#العشق الممنوع
الحلقه 24
بقلم :So_jod
نوره:مسحت دمعتها يلي على خدها وهيا مبتسمه بعد ماكانت تتذكر .....لا لا نوره انتي تتوهمي شن يلي قاعده اتفكري فيه.. هذا غلط غلط غلط.. ومدت يدها وسحبت أوراقها على سريرها... هذا غلط وتوا الصح قرايتي وبس قرايتي مش رح ينفعني حد... وحست بغصه وقت اتذكر قصتها وبوها يلي مسكر راسه على الموضوع رجعت اتكت على سريرها وغمضت عيونها وهيا اتفكر في يلي جاي لن خذاها النوم❤️
________________
يوم جديد
في الكليه
ريماس : خيرك انتي شن صاير؟
نوره:نزلو دموعها.... جي امس واحد عطي فيا كلمه لبابا😞😓
هدى:😳وشن يلي ايبكي في الموضوع؟
نوره: انا منبيش منبيش نتزوج افهموو منبيش.. وتخبط في وجهها
ريماس: ضحكت.. خيرك انتي؟هبلتي؟ كادامه عطي فيك كلمه معناها اكيد مازال علبا وقت او بستناك وهكي
نوره: يستنى امه تعرفيها انتي وياه🤭😂 انا نبي انعنس هي منبيش نتزوج
رؤى : خيرك انتي؟ في حاجه اسمها خطوبه وتعرفي عليه وتقعدو قدااش وبعديين تتزوجو
نوره: عارفه مش حماره انا.. لكن منبيش حد ايجيبلي السيره هادي توا.. قلت منبييييش حليت فممي وقلتها الكلمه واضحه م ن ب ي ش افهموو ياعالم لكن بابا مسكره راسه مش عارفه خيره عزاه هكي 😭
ريماس: باه في عندك حل؟ غير انك اتوافقي؟
نوره: مفيش ومنيش موافقه خليه يعطي كلمه ولا حتى شعر😂.. كان تتطربق ماني موافقه شن بالسيف هوا؟
ريماس: تعرفي عندك حق 😈.. مش بالسيف
رؤى & هدى:🤨😳
هدى: مصح وجهك بدل ماتقوليلها غلط و اتفكر.. اتمحشي فيها؟
ريماس: منمحشش فيها لكن البنت متبيش مش بالسيف
رؤى : انتي وربي لو تاخدي مكان رضوى لما الشباب ايعنسو مش البنات🤦🏻
ريماس: احسن... لكن كأنك وارثه التفاهه على خطيبك مش منك ياحنه 🤷
رؤى :ابتسمت... اي سلمه لي ياكبدي كان مش منه راني موليه زيك نكد
تررن تررن
رؤى : مسكت تليفونها.... هاه شوفي يتصل..... عمره طويل يؤبرني 😂
ريماس: آمالا شنو قاعد فكشختك شن متوقعته ايموت يعني؟
نوره : مسحت دموعها وابتسمت... خيرك انتي بديتي تدوي في كلام العوانس 😂... راه القطار مافاتش قاعد
ريماس: ضحكت.. انتي وربي ماينفع فيك الخير جايه بنصبرك امشي سحنتي... وبعدين يلي مطمني عوانس زي بعض 😂
هدى:لكن حسيت قطاركم معطل في الوقفه😂
نوره: لا غر البنزينه ناقصه😂
تررررررررررن
رؤى :ردت علي الفون... ايوا
نزار: صباح الأناناس يا احلى الناس
رؤى :☺️صباح النور
نزار: امشي اعطيك ساطور..... هذا فاش فالحه تي انقرض الكلام هذا 🙆🏻
رؤى : منعرفش انرد على الكلام الحلو☺️
نزار: اهااا عندك حق... المهم تعالي للكافيتيريا الخلفيه انا قدام الكليه كيف خاش
رؤى : تمام ❤️... وسكرت الخط
هدى:شنو التمام؟
رؤى :قامت شنطتها بنمشي للكافي يلي في الخلف مش معطله..... اقعدو متروحوش مازال بنحكيلكم.. ومشت
هدى:نيالها العبيطه هادي.... مش انا مايتفكرش فيا غير بعد الخدمه🤦🏻
نوره: تي احمدي ربك انتي يتفكر فيك بعد الخدمه كان قبلها راه لما اتكلميه مايزبطكش يسحابك سوسه ولا حاله من المرضى متعه😂
هدى:😂😂خززي..... مش عارفه خيركم هوا صح ايحب قرايه وخدمته لكن والله ايهههبل انتو متعرفوشي😍
