للكاتبه مريم السعدي ..
مكدرت اتمالك غضبي صعدت فوك. اروح منا واجي منا اسمع ضحكته ويفور دمي صار الغده صاحت ام يوسف كتلهم صبو واكلو مااكدر اكل تعبانه ساعه وصعد دانيم وفه طب يبتسم
حبيبي متغديتي بس الاكل يخبل عاشت ايدج وكفت بالباب تخوصرت نضراتها غريبه شبيج
مابيه شي سلامتك نترت
- تاخرت جوه
- غضنفر عفيه بس شوي صوتك وفه نامت
- صار امرج ابتسمت ذبيت الساعه ونزعت الدشداشه وعيوني عليها منصيه راسها وتهز برجلها تنيم وفه بس بعصبيه تقربت كعدت بصفها وفه النوم يتلاعب بعينها غفت واستسلمت اخيرا رحمه تباوعلي بغضب عكدت حاجبي هزيت راسي شبيج همست
- اشرتله اشش باصبعي بس بغضب
- ابتسمت اكله لاصبعج تنهدت محروك من الشوق اخذت ايدها قاومتني شبيها هاي جبرتها جريت ايدها خليتها على كلبي مضل بيه حيل اقاوم بعد بستها من باطن ايدها ذبلت عينها وكفت رجلها باوعت لوفه شالتها وخلتها بفرشها وكفت جريتها من.خصرها ايدي ترجف وهي مسيطره واني حموت بيها جريتها لحضني ذابت مثل الزبد اخ يابه شكد مشتاقلج
- كذاب والله
- ليش ليش والله خطار جوي عيب اعوفهم
- انت متحبني
- اسف عمري مو قصدي الحجيته قبل بس والله ردت اموت على كرار باوعت بعينها شكلها منصدكه ومليانه دمع
-
منو وياج
- سكتت طبيت بحضنه خايفه عصرني وشالني لفراشنه متت خجل ومستغربه واحس حته هو مستغرب تقرب مني يباوع بعيني. واني اتذكر كلامه واروح بغير عالم
- ليش ممنسجمه ويايه
- غضنفر انت تبت مو
- اي حبيبي انولدت من جديد
- واذا طلعت دتكذب
- بستها ونزلت على جسمها جانت مو رحمه القديمه متفاعلت ويايه ابد صحت شبيييج تغيرتي هواي
- اني نفسي كعدت جريت الروب اني نفسي بس انت المتغيرت
- شنو تعاي وين نزلت من السرير بعصبيه وين رايحه هاي شبيج
- منو خابرك
- شنو عكدت حاجب
- البنايه شنو حتسوي بيها
- تلاشت ملامحي ونسيت حتى شوقي ورغبتي شنو ماعدج ثقه بيه
- لااا نترت
- هزيت راسي. لعد ليش باقيه ويايه شنو ببالج خايفه منه
- تريد ترجع لنفس الكار وخابروك
- ممم تصنطين عليه
- من حقي انت تخوف قبل هم كذبت عليه تخوصرت بشموخ
- فالنفرض رجعت
- اتطلك منك
- باوعت لوفه ضغطت على سنوني كرار بس كتله البنايه حرجعها كال وياك بالتريده حتى مسال شنو او منو اخلي وانتي عالهامش كابه
- والله عدك سوابق وتحن لكارك خوش فلوس بي
- تقدمت ركض ضربتها على شنو صايرتلي رجال وتحاسبيني دفعتها وطلعت سنين الاشتياق بالسجن من عيني لبست الدشداشه ونزلت يم كرار كعدت جان ديحجي بالتلفون وي سجى اتفق وياها عالزواج وتجي هنا بينما تكمل العطله سد التلفون باوعلي شبيك روح لمرتك
- انعل ابو النسوان
- ها
- والنبي احجيلي شوكت ناوي تتزوج
- كيفك بس جاهزه كملت خياطه وتحضيرات الشقه هم اخذت بصف المعمل بقه بس العرس
- خير انشاء الله نسوي هالاسبوع
- يله هاهي ابتسمت ضربته على كتفه الحمد لله عسلامتك
- حبيبي كرار يله تدنى خل انام
- نام فوك
- عوفني هنا اخ يابه جريت مخده ونمت وكلبي مقبوض من كلامها اباوع على ايدي صدك ضربتها والمكان صار احمر خرب دمرتني هالمره دمرتني الصبح نزلت تلاكينا عين بعين درت عيني ودارت عينها عني اخذت وفه منها الحمد لله هاليومين تعلمت كامت متبجي اباوع لخدها صاير اثر يا الله اخذني وخلصني من هالدنيا الكشره دك تلفوني الرجال التعرفت عليه بالسجن اللي حجيت عنه وكلت بس يبتسم ومنطاني وجه كان خمسيني اخر شي تعارفنا وصرنا اصحاب وحجيتله كلشي تقريبا نطاني افكار غريبه تكفير عن ذنبي بخصوص العماره كان من ضمنها مثل ماشاركت بهتك عروض شارك بستر عروض كان كلامه قليل وبليغ وميتكلم هواي اخر شي كال استخدمها وسويها لوجه الله للنازحين تستر على بناتهم عجبتني الفكره كلش وواعدت ربي بس اطلع من السجن اسويها كرار جان عده ثقه بيه غريبه كلش ثقته وفعلا طلعونا بعفو جنت متاكد هاي اشاره من ربي لانني ردت انصلح
وربي يعلم بنيتي طلعت بلهفه وتبادلت رقمي وي الحجي وطلعت كال نمر للمخيمات سوه فرحت بفكرته كلش جانت انه نجمع شكو بنات ماالهم اهل وناخذ نساء كبار بالعمر هم يكونون وياهم كل 7بشقه ارتاح كلبي كلش لهالفكره واملي بانه ربي ميطلعها بعرضي رحمه دتاذيني كل هالايام اني ميت بشوكها وهي بعدها على موضوع البنايه من انبشت البنايه على صاحبها كرار جاب سجى الفجر وهسه وصل التمينا عالريوك سجى وامها طايرين من الفرح اخوها سافر طلع لجوء التمينا وكل مااجي يم رحمه تضل تخزر وتنتر روحي طكت كرار انتبه عليه ضجت وثامر هم لمحته وكف يمها يرزلها بهدوء ضلت ساكته منصيه بدينا نحضر لعرس كرار وثامر كلت خل ابتعد هالفتره عنها شوي تبرد نارها بعدين افهمها البيت مليان ناس هسه تصيح تخزيني يوسف والولد بره بالبستان يعلكون بالاضويه ويقلمون الاشجار والنسوان يتحضرون
الملبس والماكل والمشرب رجعت بليل طبيت للديوانيه وسجى صعدت فوك يم رحمه
كرار- شكو شبيك وي مرتك شو محتركه
- بطرانه عبالها راح ارجع للكار
- لا بربك شون
- سمعتني دااحجي بالتلفون واستنتجت كيفها
- مممم نزلت سجى طبت تباوعلي مااعرف شون شبيج حبيبي
- كرار الله عليك كللي الصدك انت رجعت لنفس الشغل
- كرار- باوعت لغضنفر اضحك طبت رحمه وراها مكتفه ايدها تباوع باستفهام واستصغار عليه وعلى غضنفر --- سجى وان رجعت للشغله تتركيني
- اترك روحي ومااتركك
- ليش
- لان احبك واعرف انه انت يوم من الايام حتمشي صح وتعوف الموزين
- هههه هيج واثقه بيه غضنفر تحسر من يمه
- اكثر من روحي بس كللي حترجع
- اي
- بس فكر بيه قبلها متخاف عليه دمعت عيني
- شكو عليج باعي بس باعي بجي لتبجين تدرين ضعيف كدام دموعج
- كرار اخاف عليك
- لتخافين حبيبي ماكو شي
- غضنفر- باوعت لرحمه وباوعت لسجى ---والله عمي كرار خير مااختاريت الحياه صعبه يرادلها واحد تستند عليه مو لنص الطريق ويكلك باي لو يغدر بيك دير بالك على سجى تره ماكو منها بوكتنا اترخص وكفت اطلع كالت
- رحمه- شنو قصدك احجي اذا انت غلط تريدني ابقى وياك وانت عالغلط على شنو يجوز يوم من الايام ينعدل اكلتلك سنه وكسور بالسجن منعدلت
- غضنفر- التفتت خزرتها احترمي نفسج لو وحدنا جان عرفتج قيمتج كلتها بعصبيه وطلعت صاير كبره
- كرار- رحمه تعاي تعاي لتروحين
- انت اخر واحد يحجي ولك مو ردت تموت والله طلعك منها
- هههه احب اكولج انتي خسرتي لرجلج
- خسرتهم ملازم هو اصلا اني المراح ابقى وياه
- رحمه لتستعجلين اكعدي خل احاجيج تعاي سجاوي يمنا سمعوني زين
- احجي ولو ادري كله كذب
- رحمه الله والديج وراح اسكت لخاطر غضنفر اسمعي واخر مره احجيها لحكي لحياتج تره غضنفر اذا قفل بعد ميفك لو يجي حضيرج
- اي شنو تريد تكول بله
- باعوني البنايه حنرجع بيها نازحات بس مو سمسره مالهم مكان غير المخيم وحيكونون تحت رعايته ووصايته وبدعم من اليونيسف ورقابه هم وحيتحول المعمل هناك مال خياطه وندخلهم دورات فهمتي يا شاطره
- اي وبعدين شون
- شنو بعدين هو يكفر عن ذنبه ويستر عليهم
- صفنت على روحي خليت ايدي على وجهي باوعت لسجى ركضت حضنت كرار تكوله جنت واثقه بيك كرهت نفسي وكفت اروح عليه الحك اعتذر منه صعدت لكيته يسكت بوفه تبجي وصلت يمه خجلانه منه باوعت بعينه ميباوعلي
