وجع هههه
- والله رحمه علمودج اني لتضلين تلحين تعمين عروحج
- حقج مشفتي منضر زهره شونه اخ ربي استغفر الله دك التلفون كلبته شفته غضنفر ابتسمت رديت ---الو
- هلو رحمه شونج
- هلاو زينه انت شونك
- جريت نفس وذبيته زين يعني
- ممم ليش يعني
- اليوم والله مااعرف شكولج بس مو هواي دلع الثوب
- اي همه خواتك جابو وبس نسوان
- تنهدت حتى لو بس بنات يحجون اي ركصتي
- اي ركصت
- هواي لو شوي
- يعني سكتت غضنفر شبيك جنت ضايج
- اضوج احد يباعلج احترك
- ههه سكتت
- جابت وسن البدله البيضه لو لا
- جابتها اي وكدرتها
- ممم شيجيب باجر
- اليوم جنت طالع كلش حلو بالقاط
- انت هم كمر طالعه مكدرت اباوعلج تدرين
- ههه سكتت غمضت عيني شايله هم لباجر
- مم لا لتفكرين خو مااحد حاجاج
- اي حاجتني عمتي وشوي اختك وسن
- استغفر الله انسي كل السمعتي كلمن يعكس تجربته ابد لتفكرين بالكالوه اغار تره
- لا مكدرت اتخيل الحيصير واني عدي حيثيات بس شوي خوفه
- لتخافين لو اعرف ميصير شي المهم عدي انتي مامنه ويايه وبحضني مرتاحه همست
- والله غضنفر وداعت ابويه من يوم العرفتك اني احس عدي سند
- وبعد مشايفه شي حبيبي
- الله يخليك الي
- رحمه باجر وره العرس فندق بعدها الصبح نطلع للمطار نسافر تركيا سبوع
- اي بس اني ماعدي اوراق شون طلعتها لاوراقي سكتت صفنت هاي شون كدرت تطلعها
- بعد بعد خبليها لروحج عدي صديقي طلع اوراقج وانتي نزوح تطلع بشوي فلوس
- ممم مااعرف والله
- ممصدكه مو واكيد تكولين واحد من سكان البنايه الراطنين بالسياسه سوالياها
- اي لعد شنو
- رحمه لخاطر الله حاولي تصدكين بيه
- اي لان تعبت
- حتتعبيني وياج وراح امل
- حسكت وبعد مااحجي
- عفيه هيج اريدج سكتنا قرابه الدقايق ---باجر تنامين على ايدي لو انام على ايدج
- كيفك
- محتاج حنان حضريلي قصص يوميه اريد قصه
- هههه صار
- احبج سكتت غمضت عيني احجي
- شنو همست بتعب
- كوليلي تحبيني
-
- اي
- رحومه تصبحين على خير اخذي راحتج
- ماشي اشوفك باجر
- اي تجيج وسن ب٩
- اي كلتلي
- باي حبيبي
- باي سديته منه وصفنه بصفنه كضيتها طلعت شفت سجى تهمس بالتلفون وي كرار احبك حبيبي يوم الالنا واعيشك احلى عيشه ابتسمت عفتها سديت باب الهول عليها كعدت بالمطبخ عمتي نايمه طلعت للطرمه شفت واحد طب للبيت وين شايفته هذا تقدم كم خطوه ابتسم سلم عليه --- شونج رحمه
- ههلوًشسمه شسمه والله نسيت
- ههه نسيتيني مو اني اخو مرت ابن عمتج اني فتحتلج الباب اول يوم جيتي
- هاااا اكول وين شايفتك هلو شونك
- الله يخليج اني احمد ملحكنا نتعرف وباجر تتزوجين ههه
- الله يسلمك انت هنا تبات
- لا والله بس من ارجع من الخفر اجي هنا والدتي شوي مالها خلك خو ماكو ازعاج ادري اليوم حنتج
- لا معود عادي
- لعد وين سحر
- نامت خطيه ساعدتني هواي
- زين فد لفه كيكه عمي نص قوطيه ببسي بله غاز
- ههههه اي بقت كومه لفات تعال تفضل طبيت للمطبخ وطيته لفات ٢ وببسي انداريت عليه انت جندي
- لا ههه خرب حضي كل هالتعب اني ضابط بالمركز
- ها صفنت زين تكدر تحل قضايا لو
- اي طبعا لعد بس اكل ههه كولي عدج احد مضوجج
- لا بس اكو سالفه صفنت عادي احاجيك
- اي احجي واشوف اذا اكدر ليش لا
- كعدت عالكرسي مال مطبخ يم الجوله وهو كعد انتجه بالفرن مال طباخ بالكع ياكل ويشرب بالعصير قفلت عالموضوع الا اكوله عليه اي ابلغ ويطبهم طوب --- يعني انت شاطر لو توك
- لا عيني اني كومه لاكف ارهابيين ومخدرات شرب وعتداء ودعاره بلكن فد قضيه اترفع بيها اصير ملازم اول بيها
- فتحت عيني لاكف دعاره قبل
- يووووه كومه شعدج كولي
- باوع اكو بنايه بمنطقه----- معزوله عن العالم اكو بيها بنات موزينات بس للناس الهاي بس
- فتحت عيني شون يعني
- يعني للسياسيين
- شون عرفت ذبيت اللفه مسحت ايدي بالورق الملفوف بيها وكفت عالسنك غسلت رجعت كعدت طلعت الباكيت ورثت اممم كملي
- اااي ترددت اكمل خايفه بس لا راح احجي اريد ابري ذمتي مو ادري ومااحجي --- يعني شغلهم شنو بنضام
- شون يعني
- يعني بزواج عرفي
- ها
- اي وكل شهر يتبدل
- هذا لازم شيخ مالتهم هههه
- اي اي عدهم والله
- انتي منين تعرفيها
- اعرفها سامعه بيها
- يعني سامعه وحد ومتاكده من وجودها وحد رحمه
- متاكده بلعت ريك كملت حجي بقه صافن عليه
- اريد معلومات كامله
- كل الاعرفه كلته
- زين منين اجيب اذا ردت اعرف
- محد يحجيلك تره يخافون ممنوع اني بصراحه جنت اشتغل هناك منضفه وهذا كل الا اعرفه بعدها طردوني لان كمت اتدخل
- مممم عدي حل لعد اني اروح واريد اتزوج عساس منهن شون اروح
- موجود صفحه عالفيس تدخل وتختار من البنات
- لا بربج
- والله طلع فونه طانيا تعرفيها
- ااي طيته الصفحه ودخل ضل يكلب
- لالا جماله كلهن يخبلن وصغار
- ااي
- شبيج خايفه
- لا عادي
- عدج صديقه هناك
- همه الحرس والمنضفين ميتاذون مو
- لا شعليهم يله يابه زين باعي طيني رقمج حتى اي شي احاجيج وسجلي اسمي باسم بنيه زين رجلج ميعرفهم
- لالالا
- هممم باوعتلها بشك لعد منين عرفها بداخلي احجي اكيد جانت تشتغل هالشغله وتعرف عليها هناك نصت راسها ترخصت وطبيت ضل هالموضوع شاغلني وسبيل لترقيتي وترفيعي بيها
- رحمه- فتت نمت لازم انام تعبت بس افكر سلمت الموضوع للشرطه ولازم افرغ تفكيري بعد ---- ساعه ٨كعدتني سجى سبحت وترسو البيت هلاهل جتي وسن وطلعت وياها خطيه رجلها حار بيه رحت للصالون غمضت عيني فتحت بعد ساعه معرفت روحي بقيت اقرب وجهي وابعده هاي اني صدك هاي اني ههه لبستني البدله وسن وطلعت وياها خجلانه غضنفر عالشارع لبست شي ابيض غطاني كلي صعدني بالسياره ركض وطلعنا معلي الاغاني يهز كتف اخته بصفه تصفك بس تمنيت نسمه بصفي مردت غير شي اهلي بهاليوم ويايه وصلنا المصور وبعدها من المصور زفه كرار يسوق وسجى بصفه. غضنفر بس متوتر
ويتلفت الزفه كانت قليله عدد اكثرهم من الحرس مال بنايه ونسابته لزمت ايده فز
- حبيبي شبيك
- مابيه شي فضها كرررار ساعه دنوصل الفندق
- صار سي--- وكذعت الكلام باوعلي بالمرايه خزر
- رحمه- بس كلي شبيك
- مابيييه كتلج لتلحين درت وجهي عالشباك حجيت وصكيت سنوني توترت وتعبت خاف يصير شي دائما اكون بخوف من اكون خارج حمايه الحرس لان اكو بعض الزباين بعد الشهر يسوي مشاكل او ميدفع واطلك البنيه منه ويضل يسوي مشاكل لان يبدي يحبها وميريد يدفع وميريد غيره يلزمهاويهدد ويتوعد برغم اني مو بالصوره بس اضل بخوفه من الكل سياسيين وايدهم واصله بكل مكان عدهم معارف ---وصلنا بعد عناء رحمه دلغمت ودمعت عينها حقها عروس وتريد تتدلع واني كاعد على اعصابي وصلنا وطبت ركض جريتها من ايدها تعاي تعاي
- ماه وخرر
- لا رحمه والله اغار عليج
- انت مغرت انت ترجف جنت شبيك غضنفر
- صفنت عليها اريد اطلع كلبي واضمج بمكانه حتى محد ياذيج لو يباوعلج
- صفنت بكلامه نصيت راسي
- تقربت بستها لعد اني اليوم عريس عوود
- ههه احلى عريس همست
- بوسيني
- تقربت بسته من خده دار وجهه راسن حتى تصير على شفافه بعدت وجهي
- اريد احس بامان غمضت عيني قربت شفتي ذاك اليوم جنتي خايفه حسستج بامان حسسيني بامان طلعيني من الدنيا
- شفته مغمض ومقرب شفته كلي هالحجي انكسر كلبي تقربت بسته برقه لزم وجهي برقه باسني شوي وانفعل عفته زاد انفعاله بديت اخاف وبده يتغير حنانه صار موذي بمسكت ايده كمت اجر بايدي متالمه انتبه---
- وخري راح ابتلي بيج شون حلزم روحي باعي هي بس اليوم تحملي وخل نخلص
- جوعانه
- اي صح تعاي نتعشى دكيت على كرار وين العشا لك ها عبالي نسيته اشرت عالميز توجهت رحمه للحمام وقفلت الباب سديت الفون انتضر انتضر مطلعت تقربت يم الباب صحت رحمه يله جعت
- اي جيت
- رجعت انتضر مرت نص ساعه ردت اغفى
- رحمممه صفنت خاف هاي عدها شي قبلي اخاف مو بنيه ججج شداخربط يللله رحمه
- طلعت تراكسود خفيف ستن ابيض نصيت راسي مدااكدر البس السيت
- هه تعاي عادي خل ناكل اكلنا وضلينا نسولف تمددت اشرتلها باصبعي تعاي هنا اشرت على صدري تقربت خجلانه نامت على صدري اوف يابه هسه يله ارتاحيت يكون اكضي العمر كله هيج
- ههه نتعفن غير
- ههه نامي تعبت
- اي غمضت عيني ونمت
- واني مكدرت انام جنت مخايف على شي ولا من شي حاليا نص الحرس عرفو منو الشيطان ومنو صاحب البنايه من سالفه زهره سجى وام عيسى صار هواي تلزيك بالسالفه باوعت عليها غافيه مثل الملاك خايف عليها جريت نفس غضنفر احاجي روحي لتخاف ماكو شي يخوف كلشي تحت السيطره غمضت عيني ونمت وحبيبتي بحضني الصبح طلعنا لاسطنبول جانت فرحانه بس اكو غصه بين ضحكتها يمكن مراح اكدر اسد مكان اهلها بس لازم احاول احتويها ومتاكد هي هم راح تحتويني وصلنا المطار شفت واحد من الزباين العدنا ويانا بنفس الطياره ووياه وحده من البنات مجرد رحمه شافتها فزت باوعتلي مرتبكه البنيه باوعت لرحمه وتقدمت ناحيتها -----------
غضنفر/ تقدمت كم خطوه اشرتلها روحي خزرتها متعرفني ولا شايفتني وكفت عكدت حاجبها جتي من ورايه رحمه وراحت عليها
- هلو ست عائشه شونج
- هلو رحمه شو ماكو شنو حتسافرين
- ااي تزوجت
- منهاي عفتي البنايه ابتسمت هذا منين لكطتي الحلو
- ست عايشه ديري بالج على روحج
- انتي هم يله سفره سعيده وتوصلين بسلامه رجعت لغضنفر الوياها كصني كص وصلت يمه خررني وعينه دم ويباوع عالويه عايشه
- شوداج شوداج عصرت ايدها وعيني عالسياسي الكصها كص ضل يحجي وي عائشه ويباوع عليها يمكن يسال عنها خرب روحك جريتها من ايدها وصعدنا احس الرحله شطولها صارت
- اباوعله بقيت ميباوعلي بقبت مخليه عيني عليه ومنداره عليه صفح ضليت احد ما باوعلي خزرني وجته الضحكه دار وجهه كفخني وجرني على صدره حضني وجر نفس غطاني بقمصلته وصلنا ونزلنا مخله مكان مفرني بي شفته هو الوحيد بالدنيا ونفس الوكت شفته الدنيا كلها يراقبني من اكمز يضحك بفرح شبعت ونسه لدرجه نسيت كل الاذيه التاذيتها رجعت للفندق وطعته بكل الراد يسوي جنت احس خايف عليه ويريدني سلمت روحي بإرادتي اله جان رقيق بعصبية وخوف عينه متروسه قلق وحب كمل وبقه صافن بعيني
- شبيك
- احبج
- أني هم حضني قوي وهمس
- لتعوفيني رحمه أني مليان غلط
- انت احن واحد بالدنيا باوعت بعينه جنت أتمنى اتزوج عن حب واعرف احساس اليحب شنو
- ممم بعدت خصله شعرها عن عينها إي وهسه عرفتي
- يخبل نمت على صدره ضَل يتلمس شعري غفيت
- من حبيتها لحد هسه أني عايش بخوف بقلق عليها بس مخايف على روحي فذكرت اهلها وين صارو هسه وفكرت أنزل إعلان بالتواصل اجتماعي بس ّ شون انزل صورها لا بس معلومات كامله باوعتلها شون نايمه ببراءه اليوم صارت مره حبيبتي واهلها بعاد اكيد احتاجت لامها اوووف لازم اعوضها ومن يصير عدها طفل حتنطي حنان وحب مصاير اتلمس شعرها واباوعلها حتزرع عبر القصص حتخلي قوي ويحب الحياه مثلها. رحمه احلى شي صار بحياتي غفيت واخير بعد ما لفيتها بحضني كعدنا الصبح حسيتها تبوس بخدي وركبتي ضحكت جريتها
~~~~
تلعبين بالنار انتي
ههه لالا اتشاقى
ماكو بعد نمت عليها ههه اشتاقيتلج لتنامين هواي بعد
هه ضليت كاعد
اي العب بشعرج تقربت منها مره 2بعدها سبحنا سوه وبدلنا وطلعنا سوالفها وضحكها جنت اكثر الامرار كاعد وهي تسولف بس صافن على الكلام من يطلع بين شفتها وصلنا منطقه ميرسين بتركيا جمال البحر ودفو الجو نزلنا نسبح شلتها بالمي
رحمه-لالا ثكيله عليك
تصيرين خفيفه بالمي رخي شلتهامثل الطفل تلعب برجلها بالمي نزلت راسها بهدوء غمضت فريتها بهدوء شلتهابصوره افقيه حسيت رخت اعصابها ---حلوو
--همست ايي يخبل الاحساس شمرني بالمي فزيت ماماااا
-ها عيني اني امج واني كل اهلج ااشر على صدري واحجي دمعت عينهادفعتني. بالمي وضلينا نسبح للمغرب المنطقه صنطه ادري عايفين هالنعمه ومحديسبح شبعانين. يابه طلعنا ورجعنا للفندق جنت احب مناطق تركيا البعيده احس براحه بيها ايام كضيتها جانت احلى من العسل بالنهار ونسه وبليل حب وحنان جات غريبه ومختلفه بسيطه برقي مطلبت ملابس ولا عجبها اتوسل بيها تشتري شي متقبل تكول مااحتاج مر اسبوع بسرعه وصار موعد رجعتنا مهلي ا رجع بس امتحانات عدي رجعنا و شكد مجنت احبها كمت احبها اكثر وهي هم زادت تعلق وحب طبينا بغدادوبعدها لمنطقتنا
