بين نبضين

حلقة 4

#بين_نبضين 💔 حلقة 4 (واقعية )

لقيت روحي فجأة متصلة برقم معز ترررن ترررن 📞📲 حسيت قلبي بيوقف من كثر دقاته ❤
مردش ع مكالمتي .. ندمت إني إتصلت بيه ،، بس لو فيه حد حيريحني ،، ف أكيد هوّا لما نسمع منه كل شيء ،، بش نقطع حبل الشك باليقين ونطلع من مرحلة الصدمة اللي فيها ونصدّق إنه كذّاب وخاين 👌🏻💔

🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑
نضت تاني يوم .. خديت قهوة ،، وبدلت حوايجي
بوي/ خوك اليوم بيطلعوه بعد الضهر من المصحة ،، ساويله سريره وديريله المندار الطبي
أني/ تمام
جونا أقاربي ،، والحوش زحمة ،، وقيمي وارفعي وحطّي 😤 ضهري لين انكسر .. ومع العزاء نساعدو فالجيران بحكم حوشهم قريب مننا الخيمة قدام حوشنا 💔💔
تيت تيت تيت ✉✉
فتحت لقيت مسجات من معز 😳
((حبيبتي وحكتلك ع كل شيء أنا صح غلطت لكن أنا عارفها شنو ))
((أني نحبها ومستحيل نكون مع غيرها ،، صح كلمتك لكن مش حب أني كلمتك فوقت كانت هيا بعيده عليا ، سمحيني مستحيل ننساها ولا نكون مع غيرها ))
《《قدّاش ما استفزوني رسايله وكرهته كررره لا يوصف ..😤💔
شعور الخوف والحب اللي كنت نحسه باتجاهه مات من لما قريت كلامه،، كان عالجرح👌🏻🌱 ،، كلامه خلاني نصدّق بأنه فعلا واحد حقير 💔،، وطلعت من مرحلة الصدمة وخشيت ف مرحلة كره الذات لأني كنت معمية ونكبت ف نفسي 🔥🔥》》
بعتله مسج طويل عريض عبيتهوله كلام زي السم😂 لدرجة عرضه عالنت ومردش عليا ،،
______________________________
معز يشوف للرسائل اللي بعتهملي ومش مصدّق 💔
أحسن حل إنك تكرهيني يا أسيل .. أني والله منستاهلك 😭💔 اخخخي عالوقت وخلاص ..
تررررن تررررن📲📞
معز/ قتلك معش تتصلي بيا ولاه
هاجر/ الحق فيا مفروض انت اللي تتصل بيا بعد عملتك 😭
معز/ خلاص مش خنتك بري فوتيني
هاجر/ معش تبيني يا معز؟ 😭😨

معز تفكر كلام أمه وإنّها يتيمة 💔 وإنّ هاجر تموت فالأرض اللي يمشي عليها،، حتى بعد الموقف هوا أسيل لا اتصلت ولا تعبت روحها إن تسأل عليه ولا حتى كلفت نفسها وردت ع مكالماته 💔يعني قدرت تنساه وتتخطاه 💔 ف قرر يمسك نفسه..(ميندريش إن أسيل تراجي فيه وكان تلقى تكلمه ،، غر كرامتها وكبريائها مانعها 😔💔 )
معز/ خلاص هجّورة .. خليني نرتاح شوية أني متضايق من نفسي
هاجر/ معش تزعلني حبيبي😭
معز/ إن شاء الله 💔
_________________________________________
ماما/ ليك أسبوع معش كليتي نوضي شوفي وجهك يا بنت ،،😤
أني بصوت تاعب😓 / خليني يما منبيش 🔥🔥
ماما/ عاجبينك مستشفيات توا .. نوضي
وأني كيف نضت يغما عليا معش نندري على شيء لين نلقى روحي راقدة عالمستشفى ومركبيلي تغدية 💔💔 وخيوط
،،،،،،،،،،،،،،،،،،،
تررررن تررررن 📞📲
ريهام/ أيوا 😢
نبيل/ وينك يا بنت الناس من بكري نتصل بيك 😤
ريهام وصوتها تبكي / مكانش بحداي
نبيل/ خيرك حبيبتي صوتك مش عاجبني 😳
ريهام/ لا شيء .. تعبانة وخلاص
نبيل/ غر خيرك يا عمري تكلمي من مزعلك..
ريهام/ مافي شيء حبيبي خلاص
نبيل/ راهو نزعل منك 🔥🔥
ريهام/ 😭😭 أسيل رقدت فالمستشفى
نبيل / خيرها 😳
ريهام/ هبوط حاد واعصاب معدة .. وانهيار 😭
نبيل/ لا حول ولا قوة الا بالله كيف حالها توا
ريهام/ تاعبة شوي 😭
نبيل /.. كلمني امبكري معز جوه عادي مقاللي شيء .. قصدك مش سامع؟
ريهام/ نقولك حاجة لكن بيني وبينك ؟
نبيل/ شغلتيني يا بنت قوليلي شن فيه شكلك داسة عليا هلباااا حاجات ..
ريهام/ أسيل ومعز خلاص 💔
نبيل/ كيف خلاص .. كيف فهميني يعني خلاااااص خلااااااااااص
ريهام/ إيه 😤
نبيل/ وشن السبب .. بلكي نقدر نخش وساطة ونحلوه الموضوع..
ريهام/ لالا أسيل قالت خلاص 👌🏻 معش ينحل الموضوع..
نبيل/ به قوليلي علاش؟
ريهام/ شدت عليه حاجة
نبيل/ خيانة ؟
ريهام/ ايه
نبيل/ لالا مستحيل .. بلكي غلطة، نزوة ،حاجة ، سوء تفاهم ولا حاجة عابرة عالنت..
ريهام/ تي لالا يا نبيل خلاص 💔
نبيل / باه قوليلي شنو شدت عليه
ريهام'/ قتلي صكريه الموضوع ومقتلي شيء .. انتهى وخلاص
نبيل/ عليا اني يا ريهام ؟ معقولة بنت عمك متقولكش ؟ 😏
ريهام/ هذا اللي صار
نبيل'/ موووقف اخخي الحق ربي يصبرها.. والله بنت كويسة ومتستاهلش💔🔥
ريهام/ بالله عليك متقولاش 😤😡
نبيل/ لازم يعرف نتيجة فعلته.. ع الأقل يدير موقف
ريهام/ تي هوا سمع ب حادث زياد ومتصلش باها بككل .. بيتصل وبيسأل علاها وهيّا فالمستشفى😭
نبيل/ تو نعرف كيف نجبد منه الدوة.. اني بروحي محكالي شيء 💔
______________________________________
معز/ ياربي شن بندير ،، قداشني غبي ومعرفتش نتصرف.. أصلا هكي ولا هكي أني خسرتها 😔💔 لأنها مستحيل ترجعلي قلبها قوي .. ع اقل ندير روحي أني اللي فايتها ونحفظ مية وجهي ،،
(معز يفكّر في أسيل بس خلاص معش يقدر بواجهها من عملته 🔥🔥)
تررررن تررررن
نبيل/ الو وينك يا راجل
معز/ تاعب يا برو معش فاها كيف كان نلقى نمشي لتونس توا ..
نبيل/ مش قلنا بعد اسبوعين ولا عجبك الجو مستعجل😏
معز/ هههههه من ميحبّش الراحات ،، مسد خدمة الصحراء ومسد التشحيط اللي هنايا والله خلوقي خلاص..
نبيل/ خيرك نحس فيك مش أوي 😏(يبي يجبد منه الدوة هههه)
معز/ لالا غر التعب ولّى عليا بس..
نبيل/ تعالى أني قدام الحوش اطلع نكسدو
معز/ خلاص امالا تعالى خش للمربوعة خير من الصقع برا
_____________________________________
ماما / توا نبي نعرف شن حتستفيدي لما بتقعدي تسحني فروحك.. ااااه😭 ياريته حتى يستاهل😤
أني/ لأنّي نستاهل 😭 عقاب الوقت نطلع هكي 😔💔
خشت ريهام وقعدت تواسي فاها ..
خشّت الدكتورة وزادتلها تغدية وحبوب مقويات💔
ماما/ هاكي كولي عسل بالمكسرات قيمي صحتك
أني/ منبيش خلوني 😭
خش بوي / شن حالك يا بنتي توا 😣 شن يا نجاة كلت من العسل
ماما/ أهو كيف قلتلها وقالت منبيش 😤😒
بابا/ شن متبيش 😡 هاتي الكاشيك
قعمز بوي يوكّل فيا وأني نزمط بالسيف 😭 للدرجة هادي يا معز حبّك خلاني نشحور بوي وامي ف عز الليل راقدتلهم فالمستشفى 😭.. ماهو هادي نتيجة السحن والكبت 💔 بش تقعد شخصية وشامخ قدام حد ،، لازم تكبت وتقعد تاكل فروحك بنيرانك لين تولّي رماد🔥🔥
________________________________________