الحلقه 26
بقلم:سجود سعيد
___________________
بعد نص ساعه 👌🏻
احمد: حط سلاحه في خصره 🔥... ولبس نظارته ونزل من السياره🤤❤️.. شاف للمكان يلي قدامه وتنهد وخش لريسبشن... نبي للفرخ متع قسم الاداره عندكم؟
البنت: مستغربه من اسلوبه ومقالش حتى الاسم خافت من نضراته وشخصيه... تمام دقيقه ويكون عندك ياأستاذ اتفضل ارتاح
احمد: قعد واقف لعند مقابله الولد يلي يسأل عليه
الشاب : اتفضل؟
احمد: قرب عليه شده من مرفقه وقام الجاكيت متعه ووراله السلاح
عادل : شاف السلاح وابتسم بخبث.... تهديد علني
احمد: ابتسم وفنص فيه 🔥... احسبها تهديد خير من تنفيد
عادل : طلع برا ووراه احمد.. بعدو على المكان يلي فيه
احمد: دف الولد لعند ماجي طايح.... شوف ياروح امك انت... انا حتى اسمك منعرفاش وماتهمنيش لكن يلي ايهمني يلي بنحكيه تواويتنفذ بالحرف الواحد ...
عادل: قام روحه وساوى جاكيته ويتكلم بخبث ..... وانا منعرفكش وماتهمنيش وماتعنيليش وعمري ماانفذ شي غصب عني يا واعر
احمد: استفزه بؤسلوبه.... متعرفنيش؟متأكد؟
عادل: 🙄
احمد: احمد ال....... مش قلت واجهني؟ هاني جيت؟ هات ماعندك؟
عادل : اهااا زبطتك... وقاعد على قراري
احمد: هجم عليه ضرررب بأقووي ماعنده فش غللله فيه 😡.... والولد يدافع لكن يلي يعلق مع احمد تمله🤷😂
احمد؛ مستمر يضرب لعند ماخلاص فشل... لوح الولد وحط عليه السلاح....وتوا؟
عادل: يتكلم وهوا فااشل.. تت تبي....
اسلام:ايعيط ويجري يقرب منهم... لاه عليك يارااااجل
احمد:قام راسه وهوا داهش لانه كان يضرب بقوه جهده.. شاف لاسلام وزاد اعطي لعادل بوكس والسلاح على راسه... شني تشاهد والا تتراجع؟
عادل : تت تبيها بالرديف انت؟ورب الكون ماني فا... قاطعه بوكس تاني من أحمد
اسلام: شد احمد من مرفقه.. ت شنو الدير يارا؟ مش هكي متفاهمين الزح؟
احمد: وربي ماه طالهعا من هني لن يدير يلي قتله عليه
عادل : يتمتم بكلام مش مفهموم
اسلام: طبس راسه لعادل يلي كان وجهه غارق دم...ولما ركز فيه انصدم؟ 😨
__________________________
مرام : باه جربتي حكيتي معاه؟
نوره:راقده وحاطه رجليها على الدولاب وسارحه....لا
مرام: شفتيه؟
نوره: لا
مرام:باه تعرفي من عيله من؟
نوره: تلعب بخصلات شعرها واتفكر... لا
مرام:افف باه عندك ايميله مكان شغله اي زيفت نلقوه فيه؟
نوره:عدلت تقعميزتها وتربعت.. لاااااا لااا منعرفش ومايهمنيش وكل يلي نعرفه فيه خرا خطبني بسس
مرام:اقسم بالله انا الحمار يلي نحكي مع سطل زيك 🤦
نوره: اكيد حماره مدامك تحكي مع سطل شنو متوقعه يعني
مرام:الحق مش فيك في يلي يدوي معاك.. وناضت
نوره: جبدتها من يدها... تي تعاالي جاي بالله دبريلي حل منبيش نتزوج
مرام:رجعت قعمزت... قصدي ياسرك هوا هاكا مازالك سنتين جامعه بس اقريهم في حوش راجلك شن بتخسري؟
نوره:افهمي انا بنصير دكتوووره منبيش حلمي يضيع ع الاقل نتخرج وبعدين ساهل مش توا!
مرام: انتي يلي يقدرك يواجهني 🤷
نوره:🙂
مرام:متطلعيش عندك واحد من هني ولا هني يافانص؟
نوره:فنصت فيها.. من وين؟ وين؟
مرام:خافت.. شي سلامتك
نوره: والحل؟
مرام:انك اتشوفيه وتتعرفي عليه وبالك يطلع طرف وجنتل ويستأهل
نوره: منبيش
مرام:السبب؟ والمره هادي متقوليش قرايتي وبلا بلا
نوره:تنهدت...تعرفي انا نقدر نوافق ونكمل قرايتي في نفس الوقت
مرام:لكن؟!
نوره: لكن مايستاهلش انضحي علي خاطره.. لانه لو يبيني بجديات راه دورني وطلب ايشوفني وانخبطت رسمي كانه ولد حلال وراجل حق.. ويسحابني بضاعه عاطي فيا كلمه وامتى مايبي يحدد العرس وهوا ايهيج اشبح وين ومايعرفنيش ولا حتى شافني... توا هناك ناس هكي تخطب؟وحتى بعتت لوحده ولمحتله ان نبي نقرأ ومنبيش وهكي قاعد مصمم مش محترم حتى رائي
مرام:سارحه تفكر... عندك حق؟ شنو السبب يلي يخلي واحد يخطب بنت بدون مايشوفها؟.. زعما واثق في جمالك للدرجه هادي؟ 🤔
نوره:🤨😡
مرام: مش هكي قصدي يادراه😂.. باه والله حق كيف هكي؟؟شنو العريس الغامض هذا؟؟
نوره: ساكته
مرام: باه وافقي خير امك انتي؟ وانشوفو لوين اخرتها
نوره: انجرب قصدك؟
مرام: اي الحياة تجارب
نوره:اتفكرر في كلام مرام..اسكتي ترا مش طالع عليك جو المواعض.. تسحاب روحها في معمل بيولوجي.. جربي😂
