روايات بنوتة حساسه ❤️
# روايه العشق الممنوع الحلقة 11
احمد : ناض مشي بيرفع امه للمصه.. هي توا استودعناكم.. وهز براسه عليك مختشين 😆
كملو البنات من المحاضره وروحو كل وحده لحوشها
# ريماس :عاجبها اسلام وتصرفاته معاها وبالرغم من انه كان ديما قبل شايف روحه عليها بجماله بس كان معاها غير اسلام الأول وكل يو تزيد تتعلق بيه اكتر لدرجه انها تخاف كل يوم من انه اتصير مابيناتهم حاجه تفصل مابيناتهم ومع هاذه قااعد في حاجه مانعتها!! بالرغم من حبهم الاتنين لبعض... ورقدت وهيا حاطه يدها ع فمها🙊وتتفكر في البوسنه متع اسلام وهدا يلي مخوفها هل غلط او صح؟
# هدى : مطمنه من ناحيه معتصم يلي كان يحبها ومن نظراته ليها واضحه انه يحبها ومرررتاحه وخااصه انه ديما يقولها بنخطبك بكري وبنتزوجو بكري وهدا الشئ يلي مخليها ترتاح وانه يلي الدير فيه مع معتصم مش غلط!
# رؤى : فرحاااانه وفي حياتها ماحست بالشعور هذا ومندمتش على يلي قالاته لنزار لأنها عااارفه انه يحبها وحتى بعد ماقلته انها فلسطينيه قاعد مُصر.. بس كان في قلبها حاجه واجعتها💔 وهي أهلها يلي مستحححيل يوافقو ومره تبكي ومره تسكت
# نوره :هااذي البنت يلي مكسوووره الخاطر يلي من حد مخشت الجامعه و الايام يلي تبكي فيها أكثر من الايام يلي تفرح فيها بسبب جهاد ويلي داره فيها.. بمجرد مروحت من الكليه... خشت تبكككي ومسكره الدار على روحها وخايفه ان بوها يعرف بيلي داره جهاد ومش حيتفهم شي بس يكرها في عيشتها.. وطبعا نوره متفكرش ان في حاجه حتصير بينها وبين احمد لان بوها مش من نوع الآباء يلي يزوج بنته على رأيها ولا اتفكر في انها اتحب وتعشق حد حتى التفكير ... وكل متسكت تتذكره كيف شدلها يديها ولما حضناته اتحس بالأمان واتفت بس انها تدعي لأحمد بالخير.. وكااارهه حاجه اسمها كليه ويلي فيها.. ورقدت وهيا تبككي
# معتصم :فرحااان ويفكر في الخطوووبه وامتى بيقول لأمه وأهله ويستني في الأسبوعين يلي قعدو على السمستر
# اسلام : مقعمز شاد في يده تليفونه ويتحسر.... الله في حد مايخذش رقم حبيبته؟ لكن لالا منيش طالبه منها بعدين اتفكر غلط لازم يصير شي رسمي... ويتذكر في ريماس وكيف باسها ❤️
# نزار: قلبه بيتقطع على حبه و رؤى يلي فاقده الأمل بس كان يقول انه حيعمل المستحيل باش ياخذها.. وقاعد مقالش لصحابه... وفكر انه يقولهم ويدبروله حل
# احمد :طووول الليل وهوا يفكر في نوره وكيف اتجرأ انه يدير هكي معاها وهدرز عليها ومطول بااله عليها وبس كان يقاطع تفكيره.. البنت تبي تقرأ وبس و اني درت يلي عليا باش نحميها وخلاص واي حد حيدير هكي... و معادش نبي انفكر خلاااص ومسح وجها بيديه ورقد
_________
يوم جديد 🌅
ام نوره : نوره نوضي هيا خوك بيرفعك وقت ع الكليه
نوره : فتحت نص عين 👁.. وخطر عليها جهااد وخافت يدير شي اليوم.... منيش ماشيه قوليله
ام نوره : شهقت ااه والله؟ من امتى اتغيبي انتي اه؟ نوضي يلا بوك يسمع بيك ينتفك
نوره :ماما بالله عليك الامتحانات الاسبوع الجاي وحنى مناخذو في شي توا نبي نرتاح قبل الامتحانات.. بالله قوليله مريضه
ام نوره : مدخليش فيك اتفاهم انتي وياه.... وطلعه وسكرت الباب
ريماس : ناضت بكري وناشطه؟ ولابسه ومتكمه روحها كالعاده... ووقفت ع المرايه تتكلم مع روحها.. الله محلاني 😁 توا بنبدا فلي الخطط متعي؟ 😕... وطلعت ماشيه للكليه
هدى : حتى هيا ماشه للكليه ووصلت
رؤى : نايضه وقاريه كالعاده🧐 ولبست وكملت وقلبها فيه نخصه من حد مخشت للكليه؟
.......
وصلو للكليه البنات وكانو مستغربين في نوره علاش مجتش.. انشغلو معرفوش كيف يوصلو فيها لأنها معندهاش تليفون📱
اسلام:واقف مع صحابه ويهدرزو كالعاده.. ويغمز لريماس من بعيد 😉
نزار : افف اسمعو نبيكم في حاجه ونتمنى مترفضونيش
معتصم : مدامه غير اسلوبه وهكي.. معناها بيدير فالطه
اسلام: لما بتساسي حاجه تعرف كيف تتكلم😁
نزار: تي ياخرا مش هكي اني نبي منكم حاجه كبيره
اسلام : واني صغير على الكبير 😅
نزار: باارد به خليني نتكلم
معتصم: تكلم هي
نزار: البنت طلعت فلسطينيه
معتصم&اسلام&احمد:يشوفو لبعض😮
نزار : خيركم؟
اسلام: يرمش في عيونه. م متأكد
نزار: اي.. هيا الفالطه مش هني
معتصم: آمالا وين
نزار: أهلها ميعطوش فيهم لليبيين
اسلام: اااه حي على امك كيف بالدير
نزار: مش عارف.. بن كلم بوها وخايف يرفض
اسلام :بلا استعباط اكيد بيرفض
معتصم :والحل؟
احمد:انت دير يلي عليك وجرب
معتصم : باه هوا بيررفض والحل؟
اسلام:بالله ضم فمك انت.. هوا انت مفروض اتيبه الحل مدامك ادماغ
احمد : مع انه ميحبش يساعد حد على حاجه هكي متع بنات لكن مقدرش هدا صاحبه...بعدين تو اندير لك رأي
اسلام:رفع حاجبه.. احمممد؟ مستحيل. نزار رد بالك هدا والله لما يعماها بدل مايكحلها
نزار: مع انه مستغرب من أحمد لكن فرح لانه احمد عند كلمته👌..انشالله يبزعها العين كلها المهم لني نبي البنت
معتصم :شاف لاسلام بشماته.. اوووو قويه في السنون لم اسنونه لم اسنونك هي 🤣
اسلام: ضرب متعتصم بالله دم فمك ياباسل... ونوض اجري المحاضره باديه بكري 😹
معتصم :شاف الوقت لقاها باديه شنو احمد بتمشي ولالا
احمد : افف برا تو انجي
نزار: اني لياا قريب اسبوعين محضرتش
اسلام :مش منك ياحنه
نزار:الله ع اساس انت يلي حاضرهم يعني
اسلام:اه😅الله غالب الصاحب ساحب😉
نزار: باه شن رأيك توا نمشو
اسلام: والله اني نعرف من عاشر قوما 40 يوما اصبح مثلهم.. مش من شاف بنت يومين أصبح مثلها
نزار: 😒ومشي
اسلام:ناض يضحك به هاني جاي. ومشي
البنات يتصلو بهاتف ام نوره كان مسكر!
رؤى :اني مشغوله عليها خيرها زعما
ريماس: مش عارفه تو لما اروح نمشيلها
هدى :اي حتي حني بنمشو معاك وخشو للمحاضر
_______
بعد ساعتين
البنات طلعو من المحاضره ويهدرزو
ريماس: انفكر منمشيش
هدى علاش؟
ريماس: هكي دوه فاضيه
رؤى :اني كان خلوني بنمشي
هدى :حتى اني انغير جو ع الاقل
______
معتصم:سمعتو؟
اسلام: بالفصحه.. استغفر الله.. لعن الله القيل والقال 😹
نزار: اليوم نازل فيها حكم وامثال ومواعض بالله اسكت.. شن في
معتصم : غدوا يوم مفتوح
اسلام: من فتحه 😂...
معتصم:تافه... غدوا في رحله ل...
اسلام: بخبث.. باه الدفعات الكل بيمشو
معتصم :اي الكل
نزار: به معناها اليوم بنمشي انكلم بوها
معتصم:ياويللللك منه ره الفلسطينيين واعرين
اسلام:اي تو بيقولك مين انت ولااا اه شو بدك ببنتي.. انا مابعطيها لواحد مثلك.. 😂 وسترك ربي كان امها محذفاتكش بطاجين خبزتهم عاد فالحين هما فيها 😂😂
معتصم: يضحك..بيقول.. لك انا ابو رؤى على سن ورمح بيجي واحد تشتوش مثلك بدو بنتي؟ 😂 روح من هون ولا بإجي اشختك ع البلُّوعه 😂
نزار: 😒
احمد :هازي عليهم ومقدرش يشد ضحكته😂ههههه.....وبدت تختفي آثار الضحكه من على وجهه لما شاف البنات مقعمزات وملقاش نوره معاهم.. استغرب معرفش شنو يدير كيف بيسأل عليها
احمد: مالدورونيش في المرواح اني بنمشي تو
معتصم : تمام برا
_______
احمد :مشي وهوا يفكر كيف بيكلمهم لين خطرت عليه فكره طلع هاتفه واتصل بأخته نوال
نوال:ايوا احميده
احمد:اسمعي نبيك اتكلمي اي بنت تعرفيها في كليه الأسنان اتجيني نبيها في حاجه لاازم
نوال: علاش
احمد:ايح مدخلكش بسرررعه
نوال:خافت ومبتش اتكثر الدوه.. به شن بنقوللها؟
احمد: قوليله اتجيني وتو نتفاهم معاها.. المهم تواتوا
نوال :مستغربه به به
نوال:اتصلت ببنت تعرفها (ندى)ووصفتلها احمد وطبعا هوا ميحتاجش وصف لان حكم الكليه كلها تعرفه ويخافو منه..
ندى :تمام تمام هاني لقيته باي توا ومشتله
ندى:اهلا☺️ كيف الحال
احمد: متعصب.. شافلها ورفع حاجه. في سره هاذي خيرها تتبسم شكلها ماصدقت... افففف كيف بتفاهم معاها الحاصله هادي... اسمعيني كووويس اتشوفي في البنات هوكا 👉ويأشر على ريماس وهدى ورؤي
ندى: مصدومه فيه كيف يتكلم هكي خافت لان اسلوبه جدي هلبااا وكان معصب.. اأ أ اي
احمد : بريلهم وقوليلهم........
ندى:😕😲
احمد:فهمتيني؟
ندي: اي اي
احمد : ومدلها فلوس.. هاك هدا حق خدمتك
ندى:🤑 ب باهي تمااام ومش فرحااانه
______
ندى: اهلا
رؤى : اهلين بيك
ندى : كيف حالكم 😊
هدى :بخير الحمد لله
ندى :دوم انشالله.. بنسألكم على نوره وينها حت اليوم؟
ريماس:استغربت.. رفعت حاجبها. علاش؟
ندى: لا غر نبي منها شيت قبل
هدى : اهاا.. ماهيش موجوده غايبه اليوم
ندى : اهاا.. انشالله خير.. شن فيها؟
هدى :اا... قاطعها ريماس
ريماس: تو لما اتجي غدوا انشالله تعطيك الشيت تمام توا باي
ندى:بباي ومشت مرعوبه من نضرات ريماس ليها مسكينه!
_______
احمد: كان واقف بعيييييد عليهم
احمد: شن صار
ندى : قالت مجتش ومابوش يقولو علاش
احمد: انشغل اكثر و وول شك في جهاد.. اتصل
طووط
وليد :ايواا
احمد: بعياط... شن صار في الكلب يلي قتلك عليه أمس
وليد: من امس انتبعو فيه وتوا بنمشوه نجيبوه
احمد: كلمني اول متشده
وليد:تم هي
احمد : تنهد وسكر الخط
_______
رؤى :خيرك معاها البنت؟ رعبتيها
ريماس : مرتحتلهاش شن اتقصقص
هدى :قصدي عادي سؤالها اتصير
ريماس:لامتصيرش مدخلهاش.. وكملو هدرزه
_______
احمد: روح من الكليه وهوا مشغول على نوره وفي نفس الوقت مش عارف السبب علاش هوا هكي دار ومهتم بيها هلباا.. يقاطع في تفكيره ويقول اني موفيتش بوعدي قاعد ولازم انأدب جهاد وبعدين مش رح نفكر فيها تاني
روحو البنات مع ام هدى ومشو طووول لنوره في الحوش....
طق طق طق
ام نوره:فتحت الباب... ياهلا ومرحبا اانستونا اانستونا ودخلو
ريماس: كيف حالك عمتي؟ 😊
ام نوره:بخير الحمد لله
رؤى :نوره وين؟... على خشت نوره
نوره :اهلا شن الجو والله استاحشتكم
ريماس:اتفصل فيها تفصيل مستغربه انها مافيها شي وجوها مليح بكل وتضحك... اشرتلها بعيونها بمعنى... علاش غايبه
نوره:مبتش اتوضح قدام امها...يتبعع
