جبرا لقلبي

العريس💃💃

روحت البيت وكانت الساعه 5 المغرب والمفروض ان العريس هيجي الساعه 8 وعلي الرغم انها متاكده انه مش هيعجبها الا انها كعاده كل البنات لازم يظهروا بافضل مظهر علي الاطلاق
وفجاه تلفونها رن
- فيروز:- الوو
- شام:- وصلتي؟
- فيروز:- يوووه من بدري
هاا كنتي عايزاني ف حاجة مهمه
- شام:- لا بس كنت عم بطمن عليكي
وبعدين ليش هيك عم تقفلي معي وكانك ما بدك تحكي معايا
- فيروز :-بطلي هبل انا بس حاااطه ماسك علي وشي ومش عارفه اتحرك
- شاام :شوو شايفتك عم تهتمي راح توافقي ولا شو؟
- فيروز: استغفر لله العظيم يا رب هو انا لازم اكون بهتم ليه يعني انا بهتم لنفسي
- شاام :ما بعرف بس حسيتك ها المره مهتمه عن كل مره وما بعرف السبب لهيك انا كتتير مستغربه
- فيروز :ابدا انا بس فكرت في كلامك وقولت ادي لنفسي فرصه وبعدين مش عايزه اظلمه علشان ممكن يطلع كوويس
- شام: ايه والله
-فيروز :سلام بقي يا بت علشان اغسل وشي من البتاع ده واشوف بقيت كيكه ولا لسه
- شام :ههههههههه
ماشي يلا باااي
في اللحظه دي منال دخلت
- منال: بحمااس ايه يا روزه قدامك كتير
- فيروز :يعني يا ماما شويه كده
- منال: طيب يا حبيبتي انجزي الناس علي وصول
- فيروز :اوك
- منال: والنبي يا حبيبتي ما تبقي تعقدي الواد باسئلتك دي
- فيروز :وبعدين بقي يا ماما
- منال :خلاص يا حبيتي خلاص
- فيروز :طب سبيني بقي علشان اجهز
- منال : ماشي انا هنزل علشان اشوف الاكل واظبط اخر التتشات
- فيروز :ماشي
راحت وقفت قدام الدولاب بتاعها وطلعت الفستان اللي طلعت روح شااام علشان تشتريه
ولبسته كان ابيض ولبست عليه طرحه بيبي بلو 💙💙 والهيلز كان نفس اللون ولبست سلسله فضه صغيره مكتوب عليها (roza)
فيروز بتحب السلسه دي جدا لان باباها كان جايبهالها في عيد ميلادها اللي فات ❤❤
ولبست خاتم فضه فيه فص رقيق جدا
وكانت حااطه ميكااب خفيف جدا يكاد يكون مش ظااهر اصلا ونزلت
- منال:  اول لما شفتها ايه ده انتي اتجننتي ايه الاكسيسورز دي ملبستيش ليه حاجة الماظ انتي عايزه الناس تقول علينا ايه
- فيروز: ما يقولوا اللي يقولوه انا حره البس اللي يعجبني مش لازم البس الماظ علشان يعرفوا اني مليونيره يعني
- منال: طب اي حاجه دهب حتي
- فيروز: انا كده كويسه
في اللحظه دي دخل راضي
- راضي :ايه في ايه صوتك عالي جدا يا منال مينفعش كده
- منال: شوفلك حل في  بنتك دي هتموتني
بص شكلها عامل ازاي
- راضي :بعد ما بص لفيروز
ايه القمر ده يا حبيبتي شكلك يجنن ربنا يحميكي ومتخديش عين وباس راسها💜
- منال: طبعا وهي هتسمع كلامي ازاي طوول ما انت واقف في صفها كده دايما
- راضي : واقف في صف مين بس يا حبيبتي هي حرب
وبعدين هي فعلا شكلها حلو جدا ومش ناقصها حاجة
- منال: طب زودي الميكب شووويه علشان متبقيش بهتانه كده
- راضي: انتي اتجننتي ولا ايه يا منال بقي القمر دي بهتانه وشد ايد فيروز وطلعوا بره الاوضه اللي كانت منال واقفه فيها
- منال: طبعا ما انتي طالعه لابوكي انا اصلا مخلفتش غير يارا ربنا يخليهالي لكن انتي وابوكي كده خالي المبادئ والفلسفه بتاعتكو دي تنفعكو (يارا الجارحي دي اخت فيروز  الكبيره متجوزه وعايشه في اكتوبر ومشغوله مع جوزها وفي حياتها سيبكم من يارا دلوقتي هنرجع لها بعدين )
- راضي: متزعليش يا روزه من منال هي دماغها ترالالي😂😂😂💔
كده شوويه بس والله قلبها ابيض هي كده شااايفه انها خااايفه علي مصلحتك من وجهه نظرها
- فيروز :ولا يهمك يا دكتور انا عارفه والله  وفضلوا يدردشوا سوي شوويه
________________________________________
نروح بقي لاسر ونادر والاتنين كاانوا قاعديين في جنينه الفيلا بتاعت اسر
- نااادر :ايه يا عم اسر سرحان في ايه
- اسر .......
- نااادر: ولا يا اسر
- اسر : هه ايه يا يلا في ايه
- نادر: انت اللي في ايه بقاالي ساعه بناديك
وانت ولا هنا
- اسر :مفيش
- ناادر: علي بابا يلا ما تنجز وتقول في ايه
- اسر :طيب يا غلس بس اسمع للاخر ومتتريقش
-ناادر؟ طيب يا عم
- اسر شفت النهارده حوريه من الجنه💙 يا نادر
- ناادر بتريقه :نعم يا اخويا شفت ايه 😂
- اسر :هنبتدي قله ادب بقي ولا ايه؟!
- نااادر: لا خلااص مقصدش اتنيل كمل
- اسر: النهارده الصبح لما نزلت من الشركه من كتر ما كنت مخنوق ومتدايق نسيت الفون والمحفظه علي المكتب عندك
- ناادر ما انا عارف اومال انا اتنيلت جتلك دلوقتي ليه مش علشان ادهوملك😡
- اسر :انا عارف من الاول انك غبي 😡
ومش هتسبني احكي حاجة
- ناادر: خلاص انا اسف كمل
- اسر :المهم نزلت بسرعه وقعدت الف بالعربيه شوويه كتير لحد ما زهقت ولقيت نفسي قدام كاافيه
دخلت وطلبت قهوه وكل اللي نفسي فيه وبعدين جيت احااسب اكتشفت اني نسيت المحفظه والفون فمكنتش عارف اتصرف وكمان الكاافيه ده كنت اول مره ادخله فمكنتش عارف اعمل ايه
نادر بتنهيده :وبعدين
اسر:  فناديت الويتر علشان يديني الفون واكلمك بس لقيته بيقولي خلاص يا فندم الانسه دفعت الحساب
ببص لقيت ملاك من الجنه في هيئه بشر 😇😇 يلا
- ناادر : هي بينها غمزت ولا ايه
- اسر: اوووف
- نادر انت اديقت ؟ مقصدش ياا عم
-  اسر: لا ابدا بس انا اصلا معرفش اسمها ولا اي حاجة عنها بس جمالها هادي ومش عامله حاجات ملفته كده زي بنات اليومين دول جمالها هادي 
- نادر :مطلبتش رقم تلفونها ليه يا عم روميو😂
- اسر :ما انا طلبته بس هي مرضيتش تديهولي
- نادر :الله بقي في بنت في الزمن ده قدرت تقولك لا وتقاوم كل الحلاوه دي طب ازاي ؟
- اسر: ما اهو ده اللي مخليني عمااال افكر فيها من اول اليوم هي ازاي رفضت مع اني طوول عمري البنات هي اللي بتيجي تديني ارقامهم  وبتجري ورايا وانا اللي برفض
- ناادر :طب ما يمكن تكون مخطوبه ولا متجوزه
- اسر :لا مكنتش لابسه دبله
- ناادر: الله دي خطفتك بقي يا عم اسر
- اسر: خطفني احترامها قبل شكلها وبعدين باين عليها بنت ناااس اووي
________________________________________- نرجع تاااني لفيلا الجااارحي
فجاه الجرس رن
- منال: استني انتي يا صفيه راضي اللي هيفتح ويستقبل الضيوف
- راضي :وهو بيفتح الباب اهلا اهلا اتفضلوا
بلال كان جاي هو وباباه مصطفي العادلي ومامته سعاد الوراق واخته الصغيره ملك
بعد ما دخلوا الصالون
- مصطفي :ازيك يا راضي ليك واحشه يا دكتور كده العياده تخدك مننا
(طبعا العلتين عارفيين بعض كويس جدا لان  سعاد صاحبه منال من زمان )
بس فيروز متعرفش بلال ولا حتي شكله لانه عمره ما جه عندهم ولما فيروز كانت بتروح مع منال عندهم مكنش بيبقي موجود اصلا وهو كمان ميعرفش شكلها بس هو جااي علي وصف شهيره وكان خاايف لتكون بتبالغ والبنت متطلعش حلوه )
نرجع تااني لليله دي ويا رب تعدي علي خير
- راضي: الشغل بقي يا مصطفي اعمل ايه
- مصطفي: الله يعينك
- راضي :الله يخليك
-  :ايه يا منال اومال عروستنا فين ؟ سعاد
- منال: بتجهز يا حبيبتي وجاايه حاالا
- سعاد :ماشي
- مناال: يا صفيه
- صفيه :نعم يا منال هاانم
- منال: تعالي شوفي الضيوف هيشربوا ايه وخدي الشكولاته دي دخليها جوه (طبعا كانوا جاايبين شكولاته فخمه جدا تليق بعيله العادلي)
- صفيه: حاالا يا هانم
بعدها بلحظات دخلت فيروز او بمعني اصح البرنسيس الوصف اللي قاله بلال في سره اول لما شافها مكنش متخيل انها هتبقي بالحلاوه دي
- فيروز :مساء الخير نورتونا
- سعاد:مساء الورد يا حبيبتي ايه القمر ده ما شاء الله تجنني
- فيروز: مرسي يا طنط
وقعدت جمب منال
-  سعاد :ايه يا مصطفي ما تبطل كلام في البيزنس وتتكلم في الموضوع اللي احنا جايين علشانه
- مصطفي :معلش يا راضي الكلام خدني
- راضي: ولا يهمك
- مصطفي: بصراحه كده احنا طالبين ايد الانسه فيروز لبلال
- راضي :ده شئ يشرفني طبعا
- مصطفي: والمهر والشقه والشبكه والحوارات دي كلها اكيد مش هنختلف عليها فيروز بنتنا ويكفينا بس انها توافق واحنا نجبلها الدنيا كلها تحت رجلها مش كده ولا ايه يا بلال
- بلال: اهاا طبعا (ما هو لازم يقول طبعا ما البت مال وجمال وادب وعلم هو انا بتكلم عنها كلها كانها بنت اختي😂😂
يلا ما علينا)
- راضي: ربنا ما يجيب اختلاف ان شاء الله
-  سعاد:بقولك ايه يا مناال ما تيجي نشرب قهوه في الجنينه
- منال: اهاا طبعا اوماال اتفضلي يا حبيبتي
- مصطفي : يلا بينا احنا كمان يا راضي علشان نسيب الولاد مع بعض شويه علشان يتعرفوا علي بعض
- راضي: ماشي
- فيروز: بصت لراضي كده بصه معناها انت هتسبني معاه لوحدنا ازااي ده ( فيروز اها بنت غنيه واتربت في مستوي اجتماعي راقي ومدارس انترناشونال الا انها دايما كانت متمسكه بمبادئها وتعاليم دينها اللي راضي كان بيحرص دايما انه يعلمهالها)
- راضي: بعد ما فهم معني نظره بنته
متقليقش يا حبيتي احنا هنقعد بره في الاوضه اللي جمبوكم لو احتاجتي اي حاجة ناديلي
وخرج هو ومصطفي واتعمد يسيب الباب مفتوح علشان يطمن بنته
يتبع
البارت اجالي هقولكم فيروز هتعمل ايه مع بلال
واسفه جدا علي التاخير بس للاسف في دراسه وجامعه وبلا ازرق😂😢
لو عجبكو البارت متنسوش فولو وفوت علشان يوصلكم كل جديد
هتنسي رايكم💙💙💙💙💙