقرئوها .
