بين نبضين

حلقة 5

#بين_نبضين 💔 حلقة 5

ريهام/ ااااه 😍 كان نمشي ومعاي نبيل بسسس 🤤😍
أني/ ااااه😍 كان نمشي حتى ني ومعاي عزوتي 🤤🤤
ريهام مصدومة😨
أني تأثرت كيف قعدة نجبد فيه ع لساني ونسيت إن سيبني وخلاّني 💔😭

🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

أيات/ الو معز
معز/ خيرك يا نفاخة😂
أيات/ زوّد جدي تاعب هلبااااا😭
معز/ هي أني جاي وتي روحك تو نرفعوه للمستشفى
سلوى/ خيرره جدك ؟😨
معز/ جدي تعب بنمشي نرفعه اني وأيات للمستشفى 😓🔥
___________________________________
ريهام/ ألو
اني/ هلا بيك 😊
ريهام/ شن قررتي هياااا
أني/ فوتاها مشية الجبل كان بنمشي بنقعد نتفكّر ف كل حاجة ..💔
ريهام/ وكان بتقعدي فالحوش من غيري حتقعدي تفكري نفس الشيء👌🏻 ع الأقل امشي معاي 😂
أني/ حسني اقتنعت 🤣
ريهام/ تو نغيرو جونا و نطلعو للمحلات غادي و نهيجو فالجبل نكحلو فاللي ماشي واللي جاي 😂😂
أني/ أنيييي 😱 🙄 مزال نكلم حد من الجبل الخاينين 😭😭 شعفة 🔥🔥 اللي ياخدو ف اقاربهم ويعشمو فالبرانيات 💔
ريهام/ معش تجمعي ايوااااه😤😂 اهو نبيل راجل وع قد كلمته .. غر انتي اللي عندك ربي يهديه وخلاص 💔
أني/ عاد إنتي مدبيك يا حيوانة بش تتلاقي مع سي نبيل غادي 😏😥
ريهام/ ضروري منها هادي 😍🔥
أني/ هوّا هذا مصائبُ قومٍ عند قوم فوائد 🙄😂
ريهام/ هيا بلكي نلخبطولك بوه انتقمي منه 😂😂
اني/ ححي ع من تخطر 😂😂 بش نحرقله قلب امه و ينحرق فجرتها.. عاد هوا كل شيء الا أمه عنده بالدنيا ❤
ريهام/ههههه😂 هي امالا الصبح وتي روحك ..
____________________________________
زياد/ جيبيلي معاك زريعة عطرة بنغرسها فالجنان
أني/ باهي ☺
نجية ماما/ مش تقولك البنت بنشوفك تمشيلها .. ردي بالك😑
أني/ معندي علاش بنقابلها 😒
ماما/ أهو نبهتك😒
أني/ حاضر
،
،
،
طلعت ركبت ف سيارة عمّي علي ..
أني/ عمو حبيبي 😍 صباحك ورد وعسسل 😘😘
علي/ صباح الخيرات بنتي
ميار/ شن تعاكسي ف بونا قدامنا يا قليلة الأدب😁
أني/ مرت عمي وقدامها 😌 راضية عمتى مديحة ولاه 😂😆😉😉
مديحة/ ههههه لا مش راضية الا رااااجلي
ريهام/ حتى امي بدت من جماعة حتى راجلي 😂😂
طلعنا بزوز سيارات.. سيارة عمي علي وسيارة فراس راجل ميسون..
ميار/ الله 😍 جو يهبل دنيا كلها خضراء💚💚
أني/ خيار زردة وبكبوكي عالحطب 🤤😍
ريهام/ نبي نطلع ندير دورة بالسيارة بنشري من محلات غادي
مديحة بخبث😂/ مخلية محلات اللي اهني ومعشسة ع محلات غادي 😏
ريهام ورقت لأمها 😂😂/ هكي عندهم قطع حلوات غادي 😍😂😂
أني بتوشويش😏/ قطع نبيل امالا ههههه 😂
ريهام/ احلا ماركة هههه 😂😂
________________________________________
** فالمستشفى طلعت أيات من غرفة العناية
معز/ شن قالوله💔
أيات / الحمد لله حالته استقرت.. بيقعد فالملاحظة اليوم
معز/ تو نكلم عاطي (ولد عمهم)يجي يقعد معاه الليلة
أيات/ خلاص وأني توكتي غدوة فالمستشفى ، تو نوصي عليه زملائي اللي فالقسم☺
معز/ ما تبي شيء بنمشي نشوف شن بنجيبله ونجي؟
أيات/ لالا تمام..
معز/ سلامات
أيات/ سلام
_______________________________________
كنت ندير فالبيتزا عالحطب .. وميسون تحرّك ف طنجرة بكبوكي عالحطب حتى هيّا 🤤🤤 كان الجو برا فالحوازة يهبببل❤.. منظر الجبل والدنيا خضراء ،، عمي ماشي لولاد خاله يهدرز عليهم مستاحشهم وولد عمي فراس ماشي لولاد معكّس معاهم ،، قعدنا احني الصبايا متزردين بروحنا ،، و ريهام غاطسة فالهدرزة عالموبايل📲📞
نبيل/ خلّيلي حصتي 😉
ريهام/ تو ندسلك امتى بتجي للحوازة انت؟ 😍
نبيل/ شوي نكلم الشباب ونجي نخطم عليك
ريهام/ هي خف روحك 😁
نبيل/ مناقصك شيء؟
ريهام/ شوفتك بسس 😘😘
نبيل/ امممواهات حبي 😘😘
ريهام/ عسسل 🤤🤤
،
،
ميار/ زودي عاونينا وانتي متعييش من الدوة 😒🔥
ريهام/ نبيل بيجي احسبوه فالبيتزا 😁🤣
اني/ ههههه ايه😏 انتي شادتها لقني وتبي حتى نحسبولك راجلك 😑
ريهام/ تو نغسل الماعين غر اسكتو من عليا بسس😠
مديحة/ هذا اللي يخلي النتايات ع حل شعرهم ،، قلت نصاحبكم نضتو اديرولي ف مواعيد 😑 وتتكلمو بحداي معش تتحشمو 😒
ريهام/ كان مدرتش هكي راهو قعدت معنسة وقاعدتلك 😂😂
مديحة/ غر امتى يجي وياخدك يفكني منك 😤
ريهام/ قريب يما قررريب 🤣🤣🤣
_______________________________________
سلوى/ الحمد لله الحاج حالته استقرت😌
هاجر/ مروحش معز من المستشفى؟
سلوى/ كلمته فالطريق جاي
هديل/ خلاص خن نوتو العشي ،، مابين جي لين حطّينا
مؤيد خو معز/ أني جيعان حطو توا 😤
هداية/ بوي مع عمامي عند جدي فالمستشفى، كلمته و قال منبيش..
سلوى/ إيه نورالدين خلوه بروحه حتى الغدا ما حطّه في فم 😣
نزار خو معز/ باهي نوضو حطّو عقاب مبكبكة ذليتونا باها الززح 😤 ولا لين يجي معز بش ياكلها جارية وسخونة 😒 كان احني راه حطيتوها وكليناها جافة ومصقعة 😠
هديل/ امالا شني الا نسيبنا بغمزة 😂😂
نزار/ امتى صااااار 😳 نسيبكم ؟؟😳هذا معز كان عابيين عليه راهو موضوعه فاشل.. 😂 ننصحك فوتيه خير
هاجر/ هادي حاجة متخصكش 🤬 وطلعت وقربعت الباب وراها
نزار/ خيرها هادي نبصّر علاها..😑 الواحد معش يبصر خير
هديل/ فوتها هادي عندها حالة نفسيه 😂😂
مؤيد/ بالرسمي اختك😂 كان أني بنت( وقعد يرقّق ف صوته يقلد فالبنات )😂😂😂ونلقى حبيبي يخونني معش نكلمه ليوم الدين 😂😂
سلوى/ ما خصّه يلقى زي هاجر ..❤❤
مؤيد/ ايه بنت خالي الفالحة .. اللي راس مالها بسبوسة وكيكة محروقة 😂😂
هديل/ وووك ووك تو غدوة اديرلك كيكة جديدة ... حق فاها جايبتهالكم فرحانة باها بش تشربو باها الشاهي 😂
،
،
خش معز/ السلام عليكم
هاجر/ عليكم السلام..
معز/ خيره صوتك..
هاجر/ لا شيء
معز/ ندوي معاك اني خيررك 😠
هاجر/ خوك نزار النفاخ مرات ايدره فالكبد ..
معز/ شن قالك
خشت هديل / اهلين
معز/ اهلين بيك
هديل / كيف حال جدك توا؟
هاجر خشت للمطبخ وفاتتهم زعلانة
سلوى/ معزز ياااا معزززز
معز/ هاه يمّا أني جاي
سلوى / كيف حال جدك؟
معز/ توا باهي حالته استقرت.. وانت خيرك مع هاجر ؟🤨
نزار/ نبصر علاها وهيّا متتحملش 😑
هديل/ فوتها هادي نفسية 😒
طلعتلهم هاجر / نفسسسية؟؟ 🤨 يااااسر اللي يجي يفتحلي ففمه من العيلة،، فوووتيه وميصلحش بيك ،، هذا كله ع خاطر علاقتنا طولت 😤 ويكذب عليك.. 😤 ماهو معنديش بو وام يسكتوهم ويوقفوهم عند حدهم😭
معز/ منو اللي قالك هكي.. 😡
هاجر/ خوك نزار
وقف نزار راقيله بيتفجر 😤/ قلنالك نبصرو خيرررك الزح.. وشن دخلي أني ف اللي قالك هكي اااه 😡 لكن نبدا كلب كان مزال جيت فطريقك ولا بصّرت ،،
معز/ 😡مالك ومالها تدويلها هكي
هديل/ تي نبصرو علاها وهيا تحسست..
هاجر/ بصارة شنو بالله .. معش حد مدايرلي قيمة اللي يجي يتسهوك عليا فديت أني فدديت 😭😭 نزار/ والنبي اقعدي فاها طالع أني ... الحق ف دينمي 🤬
معز/ تسب يا كلب اااه 🤬وخشت بعضها عراكات.. ومؤيد خوهم الكبير يحز بيناتهم..
هديل / عجبك هكي توا!! باااااهي ..
سلوى/ يااااسر 😭 وقف انت ووياه جدكم فالعناية وانتو تتعاركولي..
______________________________________
🏵💎 روايــــات دمــــعتــي تـــــروي مــــــأســـاتــي 💎🏵