ذليلة عشقه

الفصل التاني

مني بترن علي ليلي عشان يتفقو علي معاد يروحو فيه المقابلة.
مني:ايوة يا ليلي عاملة اي.
ليلي:الحمدلله يا مني انا تمام انتي اي اخبارك.
مني:الحمدلله اختارتي اليوم اللي هنروح المقابلة بتاعة الشركة.
ليلي:اه هنروح بكرة بإذن الله.
مني:تمام نتقابل بكرة مع السلامة.
ليلي:مع السلامة وبتنهي المكالمة.
في الجانب التاني عند أدهم ومحمد قاعدين في كافيتريا.
أدهم:عملت اي يا محمد في المقابلات لمهندسين الديكور.
محمد:لسة م حددتش كلهم كويسين بس مفيش حد عجبني فيهم.
أدهم:تمام بس انا محتاجين نخلص في أقرب وقت عشان افتتاح فرع الشركة الجديد وعشان نقدر نثبت نفسنا أكتر ونحقق ارباح.
محمد:ان شاء الله هنقدر وفي اقرب وقت كمان.
يدخل معتز صديق محمد وأدهم شاب طويل رياضي ذو عضلات ويعمل في الشرطة.
معتز:ازيكو يا شباب عاملين اي.
محمد وأدهم في نفس الوقت:الحمدلله كويسين.
محمد:اي أخبار البنات معارفك يا زومي😂.
معتز بفخر:مفيش حد يقدر يقاومني وبعدين قلتلك م بحبش الدلع ده.
أدهم:أنا مش فاهم بجد انت ازاي ظابط بالقرف اللي انت بتعملو ده ومش عارف مراتك عايشة معاك ازاي ده انت مقرف.
معتز:مراتي عارفة انا بعمل اي ومش حاطة ف دماغها حتي م فكرتش تواجهني كل همها الأندية وصحابها وتلبس أغلي الماركات وتهتم بنفسها وبس.
محمد:والله انا مش فاهم ازاي هي كده ازاي مش بتغير عليك كده ولا حطة ف دماغها حاجة.
معتز:ولا عمرها هتحط المهم ناويين تسهرو فين النهاردة.
أدهم:انا مش ناوي انا ورايا شغل كتير ومش فاضي.
معتز:خليك انت في شغلك كده ومعطلنا كل مرة وانت يا محمد هتيجي ولا اي.
محمد:انا لازم اساعده في الشغل عشان نلحق نجهز الفرع الجديد من الشركة.
معتز:تمام انا هسهر مع شيري انا بقي.
أدهم:م تجبش سيرة الزفتة دي بقرف منها وي ريت تبعد عنها يا معتز دي مش مظبوطة وبتاعة رجالة ومش بيفرق معاها غير مصلحتها.
معتز:ياعم وانا مالي أهم حاجة انها بتظبطني وبعدين م تنساش انا اقدر اعمل فيها اي.
محمد:رلنا يهديك يا معتز وتتوب من اللي انت فيه.
معتز:آمين يارب اسيبكو بقي عشان الحق اجهز نفسي مع السلامة.
شيري بنت متحررة زيادة عن اللزوم اهلها مسافرين برة وبيبعتولها الفلوس مش بيفرق معاها حاجة غير نفسها بس وبتحب أدهم وعايزه توصلو بس هو مش معبرها وليها علاقات كتير مع الرجالة ومنهم معتز.
محمد:اي رأيك نروح احنا نكمل شغلنا.
أدهم:تمام يلا بينا.
نرجع تاني ليلي ومامتها ناهد،ليلي واقفة تدخل لمامتها المطبخ.
ليلي:بتعملي اي يا ست الكل.
ناهد:بعمل الغدا يا حبيبتي مالك يا ليلي حساكي متوترة.
ليلي:ايوة يا ماما بكرة عندي مقابلة ومتوترة اوي هي فرصة حلوة للشغل.
ناهد:م تقلقيش يا قلب أمك ان شاء الله تتقبلي ويشغلوكي.
ليلي:ايوة يا ماما ادعيلي.
ناهد:بدعيلك يا حبيبتي شوفي بس وراكي اي لحد م اخلص الاكل واجيلك.
ليلي:حاضر يا ماما تسلم ايدك.
وتروح ليلي تجهز اوراقها لمقابلة بكرة وبتدعي انها تتقبل.
للعلم والد ليلي متوفي من وهي صغيرة ومامتها كانت بتصرف عليها من معاش ابوها والدها كان شغال عامل في مصنع.
وبكده ينتهي الفصل التاني❤