بين نبضين

حلقة 2

#بين_نبضين 💔 حلقة2

البنت / إنتي أسيل ولّه 😏

أني/ حي هادي تعرف اسمي ..😰

خش معز ع الإنتظار .. وأني خفت ..

البنت/ كانك مشغولة تو نكلمك شوي تاني .. ☺ أصلا مزال فيه هلبا حاجات حنحكو فيهم 🔥🔥👌🏻

أني/ غر ماما تنادي فيا توا .. وان شاء الله تو نحكو ف أقرب وقت صحيتي ع مكالمتك ☺
_______________________________________
خن نعرفكم بنفسي..
أني أسيل عمري 25 سنة وعندي خوي أكبر مني زياد 30 سنة.. أمي نجاة وبوي عبد الله.. إحني أصلنا من منطقة( ......) فالجبل وعندنا حوش غادي نتلقطو فيه احني وأقاربنا نتزردو فالربيع ❤ بس من يومنا ف طرابلس
بحدانا حوش عمي علي ومرته مديحة،، وريهام هادي صاحبتي الإنتيم نديدي 25 سنة نخدمو في مقر الشركة الرئيسي للنفط .. خالها مسؤول عيّنّا غادي❤ نمشو مع بعض ونجو مع بعض .. واختها ميار 20 سنة..وعندها زوز خوت اكبر منها فراس وعصام متزوجين بصغارهم..
أني وريهام مرتبطين بزوز صحاب معز ونبيل ❤يخدمو مع بعض فالصحراء و يسكنو( ..... )فالجبل مع بعض نفس مدينتنا وقبيلتنا ☺.. وفيه صلة قرابة من بعيد ،، يعني بحكم ليبيين ونزبطو ف بعض🔥🔥وباقي الشخصيات حترفعوهم فالسرد 💔 منبيش نسمي ولا اي منطقة ..

🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑
_________________________________________
ترررن 📞📲 معز يتصل
أني/ هاه حبيبي
معز/ رديتي على الرقم ولا مرديتيش 🤨
أني / تؤتؤتؤ 😰
معز/ تكلمي 😤
أني/ إيه بس لما شفت مسجك طول سكرت منها😭
معز / شن قتلك وشن قلتيلها 🤔🤨
أني / قتلي أني خالة معز وسألتني ع حالي وقتلي قداش ليكم مع بعض؟ ..😥
معز/ وشن رديتي علاها؟ 😡
(خيره يستجوب فيا ،، زعما شن فيه 😳)
أني / قلتلها لينا تسعة شهور وووو )) مخلانيش نكمّل كلامي وطول قاطعني بتكشيخه 🤬 / وكيف تردي على دينم الرقم ،، شن مقايلك ع الأرقام الغريبة أني
أني/ معمركش قتلي مترديش ع ارقام غريبة😭 بعتالي مغيرة موبايلي والأرقام انمسحو ف نرد ع اي حد لأنه يعرفوني 😰😨
معز/ وكيف تقوليلها لينا تسعة شهووور ااااه 🤬🤬 شوفي كيف بترقعي دينمها توا 😡🤬🔥🔥 رقعي دينمها فاهمة اااااااه 🔥🤬 وسكر الخط ف وجهي
_______________________________________
أني مصدووووومة 😰😳😳
خيره معز تحوّل لهكّي فجأة 🤨😥 ما عمري سمعته يسب🔞 ،، كيف يسبني ويسكّر ف وجهي 😭😭 تي شن ذنبي أني 😭😭 أني مدخلي ف شيء 💔
حاولت نتصل بيه📞📲 نلقى في رقمه انتظار .. (مشغول ب مكالمة أخرى)
اتصلت بيه 📞📲 مررة واتنين وعشرة قريب ساعة انتظار (خطّه مشغول ⛔ ) وعاودت اتصلت📞📲 برقم البنت اللي قتلي بأنّها خالته ف لقيتها حتى هيّا مشغول ⛔
ف عرفت بأنها مكانتش خالته ،، وإنّ هادي حبيبته 💔
ومدامها وصلت فيّا وعرفت رقمي ف أكيد هيّا قريبته 👌🏻🔥🔥 ( حتى لو القلب مجروح ،، دماغنا يقعد يخدم ويستنتج 📈💡 وللأسف إكتشفت بأنّي طلعت مضحكة 🔥💔)
ضاق صدري وقلبي حسيته بيوقف ،، وربّي على قد ما نحاول نوصفلكم شعوري،، مانقدر نوصفلكم حتى ربعه 🔥🔥تي كيف وإحني الصبح كنّا مع بعض 💔،، حاط عيونه ف عيوني 👀 ويقوللي حبيبتي ويغار عليا مووت 💔🔥 اللي قعدة ريحته وأنفاسه عالقات ف أنفي،، 😭 لالا كذب ،، هادي خالته أكيد ،، معز مستحيل يخونني ،، بس لو خالته علاش يقعد معاها انتظار لساعة ونص تامات 💔💔 نقسملكم بربّي لو مكنتش شايفة بعيوني مدة المكالمة راهو قلت لا هيّا صح خالته ،، بسس أني ريت بعيوني خلاص 💔💔🔥🔥😔
______________________________________
اتصلت بريهام📞📲 ودموعي زي البركان ينزلو ناااار🔥 😭😭 مرة واتنين وعشرة ،، ونحس في روحي بتطلع منّي 😭😭 مردتش عليا 😩 نضت نعيّط وانّقز من مكاني ، من حرارة الصدمة ونبكي بتنهيدة خانقتني العبرة 😭😭
___________________________________
سمعتني ماما "نجاة"جتني تجري وهيا مصدومة بحالتي 😨
ماما / خيرك يا بنتي 😰
أني/ خلّيني يا ماما 😭😭
(جتني أمي وحضنتني وعرفت إنّ صايرلي موضوع )
ماما/ نقصي صوتك لا يسمعك حد من خوتك ولا بوك 😨
اني / ااااااه يا ربي 😭😭😭