❤️❤️.... بنوته حساسه... ♥️♥️
#روايه العشق الممنوع
( المقدمه)
هذا ياستي اول روايه نكتبها اوكي؟ ورح انحاااول ونبذل أقصى جهد باش تعجبكم واول شي رح انعرفكم بالشخصيات
# رؤى : مواليد 96منبيش نوصف ملامح شكلها 😁 لكن بيضه هلبااا وشعرها ع الحني يهبببل ومليانه شوي والأهم من هككي (فلسطينيه)؟؟ عاد وانتو تعرفو الباقي😍 🤗..... بس هدا الشي رح يلعبها في قصتها.. مانعها؟؟!!! ... المهم شااااطره هلبااا ودماغ وديما الاوله أوالثانيه ع الدفعه متحبش حد زيما اتحب كتاباتها😂... بس هيا مولوده هني يعني ليبيه ومن عزز الليبيين يعني عائلتهم نفس العادات والماكله والكلام وكللل شي عندها 3 خوت ولاد وحتى هما نفس الشي....
# ريماس:مواليد 96 هادي ياكبدي لسااان طويييل ومستحيل اتفوت حد وصل فيها من غير متفش غلهااا ومسمومه يعني عندها نضرات منحكيلكش لكن سمها واضح في لسانها بس مع الناس يلي تستاهل يعني يعني متنافقش...... وطويله وضعيفه... وحلوه شعرها طوووويل زي لسانها👌 وناااعم 🤩وعندها قصتها ديما طالعه بس منغير قصد راه... شاطره زيها زي صاحباتها....
# هدى: مواليد 96..... هادي البنت الطيووووبه🤩 وعيونها ملونات قصيره وطولها دايرلها عقده ولما تسمن اتجيها حاله نفسيه 😂 ومع طولها هدا مطلعها كيووت بس صريحه هلبااا مش زي صاحباتها عندها عادي كل شي... وتقرا هيا وريماس و رؤى مع بعض من الابتدائي ومستواها اقل منهم بشوي
# نور: مواليد 97 نفس الدفعه قبل عمرها.... هادي البنت المسكينه درويشه في حاجات وحاجات لا ميغركمش الوضع 😂.... جت في الثانويه مع رؤى وريماس وهدى و خلوها في القروب متعهم وولت هيا الجو يلي فيه ديماااا تنكت وجو عليهاا بس مع هدا شااااطره وتنجح نفس الشي يا الاوله ولا الثانيه عندها بوهاا وااااعر حاله وهدا الشي..... مانعها؟؟!! ايه و طويله وضعيفه وبيضه وعيونها كباااار تهببل🤩
( رؤى& ريماس& هدى& نور : يقرو في ثالثه ثانوي وديما حاسدينهم البنات على شطارتهم كيف قروب كامل شاطرات والشي الأهم انهم مستحييييل يتكلمو حتى كلمه وحده مع ولد معندهمش على الوضع متع علاقات وحب وو... نهااائي ولا ايفكرو انهم حتى ايجيبو سيرته في الهدرزه العاديه وكانو عاطيين لكل ولد قيمته 👌😂 وقت يتجرا.... والبنات ديما يسهوكو عليهم كيف الشي هدا؟ وتوا في آخر أيام الامتحانات النهائيه عشان ندخل في القصه طووووول)
# في حوش هدى
ريماس : الله 😌 مش مصدقه امتى ننتلف من السنه الغَبره هيا
رؤى : خار التغطيه😇.. شاده الكتاب وتقرا بصوت واطي
هدى :اي والله... تي اني اول حاجه بنديرها قبل مانروح غدوا بنشرك كتاب الاحصاء على خشم الابله يلي رايح معوج زي الجذر التربيعي 😂
ريماس :😂😂😂 لااا اني بنرفع معاي كتاب الانجليزي خصيصا لستاذ مفتاح 🔑 باش بنقوله هاك كمل الاسم المركب ماعندنا مابنديرو بيه قاسمه علينا
نوره: 😂اي والله عندك حق مفتاح الانجليزي 👌... حي علينا حي ومعادش مازال وقت ع المغرب وحني مكملناش وزيدو قررمو كان جاوبتو غدوا هوا يوم بس فوتو وقرمو لن تشبعو.... كم مزالك هدى؟
هدى: الباب الرابع..... وانتي
نوره: كيف باديه فيه..... ريماس وانتي؟
ريماس:قعدا في قوانين نيوتن نحرث
رؤى : عيطت بصوت عالي...... كممممملت 👏
ريماس& نور& هدى:😮😨 مسسسرع
رؤى : اني مكنتش انقرم في الابلات معاكم..... الحمد لله😌
ريماس :باه شاطره 😒... تعالي اشرحيلي قوانين نيوتن
رؤى : تعالي.... اممم... وبدت تشرح....بعد وقت
ريماس:مافهمت شي😢😭
رؤى :ووووك سعه يحمااره شوفي اني توا دفيت الطاوله هذا فعل وهدى بتردها هذا رد فعل😐
ريماس:تي نفس الجمله شاهدتها من بكرى شنو معرفتش باه كان مافيش فعل كيف بيجي رد الفعل😅؟
رؤى : 😕😕😕شنوووو؟ هذا شؤال ولا استعباط هوا في رد فعل بدون فعل؟ 😂😂
نوره:في آمالا شنو؟ 👌
رؤى & هدى : باهتمام... شنو؟
نوره: جبهت ابله الفيزياء 😂
ريماس & رؤى & هدى : ههههههههههههعععهههه نفلقو بالضحك 😂 مره يقرو ومره يضحكو.
.........وكملو قرايه
___________
بإختصار
ومشو البنات دارو الامتحان وهدا اخر يوم وجاوبو ودارت كل وحده يلي في خاطرها لأنها اخر سنه وبعدها عااالم جديد جايهم.... وبعد شهر طلعت النتيجه وروى ونوره وريماس من الأوائل وهدى بعدهم.....وسجلو الاربعه في كليه الأسنان لأنهم متفاهمين.........
# مشو رؤى وهدى وريماس مع بعض للمحلات باش يشرو حوايج الكليه لأنهم يلبسو زي بعض ومتفاهمين وبعتو لنوره اسمأء المحلات وصور الحوايج باش تشري زيهم لان بوهااا مخلاهاش تمشي؟؟..... ومشت وشرت
___________
وتوا جي اليوم المنتظررر
__________
ناضو البنات كل وحده لبست اللبسه يلي متفاهمين عليها ووتو روحهم وكل وحده جت للكليه. خشو خدو جدول المحاضرات متعهم وكانو ملفتات للنظر بلبسهم وادبهم وعيونهم يلي مستحيل يرفهوها في حد وغير تفكير اي بنات تانيات....
رؤى : رجليا وجعوني من الوقوف
ريماس: باه هيا نمشو للكافيتيريا نقعمزو شوي
نور: جعااااااانه🙃
هدى: اي حتي اني.... بنفطرو راه
ريماس: بااه... لكن يحليلك هدى باديه تسمني راه
هدى: عادي شنو فيها حتى الدلفينه ماجده خالتك ضعفت
نوره و رؤى :😂
ريماس:الحق مش فيك فيا اني يلي ننصح فيك
هدى:اي والله نصايح قهرتك تبي الترقيلي الضغط ع الصبح
بينما البنات يمشو في الممر قابلهم منضر خلااهم واقفين من الصدمه ويشوفو لبعض.....
&هدى&نوره&روى&ريماس :😨😢😢😢...... يتبع
انشالله اتكون عجبتكم كمقدمه واستنوني في الحلقه الاولى في هلباااااا احدااااث 😊😊....... نستنى في دعمكم ليااا ونشكر كل البنات يلي دعموني........ وعارفتها قصيره لأنها مقدمه بس!! ❤️❤️❤️❤️
