ركضت وي كرار اكو باب خارجي اليشوفه يكول باب بيت مو فرع السياره محضره بي للطوارئ ركضنا طلعنا منه طريق ترابي ويطلع على شارع سريع توجهنا ركض لبستان اللطيفيه بستان ملكي قبل سنتين اشتريته كماله دين فدانين وبي بيت صغير يسكنون بي عائله فلاح اتصل بيهم كرار فرغو البيت اني بالي كله يمها شون غدرت بيه ومنو ساعدها وشون اني وياها وياها تذكرت التلفونات التجيها سحر نار وشبت بصدري بس خل تنام القضيه لا اخليج تندمين عاليوم الجيتي بي للدنيا وصلنا والسياره خفيناها اموالي متحوله كلها خارج القطر بالبنوك بس العماره جان واردها ضخم بس كلشي يتعوض بس صبر وره يومين اتصلنا بجماعتنه بالمركز كالو عمر واسامه انحكمو ست شهور مع كفاله ضخمه البنات كلهم اطلقو سراحهم بعد ما حجزوهم سبوع والخدم هم كرار كل باله يم سجى خله احد يراقبها من الحرس الي هرب
رحمه~بعد مااختفى من كدام عيني اغمى عليه حسيت ببيت عمتي وامي فوك راسي اخويه يباوعلي بعتب وامي تقره قران اني،شسويت شسويت
ثامر~استعجلتي هواي استعجلتي
مجنت اعرف وياهم ابجي واحجي والله اكدلي انه ترك هالكار والله
شي،صارر بعد لتموتين روحج
لزمو
لا هرب
زين سجى وين البنات
سجى صديقتج هاي الضعيفه اجتي ااصبح جتي نايمه
زين هسه حخابرها يربي بلكن عدها اخبار صدى صوته براسي مراح ارحمج خابرت سجى تحجي وتبجي وتكولي،ليش هيج سويتي كرار انهزم من وراج رحتلها للبيت وحلفتلها مجنت اعرف بي المهم رجعت صداقتنا مرت ايام صعبه اشتياقي اله هد حيلي هد موكفت بجيء بس ضليت بامل راح اشوفه خلي ينتقم مني بس اشوفه الدوخه كامت تزيد انتبهت متاخره عليه حللت وطلعت حامل جان اسوا واحلى خبر بجيت بوكتها بعيوني الثنين عين تبجي فرح وعين حزن قررت اعيش لابني عدي امل راح يرجع ويشوفه مرت الايام ثامر حبيبي كام يشتغل بالمسطر عماله ومرت ايام صعبه شهر شهرين انتبهت نضرات سحر مو راحه لثامر وهو يتهرب منها لحد ماكال انه لازم ننتقل استاجر شقه بمنطقه البلديات وكعدنا كانت قديمه وصغيره بس مرتاحين بيها الااني مضكت طعم الراحه احتاجيته يوميهه اكثر من اليوم القبله سجى متركتني يوميه تجي نسولف ونضحك وثنينه تعبانين هي تعبها فراك كرار واني هد حيلي غضنفر بدت بطني تكبر صرت 4 .اجه خطابه لسجى شخص خمسيني اخوها قرر يزوجها رغم رفضها بجيها ولطمها بس مهتم وفعلا صارت الخطبه رحتلها وكلبها معصور عصر تحدد بعد اسبوع الحنه بيوم احنه بليل بتت يمها ضلت تبجي كالت هذا حبه كله كذب هسه غيره حيلزمني شون حيتحمل وهو جان يخاف يقرب مني يكول حرامات تروح عفتج يمكن هالشي احسن الج حبيبتي اصبريلج~~ شاصبر باجر زفتي
غضنفر~اللي يجيب اخبار سجى اليوم اتصل وكله باجر زفتها كرار . تخبل زمجر وكام يغلط على اخوها هديته كوه وكتله هدده مفاد بي ندزله ناس تقنعه بطريقتنا هدا وكعد باوعلي مايس وكال لو اعرف كلشي اخسر بس انت وسجى لا
هالفتره حيل تقربنا اني وكرار من بعضنا صار الردنا بيوم حنتها بليل بعث جماعتنا خلوله بضرف طلقه ورساله
اختك اذا طلعت من البيت تطلع روحك ورءاها فركش كلشي ودير بالك عروحك
بقينا ننتضر شحيسوي شفناه كلشي مسوه وملغه العرس بيوم زفتها العصر اخذوه خطف مجعصين بي ومهددي وشامري بباب بيتهم لغه العرس فورا
غضنفر_
زين هسه اكيد تعرف هاي انت ههه وتفرح
