بين نبضين

حلقة 6

#بين_نبضين 💔 حلقة 6

هاجر بأعلا صووت / ان شاء الله نتلاقو زي هاليوم فالحوش اهوا و عرسي على معز 👌🏻❤..
أني/ ربي يشفيك 😂😂😂
وطلعنا روحنا واني نضحك علاها الحالة النفسية 😁

🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑
_________________________________________

نبيل/ تلقوني مدرّس السيارة قدام الجنان ..
طلعت سارة وسمر وامهم علياء من حوش العزاء وركبو فالسيارة ..
سارة/ تعرف فاتاتك عركة للسماء 😂
نبيل/ حتى العزاوات مش سالمين منكم النّسون😑 بين منو ومنو؟ 😂
سمر/ بين جون سينا واندر تيكر 😂😂
سارة/ زيدي تبردي 😑😂
عليا/ اخخخخي تعرف والله عيب اللي صار 😑
نبيل/ غر شن فيه ومني و علاش تعاركو..؟
سارة/ جت أسيل فالعزاء مع ميسون وريهام.. شبحوها بناويت خال معز وبالذات هذيكا المتزوجة المسمومة سوسن وناضت تعارك ومخلّو ما قالو 😔💔 وأيات تقوللهم فوتوها جايتني ،، ويقولوها روحي كان على معز راهو مش قايمك من أرضك
نبيل/ لا حول ولا قوة الا بالله.. معقولة هكي،،😨
سمر/ وحق ربّي ما انقصو عليك حرف
نبيل/ امبكري لما كلمت ريهام قتلي متبيش تجي معاهم..
سارة/ ماهو العويلة مهناش قالولها متقعديش بروحك فالحوازة ..
نبيل/ إييه إييييه معز مفروض يكلمهم .. شن العار هذا 🤔
_________________________________________
روح معز بسوسن وهديل وهاجر لحوشهم وقاعد مسمعش بالمشكلة اللي صارت..
معز/ خيرك متعفلقة ؟
هاجر/ مخيرنيش 😒
معز/ ندوي معاك خيرك
هاجر/ تعبانة شوي من العوالة 😒
معز/ خلاص روحي ارتاحي❤
نزلو من السيارة..
معز لهديل/ نزليلي شنطة وراقيا لا ننساهم ف سيارة الولد.. تو فالليل نجي ناخدهم منكم واني مروّح
هديل/ تمام أصلا نبوك بعتالي نبو نهدرزو
معز/ ان شاء الله خير شن فيه..
سوسن/ بعتالي لما تجي تو تعرف
،
،
هاجر/ خليتوني نضت فيه😤 نفش فيه غلي هالمريض 😭😡
سوسن/ غر يجي بعتالي وتو اني نحله الموضوع، واهو قدام اختك 👌🏻ميجيش يخطب معاد تحلمي تكلميه.. فوق منه متع بنات وزيدك زايد جايبلي الخامرة فالعزاء يتميعدو قدامنا 😒
هديل/ ديري قلب ياسرك 😑
هاجر تبكي😭/ شن تحسابوها ساهلة بنسسى على طول
سوسن/ تو بعتالي ينعرف على حقيقته.. 👌🏻
_______________________________________
كانو عيلة معز يغلو وكبدهم نار على حوش بنات خو سلوى
أيات/ وربي على كل حاجة داروها اليوم قدّام الناس الا ما حيشوفو 🤬
سلوى/ كله من ولدي راس البلاء 💔 انتو عارفينهم يتيمات .. امسحوها على خاطري
فوزية عمة معز/ عاد بالغو هما الحق وين ماشين بيه🤨
خش معز/ السلام عليكم ..
أيات/ عليكم السلام
معز/ أيوتة نوضي ديريلي فنجان قهوة راسي بيتفجّر خلاااااص😅
أيات/ اششيه جوك حلووو 🤨
معز/ اهو دف تولع يا بنت عمي
منى/ شنو مسمعتش ؟ محكولك شيء بناويت خالك؟ 😒
معز عدّل ف تقعميزته 😑 علاش شن صااار ،، ؟
كلهم يشوفو لبعض وسكتو
معز/ نكلّم فيكم احكو 😡
أيات/ جت امبكري أسيل 😏
معز مصدوم وشرق بريقه 😳 قلبه بدا يدق بالقوة❤ واللمعة بانت فعيونه وضحك 😁 بس استبعد ان تكون نفسها 🤞😔
معز/ أسيل منو 💔
فوزية/ نفسها اللي توا خلّت وجهك يولّي أحمر وعيونك قلوب ف جرتها 😂
معز/ إيه 💔 صاحبة واجب من يومها
سلوى/ خلتنا نخشو ف بعض عراك مع هاجر وسوسن وهديل😤😡 توا بالعقل ياللي متستحيش جايبهالنا اهني وواقفلي علاها فالجنان وبنت خالك قاعدة😒شن معش تحس انت؟؟
معز/ علاش شن صار 😳 امتا وقفت علاها ؟اني لا ريتها ولا شبحتها🤨
منى/ اني كنت معاها فالمطبخ تغسل ف ماليتها.. وصح معز كان فالجنان نسمعو ف صوته بس موقفوش على بعض.. هذيكا تتبلى وخلاص،، لوحت صندوق الطماطم عالبنت وخواتها يلزو لا قالو ناس لا عزاء لا احترمو كبير ولا صغير..😡
معز/ تو نوري دينمهم 🤬شن دخلهم فاها البنت تجي والله