العشق الممنوع (روايه ليبيه)

💔الحلقات المحذوفه

🔥🔥روايات بنووتة حساسه 🔥 🔥
# روايه العشق الممنوع
#الحلقة 9

ترن... ترن.. ترررررررن
ريماس : بصوت عالي ايوا رؤى
رؤى : متقوليش وينكم
ريماس : بجنبها دوشه..بصوت عالي.. منسمعش فيك علّي صوتك
رؤى :هداي خيرها.... بصوت عالي.. انتي وييين؟
ريماس : في الملااااهي.. بفرررح
رؤى :شن الديري غبر فيك ومع مني ووين البنات
ريماس : مع اسلااام.. خليتهم في الكليه منعرفش
اسلام :تسأل علي هدى و نوره؟
ريماس:اي
اسلام :قوليلها اكيد مشو مع معتصم
ريماس : قال اسلام اكيد مع معتصم
رؤى : اهاا باهي باه خليتني بروحي!
ريماس : اااه مسمعتكش
رؤى :بااااي
ريماس :باي.. وسكرت الخط
رؤى : شرت شيتات من الكشك
# عند نوره ❤️❤️💔
نوره : خشت لحقت احمد ولقاته في الاداره وشافت جهاد كان أحمد مخربشله وجهه ولدرجه مش باينه ملامحه كلهاا دم وقلبها من داخل ارتااح اتنفست بعمق وابتسمت
العميد : يسأل ع القصه
نوره: بدت تحكي وقالت يلي صار
احمد : يشوفلها وقلبه بيتقطع وكان فخاطره يقتل جهاد
العميد: شاف لجهاد انت غاالط وفعلا تستاهل يلي داره احمد...توا تخطم على مكتب الامتحانات وتأخذ ملفك ومعادش نبي  وجهك هني
احمد : شاف لجهاد بنظره اتخووف 😠.. وشاد روحه بالسيف
جهاد: خاف وقرريب يمووت لان جسمه كان متكسرر
نوره : دمعتها في عينها.. ععفوا يادكتور نقدر نمشي؟         
العميد :بري يابنتي وهادي انشالله اخر مره
نوره:انشالله... ومشت تجري وهيا تبكي😭
احمد: يشوفلها.... ولحقها محبش يخليها بروحها
رؤى :شرت الشتات وكيف بتمشي وقف قدامها نزار
نزار: ابتسم.. رفع حاجبه هلا وين ماشيه؟🤨
رؤى : شدت روحها ومبتش تمشي وتخليه لأنهامتقصده وتبي اقوله يلي في خاطرها.. ببنمشي انقعمز في جاجه؟
نزار: لا. باه نمشو مع بعض
رؤى :مشت ومردتش عليه
نزار: استغرب منها انها مسباتاش ولا مردش عليه.. بس فرحااان
مشو وقعمزو
رؤى : قلبها بيطلع.. فتحت الشتات وبدت تتصفح فيهم
نزار: شن دايره في القرايه؟
رؤى : باه تمام وانت شن داير؟
نزار: والله شن بنقول ماشي حالها 😅
رؤى :باه تمام وقعدت تتصفح
نزار: قرب منها شن فكرتي في كلامي يومتها؟
رؤى : خافت لما قرب منها .. ففاش بنفكر؟
نزار: رؤى بالله اني خلاااص معادش نقدر اني قتلك من قبل اني انحبك بس انتي رفضتي ممكن نعرف السبب؟
رؤى : قلبها بيطلع شدت روحها...بس اني مش مستعده نتعلق بحد مش حيكون ليا
نزار : وعلاش؟مش ليك🤨.. اني وربي انحبك ونبيك وانتي ليا!
رؤى : متعبش روحك يانزار معاي وبرا شوف حياتك والها في قرايتك.. افهم اني منيش ليك ولا حنكون ليك
نزار: استغرب من اصرارها. باه اني والله ماني متنازل..وماني نايض لن اتقوليلي علااش يلي الديري فيه                      
رؤى : نزار اني فلسطينيه!
# عند نوره
نوره :😭 اتكلم في روحها اني اقسم بالله إلا احماره ياريتني مشيت مع هدى واتخبط في وجها يحليلي اني خلاص معادش نقدر باه علاش اني هكي علاااش؟ 😭... وتبكي بشهقه
احمد : خلااص قلبه بيتقطع.. جي قعمز بجنبها وحط يده عليه ظهرها... اششش اهدي اهدي اني بجنبك 💔
نوره : حست بيده على ظهرها ولما دارها مرعشتش ومخافتش بككل بالعكس حست بالأمااان وقعدا تبكي 😭 واتخبط... وهدا كله خووف من بوها انه يسمع حاجه وجهاد مهددها... ياااا😭حليلي
احمد : شد يدين نوره بيديه الزوز وانزلهم من على وجها.... خيرك خلاص اهدي وانسى الموضوع هداك التافه خذي حسابه ومعادش يعاودهااا
نوره :هددني ياأحمد هددني😭...
احمد :😳 شن قالك
نوره : بصوت متقطع... قالي انقول عليك كلام وانديرلك العار
احمد : بهزوه.. هيا هادي؟ 😌
نوره :😭
احمد :باه ياودي ياسرك بكى راك بكل... والله نوعدك ماهو مقايل عليك حاجه والقصه لما أتم هني وفي الكليه ومسامع بيها واحد غيرنا وحلها عندي باهي هكي؟
نوره : رفعت راسها... ككيف؟
احمد :جت عينه ف عينها.. مش قتلك انسى الموضوع اني
نوره :  باه. قداش مره بنشكرك اني
احمد : عادي ولا يهمك كأنهم كثرو عليك فوتيهم كلهم
نوره :ابسمت.. شكككرا💔
احمد : العفو 💔..كان عارف انها حتقعد بروحها لان الولاد كلهم مخططين انهم بيمشو مع صاحباتها ومحبش يخليها بروحها لان من كلامها عرف انها خااايفه من جهاد قعدا... طيبلك ابتسامتي والله
نوره :ساكته
احمد : هدرزي باه احكي اي شي....... اني فعمري ماسمعت هدرزت بنات ومنحبهاش لكن اليوم بنجرب نسمعها
نوره. : ضحكت بالرغم من غصه قلبها . على شنو بنهدرز؟
احمد :على اي شي عيلتك.. قرايتك اي شي نسمع فيك اني
بدو يهدرزو علي عائلاتهم وهكي...