ذليلة عشقه

الفصل الخامس

معتز رجع البيت بينده علي مراته مش موجودة وهو بيلف في الشقة الباب اتفتح ودخلت مايا.
معتز بزعيق:كنتي فين ياهانم.
مايا:كنت في النادي ومالك بتزعق كده لي.
معتز:كل ده في النادي ومع صحابك.
مايا بصوت عالي:ايوة انت بتشك فيا ولا اي،وبتسيبه وتدخل الاوضة.
معتز كان هيدخل وراها بس تليفونه رن باسم إياد.
معتز:الو ايوة اياد عامل اي.
إياد:الحمدلله،الهدف اللي انت طلبت مني اراقبه بيتردد كتير علي فيلة في مكان شبه مهجور وعليه حراسة شديدة احنا بنعمل تحريات عن مين صاحب الفيلة بس واضح انها تبع شخص مهم جدا.
معتز:تمام ياإياد انا عايزك تعرفلي في أقرب وقت مين صاحب الفيلا دي وتجمعلي كل المعلومات عنهواي علاقته بالشخص ده.
إياد:تمام يامعتز سلام.
معتز:سلام.
بينهي معتز المكالمة وبيظهر عليه معالم الغضب والضيق بس بيسيطر علي نفسه،ودخل غير هدومه ونزل.
في شركة الأدهم بيستعد أبطالنا عشان يروحوا موقع الشركة الجديدة.
مازن:اتفضلي معايا ياانسة ليلي هوصلك بالعربية معايا.
ليلي من غير م تبصلو:شكرا لحضرتك انا هاخد تاكسي انا ومني.
مني:لا يا ليلي انا هركب مع الاستاذ مازن.
ليلي باستغراب من تصرف صاحبتها:خلاص انا هركب لوحدي.
أدهم:اتفضلي معايا يا آنسة ليلي.
ليلي:معلش مش هينفع مش عايزة اتعب حضرتك.
ادهم:ولا تعب ولا حاجة وكمان محمد هيركب معانا اتفضلي يلا عشان م نتأخرش.
بتركب ليلي وبيتحركوا وطول الطريق ادهم مركز مع ليلي بيلصلها من المراية ومتابع كل حركاتها ملاحظ انها مرفعتش عنيها من اول م كلمته ولا في عين أي حد وكمان مش معبرة مازن بعكس مني اللي بتجري ورا الشهرة والفلوس عشان كده بتحاول تقرب لمازن.
في العربية التانية مازن بيوجه كلامه لمني.
مازن:هي مالها صاحبتك مقفلة كده لي مش زيك يعني.
مني بضحكة:ليلي طول عمرها كده م بتحبش حد يقربلها ولا بتحب تختلط بحد وبالذات الرجالة وبعدين انا مفيش حد زيي.
مازن بنظرة خبيثة:أكيد مفيش حد زيك انتي شكلك هتنفعي معايا.
مني:اكيد يامازن.
وصلو لمقر الشركة في منطقة راقية والعمال كلنو بيتشتغلو.
أدهم:اي رأيك ياآنسة ليلي في الموقع.
ليلي:جميل جدا ومميز موقع ممتاز يا مستر أدهم.
مازن بابتسامة خبيثة:مش الموقع بس اللي مميز  ياآنسة ليلي.
ليلي م ردتش عليه.
أدهم بغضب:احترم نفسك يا مازن وخد بالك من كلامك.
مازن:انا م قلتش حاجة وبعدين انت متعصب لي.
ادهم كان هيشد معاه بس لحقه محمد.
محمد:خلاص يا أدهم وانت يا مازن احنا هنا ف شغل لو سمحت خد بالك من كلامك وي ريت م تضايقش حد.
مازن باستهزاء:ماشي.
أدهم ومحمد وليلي كانوا بيشوفو الشغل بتاع العمال بس عند مني ومازن مني كانت بتحاول تلفت نظر مازن بكل الطرق بس هو كان مركز مع ليلي.
مني:م تخليك معايا هنا يا مازن وسيبك منها هي مش زيي.
مازن وبيبص لمني بنظرة جانبية:هي فعلامش زيك هي انضف منك بكتير.
مني بتبص لليلي بحقد:ماشي يا مازن هنشوف.
في الفيلا المهجورة اللي إياد قال لمعتز عنها في اوضة مليانة بالتحف والآثار القيمة موجود فيها شخص قاعد علي مكتب بس وشه مش ظاهر وبيدخل عليه أحد الحرس.
الحارس:تمام ياباشا نفذنا كل اللي حضرتك قلت عليه هما دلوقتي في مقر الشركة الجديدة.
الشخص المجهول:تمام مش عايز حد فيهم يحس بحاجة عايزكم تخلصوا كل حاجة بسرعة وتعمل اللي اتفقنا عليه.
الحارس:تمام ياباشا.
بيخرج الحارس وبيبدأ الشخص المجهول يكلم نفسه:لازم انتقم من اللي حصل لازم ارجع ثروتي وادمر شركات الأدهم كلها هيحصل قريب ياأدهم وهندمك علي اللي عمله ابوك،بيطلع صورة قديمة وبيبصلها بحقد وبيضغط عليها نهاية ابنك قربت يا محمد وكل حاجة هتبقي ملكي انا.
بكده ينتخي الفصل الخامس مستنية رأيكو❤