جبرا لقلبي

آسر الشماع

وفي مكان اخر معلش انا عارفه اني كل شويه اقولكم في مكان تااني بس المره دي هنروح الساااحل😂💜
كان اسر بيه موجود مع نادر وهدان صااحب عمره ومهندس بردو ومروقين علي الاخر مش في الساحل بقي
-نادر : بقولك ايه يا عم اسر ما تيجي ننزل مع البنات النهارده بليل
-اسر:  بس يا نادر والنبي اسكت انا مش ناقصك
-نادر: ايه يا بني في ايه
-اسر: ما انت عارف اللي انا فيه يا بني اومال لو مكنتش معايا في البيت والشركه وقارفني في حيااتي (اهل نادر عايشين في الامارات مبينزلوش مصر خالص  وهو لوحده في مصر بقاله 6 سنين لما بيحب يشوفهم بيسافر ليهم زيارات)
-نادر:  لا يا حبيبي مش عارف ايه اللي انت فيه بقي ان شاء الله؟
-اسر: لا ابدا امي عايز تجوزني واحده مبحبهاش وابويا عايز يمسكني كل حاجة في الشركه ويخلع ويلغي شخصيتي ومستقبلي لمجرد اني ابنه الوحيد
-نادر :يا بني هو انت كنت تعرفها علشان تحبها؟
-اسر: لا بس اعرف طنط شهيره امها واعرف تربيتها كويس مدلعاها
-نادر: يا بني ما تحاول تعرفها دي طنط ناديه هانم الرافعي هي اللي مختارها ليك (ناديه الرافعي تبقي مامت اسر وست كده مبيعجبهاش العجب ولا الصيام في رجب😂😂)
-اسر :ما هي دي الكارثه امي بتبص لاسم النسب والعيله وخلاص وعلشان هي نهال النابلسي يبقي هي دي اللي تليق بعيله الشماع
-نادر: نكدت عليا يا شيخ داهيه تنكد عليك😡😡
قوم يلا ننزل نخرج مع البنات يمكن تعجبك واحده فيهم وتتجوزها ونخلص
-اسر: هي دي المشكله ان البنات كلهم بقوا شبه بعض مدلعيين ومايصين كده ومفيش فرق بينهم حتي في الشكل كلهم شبه بعض بالمكياج بتاعهم ده
انا عايز واحده مختلفه يا نادر واحده تبقي عاقله وراسيه كده تبقي ام ولادي استأمنها علي اسمي وبيتي وشرفي
-نادر: انت اصلا عيل فقري فوق يلا النوع ده انقرض
-اسر: مش يمكن علشان احنا اللي بندور في المكان الغلط
-انا متاكد اني هقابلها في يوم من الايام وقال في سره اللي هتبقي (ملاكي)💖💖.
-نادر: اما بقي بالنسبه لكلام اونكل عز فهو عنده حق يا بني انت ابنه الوحيد وهو مش مستأمن حد علي ماله غيرك وبعدين بعد عمر طويل كل ده هيبقي ليك انت ونور وانت اللي هضطر تمسك كل ده علشان انت الراجل واحمد ربك غير يتمني ربع اللي انت فيه ده
- اسر : بطل قر يلا😂😂
- نادر: حاضر بس يلا نروح ناكل مش هيبقي لا بنات ولا اكل
-اسر: يلا يا طفس😂
يتبع
مستنيه رأيكم جدا💙💙