ذليلة عشقه

الفصل التالت

بداية يوم جديد تستعد ليلي للذهاب إلي المقابلة وتنتظرها صديقتها مني.
مني:خلصتي ولا لسة يا ليلي.
ليلي:اه خلصت خلاص انا نازلة اهو.
مني:تمام مستنياكي.
بيتقابلو وبيروحو مكان الشركة بتاعة المقابلة وهناك بيقابلو محمد.
مني وليلي قاعدين منتظرين معاد دخولهم للمقابلة،السكرتارية بتنادي علي اسم ليلي وبتدخل المقابلة.
محمد:اهلا استاذة ليلي اتشرفت بحضور حضرتك.
ليلي:متشكرة جدا لحضرتك.
محمد:الcvبتاعك كويس جدا وواضح انك اشتغلتي في أماكن كتير واثبتي نجاحك في المجال ده.
ليلي:متشكرة لحضرتك جدا.
محمد:تمام انتي كده اتقبلتي وان شاء الله تبدأي الشغل معانا.
ليلي :بإذن الله تمام.
بتخرج ليلي من المكتب بس وهي خارجة تقابل أدهم اللي بصلها باستغراب ميعرفش هي مين وليلي تجاهلتو تماما وراحت لمني اللي دخلت بعدها ووافقو برضو علي انها تشتغل معاهم.
أدهم بيدخل المكتب بتاع محمد:مين دي اللي كانت طالعة من عندك.
محمد:دي المهندسة ليلي هتشتغل معانا هي والمهندسة مني.
أدهم:اه تمام.
بيدخل عليهم مازن وده يبقي شريك الأدهم في الصفقات وشخصية زبالة جدا وقذرة ليه في كل الأعمال المشبوهة وغير كده زير نساء.
مازن:ها قدرتو تهتارو مهندسين الديكور اللي هيشتغلو معانا ولا لسة.
محمد:اه اخترناهم وهنبدأ شغل بكرة بإذن الله.
مازن:تمام وانت يا أدهم اي أخبارك.
أدهم:تمام كويس.
أدهم مش بيطيق مازن ولا بيحب يتعامل معاه لأن مازن شخصية مش كويسة وكمان مستفزة ودايما بيحب يثبت انه احسن من أدهم.
عند ليلي ومني فرحانين اوي بإنهم اتقبلو ف الشغل الجديد.
ليلي:أنا مبسوطة اوي كنت خايفة م نتقبلش.
مني:وانا كمان بس الحمدلله وافقو علينا.
ليلي:الحمدلله ان شاء الله نتقابل بكرة عشان نبدأ الشغل.
مني:تمام اشوفك علي خير باي.
ليلي:باي.
ترجع ليلي بيتها وتفرح مامتها انها اتقبلت.
نروح لمعتز اللي راجع البيت سكران ومتبهدل علي الآخر،بيدخل معتز البيت وبتستقبلو مايا مراتو.
مايا:الأستاذ كان سهران طبعا وراجع سكران ومتبهدل ولا فارق معاه اي حاجة.
معتز وهو مش عارف يسند نفسو:انتي اللي بتتكلمي هو انتي شايفة غير نفسك والاندية اللي بتروحيها واصحابك بس مش فارق معاكي ارجع امتي ولا بعمل اي.
مايا:انت ازاي بتتكلم معايا كده انا قرفت من الحياة معاك بجد م بقتش طايقة اقعد معاك.
معتز:يعني انا اللي عارف اقعد معاكي ولا طايقك انتي انانية م بتحبيش غير نفسك وبس ومش بتهتمي غير بنفسك.
بيدخل معتز ياخد دش ويغير هدومو وبينام.
بتخرج مايا برة الأوضة وبترن علي رقم وبتبدا تتكلم.
مايا:انا قرفت بجد انت لازم تخلصني من القرف ده بأي طريقة.
شخص مجهول:حاضر يا حبيبتي بس لازم تصبري شوية لحد م نوصل للي احنا عايزينو.
مايا:ماشي بس انا مش هصبر كتير انا م بقتش قادرة استحمل.
شخص مجهول:تمام بس خدي بالك بس لياخد بالو انك بتتكلمي ونتكشف.
مايا:م تقلقش هو راجع سكران ومش دريان بحاجة ودخل نام اهم حاجة نخلص بسرعة.
شخص مجهول:ماشي يا حبيبتي خلي بالك علي نفسك سلام.
مايا:سلام.
بتقفل مايا وبتدخل الأوضة وبتبص لمعتز.
مايا لنفسها:اوصل بس للي انا عايزاه وساعتها هقدر اخلص منك وادمرك انت وصاحبك قريب ده هيحصل.
وبكده ينتهي الفصل التالت مستنية رأيكو❤