جبرا لقلبي

🖤❄️بريق الامل

-اسر : ها يا زفت جيت ليه دلوقتي.

- نادر: ............

-اسر: انت يا بني هو انا مش بكلمك ؟

-نادر: استني بس اما اشوف المشهد ده البطل هيموت ولا ايه؟

-اسر: صبرني يا ربي عليه

-اسر: نور خدي اللاب بتاعك ده وادخلي جوه.

-نور:حاضر بس ابقي علم صحبك ميغلطش في المسلسلات طالما مجربهاش.

-نادر: علي فكره انا لسه عند رأي المسلسلات دي بارده زيك يا اختي.

-نور: والله . ما اهو واضح اهو.

-نادر انت هتسكتي ولا اقوملك؟

- نور:وريني كده لو راجل اعملها.

-اسر: ما تتلموا بقي انتو الاتنين وتخرصوا شويه.

-نور: حاضر يا اسر انا ماشيه اهو.

-نادر: يلا في داهيه.

-نور: سمعتك.

-اسر: ها بقي كنت جاي ليه يا زفت انت.

-نادر: انا في حياتي ما شفت عيله قليله الذوق زيك انت واختك كده.

-اسر: انجز بقي .

-نادر طيب يا عم.بص بقي انا جبت اللاب وكل ال files بتاعت حسابات الشركه في اخر 3 شهور علشان نظبطها سوا اصلك صعبت عليا مع انه شغلك بس يلا يا عم مهونتش عليا.

-اسر وانت جاي علي نفسك ليه كده مش لازم نخلصها اصلا دلوقتي لما تبقي تيجي ال

Assistant الجديده يا عم تبقي تخلصها معايا ونراجعها.

-نادر: لا يا باشا ما عز بيه قالي ان كل الشغل ده لازم يخلص قبل ما نعين اي حد .

-اسر: اوووووف.

-نادر: انت لسه هتأفف لي انجز يا عم وقول لعبير تعملنا قهوه علشان هنسهر للصبح.

-اسر:..........................

-نادر: اسر انا بكلمك انت فين .

-اسر: بالي مشغول مع البنت بتاعت الكافيه يا نادر مش قادر ابطل تفكير فيها واللي مدايقني اني معرفش عنها حاجة خالص ولا حتي اسمها.

-نادر: بسيطه يا عم احنا بكره الصبح نروح الكافيه نسأل عليها .

اسر: قوم بينا نسأل عليها دلوقتي

-نادر: انت مجنون يا يلا احنا في نص الليل وبعدين ورانا شغل بالهبل.

-اسر: مش مهم الشغل مش هيطير لما نرجع نكمله.

-نادر:امري لله ما انا عارف انك مجنون وبتعمل اللي في دماغك دايما .

-اسر: هطلع اغير هدومي واجيلك.