ذليلة عشقه

الفصل السادس

معتز رجع البيت ودخل الأوضة لقي مايا في الحمام غير هدومه وقعد علي السرير بيفكر الموبايل بتاع مايا رن بوصول رسالة جديدة من رقم غريب،معتز فتح الرسالة اللي كان مضمونها"انا عايزك توصلي لورق الصفقة الجديدة بتاع شركة الأدهم عشان نلحق نتخلص منه وتقدري تخلصي من جوزك أول م تعرفي حاجة عن الورق بلغيني"معتز بيقرأ الرسالة تاني بصدمة وسجل الرقم علي موبايله.
بيرن معتز علي إياد.
إياد:الو يا معتز.
معتز:إياد انا عايزك تعرفلي اي حاجة عن الرقم ده بسرعة وتبلغني الرقم...........
إياد:تمام.
قفل معتز مع إياد ومسح الرسالة ورجع الموبايل مكانه.
بعدها بشوية تخرج مايا من الحمام وهي بتنشف شعرها بالفوطة واتفاجأت بمعتز اللي رجع بدري.
مايا:معتز اي اللي رجعك بدري.
معتز:تعبت من الشغل ف رجعت اريح شوية.
مايا بعدم اهتمام:ماشي وبدأت تسرح شعرها متجاهلة معتز.
في الوقت اللي كان معتز بيبصلها بغضب وسخرية،معتز لنفسه:ازاي قدرتي تخدعيني بالسهولة دي للدرجة دي انا بالغباء اني م لحظتش مكالماتك المثيرة للشك وخروجك زيادة عن اللزوم بس اي مصلحتك انك تأذي الأدهم ولي عايزة تتخلصي مني كل ده لازم اعرفه قبل م تقدري تنفذي اللي في دماغك.
مايا اللي لاحظت انه بيبصلها وهو سرحان:بتبصلي كده لي.
معتز بنظرات جامدة:مفيش انا هنام.
مايا وهي بتخرج من الأوضة:ماشي.
في شركة الأدهم الكل شغال بجدية عشان يقدروا ينتهوا من الفرع ده في اقرب وقت،بيقرب مازن من ليلي اللي كانت قاعدة علي المكتب ومركزة في رسومات قدامها.
مازن:ليلي.
ليلي بخضة:نعم في حاجة يا استاذ مازن.
مازن باستفزاز :لا مفيش لحظت بس انك قاعدة لوحدك ف حبيت اقعد معاكي.
ليلي بغضب:اسفة يا أستاذ مازن انا مش فاضية ورايا شغل كتير ومينفعش حضرتك تكلمني في حاجة برة الشغل.
صوت ليلي العالي لفت أنظار أدهم اللي كان بيتكلم مع واحد من العمال ف راح يشوف في اي.
أدهم:في حاجة يا آنسة ليلي.
ليلي:لا مفيش يا مستر أدهم الأستاذ مازن كان بستفسر عن حاجة وهيمشي صح أستاذ مازن.
مازن مضايق من ليلي:صح انا ماشي.
مشي مازن وأدهم بيبص لليلي بإعجاب داخلي بشخصيتها بس حب يستفزها.
أدهم:ياريت يا انسة ليلي اللي حصل ده م يتكررش تاني.
ليلي بصدمة:نعم قصدك اي.
أدهم:أقصد اللي حصل من شوية مع مازن هنا مكان شغل ولو في أي مواضيع خارجية يا ريت تكون برة الشغل.
ليلي بغضب:أظن ان حضرتك شفت انا اتضرفت معاه ازاي وبعدين انا بركز في شغلي وبس وياريت اي تعليق من حضرتك يكون علي شغلي وبس غير كده مش من حقك تتدخل وسابته ومشيت.
أدهم بتفاجئ من رد فعلها بس مبسوط انها مش مهتمة لأفعال مازن.
أدهم لنفسه:مالك يا أدهم في اي انت مالك تتكلم مع مازن ولا لا من امتي وانت بتهتم بحد،لا ده مش اهتمام ده مجرد إعجاب بشخصيتها مش أكتر حتي لو إعجاب يا ادهم ممكن يقلب بعد كده وانت فاهم أدهم ليهز راسه بنفي لا مش هيحصل وبيرجع تاني للعمال.
عند إياد بيحاول يوصل لأي معلومة عن الرقم اللي معتز طلب منه يجمع معلومات عنه بس مفيش الرقم متسجل باسم مجهول حتي مش قادر يحدد المكان اللي الشخص اتكلم منه لأن الخط متسجل من قريب ومن الواضح ان الشخص اتخلص من الخط بعد م اتكلم.
إياد بيكلم نفسه بحيرة:واضح ان الشخص اللي اتكلم من الخط ده واخد احتياطاته كويس جدا هو بيستخدم كل مرة خط جديد وبيغير مكانه عشان مفيش حد يقدر يوصله.
إياد باستغراب بس ليه معتز طلب مني أراقب تحركات مراته معقولة يكون ليها علاقة بس ازاي مفيش اي علاقة تربطها بالأدهم حتي لو ليها اي يخليها تأذي الأدهم مع انه صاحب معتز جدا ،في حاجة غلط او في شخص مفقود في العلاقة دي وواضح ان مايا مرتبطة بالشخص ده بس برضو مين هو الشخص اللي عايز يدمر سمعة شركات الأدهم،بيقوم إياد وبيدور في الأوضة في معلومات كتير ناقصة لازم نوصلها.
لحد هنا والفصل السادس انتهي اتمني يكون عجبكو ومستنية رأيكم❤