جبرا لقلبي

البارت الأول (عائله الجارحي)

-فيروز بطله روايتنا عندها 21 سنه عينها عسلي ورموشها كثيفه وبشرتها قمحيه اللون تضئ ضوءا خافتا عندما يصادفها شعاع من الشمس قصيره القامه وذات قوام متناسق زيها زي اي بنت في سنها بتحلم بانها تحقق ذاتها وتعمل كارير محترم وتبقي ناجحة ومستقله والاهم انها تساافر كتير لوحدها .
بتحلم بالراجل المثاالي اللي مفهوش غلطه زي ما بيقولوا استنوا بس قبل ما تقولوا عليها دي مجنونه وبتحلم وبتااع اعرفوا السبب اللي خلها كده الهااانم مدمنه مسلسلات تركي 'ورايات رومانسيه وعايشه في عاالم ديزني علي الاخر بس جمب ده كله عندها اقتناع تام انها هتلاقي الراجل ده في الواقع علشان كده بترفض اي عريس بعد ما تشوفه هتنطبق عليه شروطها ولا لأ.
يلااا بقي كفااته وصف في الست فيروز هاانم اللي شكلكم حبتوها اووي كده شيفاااكي يا اللي بتقولي كأنك بتوصفيني بالظبط😂😂.
يلا نبدا احداثنا
صحيت بدري كعادتها قامت اتوضت وصلت وفضلت تدعي شوويه انها تقدر توصل لكل احلامها وبعدين قامت علشان تجهز الفطار بس الغريبه انها لقت مامتها واقفه في المطبخ وبتجهز الفطار هتقولوا ايه الغريب في كده؟! اقولكوا انا (منال) مامت فيروز مش من عاداتها انها تصحي بدري اووي كده لا 'وايه بتحضر الفطار كمان
-فيروز: صباااح الخير ياا ماما خير ايه اللي مصحيكي بدري اوووي كده؟!
-منال: فيروز حبيبه قلب امها يا نااس
الله الدخله دي مش مطمناني
احنا كبنات فااهمين الدخله دي كويس (عريس)😂😂💔
-فيروز: بخباثه مع انها فهمت خير يا ماما ايه الرضا ده كله!
-منال: بنتي كبرت وبقت عروسه زي القمر قالتها وهي بتقرص فيروز من خدها
-فيروز: ومين سعيد الحظ ده بقي اللي امه داعيا عليه قصدي دعياله
-منال: ده بلال يا حبيبتي ابن طنط سعاد زميلتي في المدرسه
-فيروز: ها وبيشتغل ايه سي بلال ده بقي إن شاء الله
-منال: بيشتغل مهندس يا فوز مش انتي طول عمرك نفسك تتجوزي مهندس
-فيروز: وهي بتجيب الاطباق من المطبخ للسفره شافت باباها الدكتور (راضي الجارحي) من احسن دكاااتره الجلديه في مصر
-راضي: صباح الخير يا روزه
-فيروز: صباح الورد يا حاااج عجبك كده يعني اللي مراتك بتعمله فياا عايزه تجوزني لو مش قادرين علي مصاريفي قولولي وبلاش تعملوا فيا كده
-راضي: بابتسامه اقول ايه بس دمااغك نااشفه وعنيده
نفسي افرح بيكي يا بنتي انا وامك قبل ما امووت
-فيروز: بعد الشر عليك يا حاااج وبلاش بقي الكلام اللي بتستعطفني بيه ده مع كل عريس وقالتها وهي بتقبل يده وبعدها حضنت مامتها وقالت لهم سلااام هتاخر علي الجامعه
اه صح نسيت اقولكم فيروز بتدرس بيزنس امريكي وفي مكان اخر وبالتحديد في شركة انشاءات كبيره كل اللي بيشتغلوا فيها اما خريجي هندسه قسم (مدني - معماري - الكترونيات) او خريجي فنون تطبيقيه اللي انا بشوفها كليه الفنانين والموهوبين ناااسها كده دماغهم في حته تاانيه خااالص كريتڤ زي ما بيقولوا نسبنا بقي من الكلام علي تطبيقيه لاني مش هبطل كلام عنها معلش اصل البيست بتاعتي هتقدم فيها وهارياني حوارات عليها 😂💙💙
يتبع
دي اول روايه ليا اتمني تعجبكم 💜 والبارت ده مجرد بدايه ومدخل للروايه