جبرا لقلبي

العند ليس حلا

طبعا معروفه لما بنكون محتاجيين اي حاجة من اهلينا بنعمل ايه تعالوا اقولكوا بقي فيروز عملت ايه😂😂
استنت يوم الجمعه الصبح بدري لما باباها ومامتها صحيوا وقاعدوا مع بعض بعد الفطار كعادتهم في جنينه الفيلا ما انا قولتلكم ان باباها دكتور مشهور وانها من عيله غنيه ندخل في الموضوع بقي وكفااايه رغي 😂💔
-راضي : ايه يا ست روزه الرضا ده كله بقي البرنسيس فيروز الجارحي عامله القهوه بنفسها
-منال : خير انجزي وقولي عايزه ايه
-فيروز : ايه ده يا ماما هكون عايزه ايه يعني غير رضاكي يا ست الكل😂💜(خبيثه البت دي)
-منال : والله هو انا مش عارفاكي من امته وانتي بتدخلي المطبخ اصل وتعملي حاجة حتي لنفسك وبعدين ايه اللي هيصحيك بدري يوم اجازتك الا لو كنتي عايزه مصلحه
-فيروز : 😂😂وحشتوني وعايزه اتكلم معاكو شويه ولسه هتكمل هووب
-منال :بنفاذ صبر انجزي😡😡
- فيروز : خلاص خلاص هقول اهوو
بصوا بصراحة انا قررت اشتغل
-منال:  بزعيق ايه بتقولي ايه انتي اتجننتي باين عليكي
- راضي: في ايه يا منال اهدي علي البنت شويه مش كده
- فيروز :ايه يا ماما ما انا كده كده هشتغل اومال انا بدرس كل السنين دي ليه وضيعت وقتي في كل الكورسات دي مش علشان اشتغل
-منال:  اه يا حبيتي بس بعد ما تتخرجي مش وانتي لسه طالبه
- راضي: وايه الفرق طالما المبدا موجود وكل ما تبدا بدري كل ما يكون احسن
-منال : لا يا حبيبي هتفرق كتير وكتير اووي كمان الناس يقولو علينا ايه بنمرمط بنتنا
- فيروز :يا ماما كلام الناس مش مهم طالما مبعملش حاجة غلط وبعدين الناس كده او كده بتتكلم وانا الصراحة معنديش استعداد اضيع حياااتي علشان امشي ورا كلام الناس
- راضي : بفخر جدعه يا فيروز طول عمرك يا بنتي عاقله
- منال: انت بتقول ايه!!!
- راضي:  بقول الحق يا منال انا نفسي انها تشتغل بدري وتعمل لنفسها كارير واسم
- منال:  بنفاذ صبر مااشي يا بنت راضي طوول عمرك عنيده زي ابوك
- راضي: الله وليه الغلط بس دلوقتي 😳😂
________________________________________
- عز:  بعصبيه اتفضلي اهو البيه شرف حمد لله علي السلامه يا سي اسر
-ناديه: براحه عليه بس يا عز ده لسه راجع من السفر تعبان
-عز: يعني كنتي عارفه هو فين ومقولتيش اسكتي انتي حسابك معايا بعدين😠
ينفع كده يا اسر ينفع كل اللي بتعمله ده انت يا بني عايز توصل لايه ها ؟
عايز تجيب اجلي
- اسر: بعد الشر عليك بس احنا اتكلمنا في الموضوع ده ستيين مره انا مش عايز الناس تقول عليا ده وصل لانه ابن عز الشماع انا عايز ابني نفسي بنفسي زي حضرتك مش طول عمرك حضرتك بتفتخر بده
- عز :وهيجري ايه بس لما تحقق كل ده وانت جمبي وبعدين هو انا بعمل كل ده ليه مش علشانك انت واختك ولا انا لما امووت هترمي كل تعبي وشقايا طوول السنين دي في الشارع
ولا هتنزل نور البنت هي اللي تدير ده كله
يا بني انا كبرت وتعبت وجه الوقت اللي ارتاح فيه  انت تكمل مسيره الشمااع بالطريقه اللي تعجبك وتخلق قصص نجاح ليها
- اسر : وهو بيبوس ايد عز حااضر
- عز :ربنا يراضيك يا بني.
تصبحوا علي خير
- ناديه واسر وانت من اهله
ومشي عز وجه الوقت اللي اسر اعتقد انه هيرتاح فيه بس للاسف ناديه استلمته علشان تكمل عليه
استنوا البارت الجديد فيه مفاجأه ونقطه تحول الروايه كلها
مستنيه رايكم💙