العشق الممنوع
الحلقه 19
بقلم So_jo
هدى: ءءااء.. اسمع خلني انقولك على حاجه توا
معتصم: شنو؟
هدى: انت سمعت كلام نوره يومتها ولا؟
معتصم:اي؟ خيرها اللفعه هديكا؟
هدى:كلامها يلي قالاته كله صح وانا بناخد برائها
معتصم: باه وانا؟
هدى: كأنك تتفكر في كلامها قبل... تعرف شنو رح ايصير فينا..... انا قعدا كي ف باديه ف الكليه يعني ليا سنه بس وانت قاعد تقرأ.... منو بيوافق عليك وعليا ترا؟
معتصم: اي معاك حق😏
هدى:انصدمت من كلمته... متوقعاتاش هكي حيكون ردة فعله....... شنو؟ 😕
معتصم: انتي قلتي ميمشيش الوضع قلت معاك حق🙄.... وحتى انا هكي وجهت نظري من فتره
هدى: يعني قصدك ان كل شي تم؟ خلااص؟ 😢
معتصم: انتي قلتي. مش انا راه!🙄
هدى: قلبها قريب ايطيح مش عارفه علاش معتصم هكي صار...... باه يعني شنو الحل؟
معتصم: انا مدرت شي وما قلت شي... انتي يلي هكي تبي مش انا.... يعني انتي بتلقي حل
هدى: اتنرفزت.... يعني انت عندك عادي ان ننفصلو؟
معتصم: انتي خيرك ااه خيرك.... جايتني اتقوليلي نبي ناخذ بكلام هديكا المرجوجه😂....وان معادش نقدر نكمل وان خلاااص تم كل شي ومش عارف شنو..... واتقوليلي عادي؟ تي ماك انتي يلي تتكلمي مش انا راه انتي جايه مقرره وتبيني نلقى حل؟... كان انتي هان عليك حبنا 💔 يلي ليه قريب سنه مع بعض في يوم اتخذتي قرار في مره! واتقوليلي انت شنو؟ بجديات تدوي انتي؟ من عقلك؟ شنو تبيني اندير ترا قوليلي نشد بيدك وانقولك لااا يعني؟ قولي انك خلاص مليتي منًي ومعادش تبيني و اخده كلام صاحبتك سبله.... عادي راه.. عادي.. زي ما هنت عليك وقادره اتقولي الكلام هذا.... حتى اناا..... قاطعاته هدى
هدى:دمعتها على خدها😭..... حتى انت شنو؟ ااه شنووو؟ انا مقلتلكش خلاااص انا قلتلك فكرت في كلامها فكررررت. وعندهااا حق كنا عايشين في وهمممم وتوا فقت منه أي صححح وهممم 😭...... انت دخل في دماغك يعني أنك هنت عليااا ااااه؟ مش هدى يلي تلعب بي مشاعر شخص لااا مش هدى يلي تكذب لكن من برودك وتجاهلك يلي ليه فتره واضح عليك مش طبيعي! انت متجاهلني مش انا. قداش مره دورت عليك وملقيتكش قداااش؟ كنت مختفي شنو اندير ااه؟............. مسحت دموعها..... هه.... باه تمام تمام..... انت هاذي فرصه وجاتك تبينا ننسو يلي صار خلااص كل حد يمشي ف طريق؟ خلاص زي ماتبي؟. وغيرها.. الحل واضح زي ماانا كنت واضحه معاك...... شوف انا وانت مش ح نتلاقو اوكي؟ لعند مانثبت روحي ف الكليه ونفكر في الأمور هادي تمام؟ لأن انا ميمشيش معايا جو العلاقات.... خشيت في علاقه بدون منحس على روحي اصلا لكن باه يلي فقت..... انت حتنسااني توا وانا حننساك تمام؟ ولو في نصيب ان انكونو لبعض بعد عامين او اكثر الله اعلم....... وانت شوف حياتك لان اخرتها مناش لبعض واااضح
معتصم:انتي بعقلك هدى بعقلللك؟؟ انتي تتكلمي على سنين رااه سنين !!! ؟ كيف هكي كيف تقدري اتكون قاااااااااسيه على روحك وعليا هككي؟ ااه كييففففف؟
