إهتزاز العاصفة 🖤

إهتزاز العـاصفة 🖤

سيناريو 🖤

ماما: طولتي معه السانك وقللتي ادب كالعادة هذا علاش مد ايده وتوا سكري فمك ومانبيش ولا واحد ايحس انك جايه باكيه
انا بصوت مخنووق ومش قادره نتكلم : ميمدش ايده عليا ع خاطر مرته ميمدش ايده مره وحده بس أوقفي معايه ضدهم  نكرررهم ي ماما نكرررهم معاش نبي انشوف ولاواحد فيهم  هذيما مش سند هذيما واني نبكي ومنهاره وماما كنت عارفتها متأتره معايه لكن تبيش توضح
فجأه تخش علينا في الدار.....

مريم :كانت في حالة صدمة من اللي سمعاته :يعني خلاص معاش نقدر نقعد كيف اي.... يعني معاش فيا ولاذره امل يعني اني رحت منصلحش علااااش علاش درت فيا هكي كله منك انت انسان متحسش اي نوع من البشريه انت جاااااوبني جااااوبني صح اللي سمعته كيف أدير شي بلا علمي كيف ماتشورنيش خلاص صوتها انبح والكلمات معاش بن يطلعن حرااام عليك ي أنور .......
أنور وصوته هوا مخنوق : مرريم بلاش اهبال وكبري عقلك واسمعيني بتعترضي ع حكم ربي انتي .......

زينب : يعني خلاص نمشي اندير لفة ع الجو
مــعتمد :  ي امي خيرك انتي كان بتمشي بتهدرزي امشي نرفعك لكن انك تفتحي الموضوع هذا توا لا انتي حتى عزي ممشيتش عزيتي ماشية توا اتقوليلهم بنخطب قصدي مش منطقية بوكل
زينب : لاَ وعلاش شن  ...........

ريهام : ايوا حبيبي تسمع فيا
مصعب : أ ي و
ريهام :نسمعش فيك راه نحت التلفون من ع وذنها وقعدت  التيشع في يدها فوق الدَّور في التغطيه يعنشكلها التغطيه المزفته هاذي بـوكل
مصعب :..يعن دين  ##¥&&#......
رهام:.................

فاطمة خشت ع فردوس في الدار القتها تبكي : فهميني انتي خيرك هاذي تاني مره انجيكم نلقاك هكي فهميني وادويلي ي دوسة ماما مش ناقصها راه
فردوس صوتها في الرجفه : ي فاااطمة انتي مش فاهمة
فاطمة : باهي فهميني من يوم روحنا من الاستراحة وانتي هكي
فردوس خنقتها العبره : اني.......

سراج يعيط وقالب المستشفى وحاط ايدية ع راسة ودبشة كاين كله دم وبصوت مخنوق : لااااااا يااااربي لااااا متختبرنيش ف قطعة من روحي ونزلت دمعه حارة منه دمعت رااجل نزلت منه وفجأه يطلع الدكتور  وسراج رجليه معاش حملو وصوته شبه عدا صبى معتمد قدم ع الدكتور وشده من سوريته بسرعه ويتكلم بصوت عااالي؛ تكلم بسررررعة شنووو
الدكتور علي وهوا متردد : البقاء لله وحده ربي يصبركم
سراج :.....

أميرة بصوت عالي : طلقني طلقني خلاص عيييت مليت منك ومن اهمالك مليت من معاملة اهلك الحقيرة اني خلاص ارحمني ارحمني ي رشيد وطلقني
رشيد تعصب من صوتها العالي وضربها كف : سكررري فمك سكررري وخدها ع السرير وطيحها ونزل ع وذنها بصوت حاااد اتعفني بجيفتك في الحوش ولاتطلعي خطوه براته أهلك تنسيهم لين...... 

البنات بصوت عالي وبضحكة : العين تمنت توا توا فوق سرير وجنبه هوا حيييي عليها جنبه هوا ي ميمي وقالبات الدنيا مش اللي برا ميسمعوش كلا الحيوانة ميمي مش معدلة بكل
مرام تضحك : حبيبي تسمع فيهن
إمحمد : نسمع فيهن تي اطلعي من بحداهن معاش سمعتك بوكل
مرام؛ معنديش كيف نطلع كلهم برا وين بنكلمك يعني

رويدة؛ شور الدار انكرك شوري
البنات؛ شور الدار انكرك شوري
رويدة؛ والباقي شورك ماهو شوري
البنات : هيييي العب ي عيت ##..........
وفجأة اتخش عليهم.....

ركبت في السيارة وخبطت الباب: سلام
...... شبح فيا برفعة حاجب؛ عليكم السلام
اني قعدت ساكته ومشبكة ايدايا
..... قدم ع الدومان متاع السيارة ولف بيه وعطاني نظره؛ صايرة حـاجة
أني قاعدة نشبح لشباك ومعنديش نيه نتكلم بوكل معنى هوا مش دنبة شي ومعاهم حق اصلا يفرحو بيه
..... : نسأل فيك تقريبا
اني : واني مجوبتكش تقريبا
..... برم عليا وعيونة شراره ويفنص :.......

نـور صدمت عمري ف حياتي متوقعت روحي هااينة علية لهدرجة مسكت الدمَوعي بسيف وابتسمت و َدَموع مرغرغات عيوني : مافهمتش قصدك كيف يعني
....... : يعني هيا اللي تبي اتشوفوك عشان اني اموضحلها الموضوع وعارفة شنو
نور : وانت عندك عادي نمشيلها
....... : وليش مش عادي قصدي هذا رايك تبي اوكي نرفعك ماتبيش ع راحتك
نور اصطنعت الابتسامة َوفي داخلها مية موس يطعن : نمشي حاضر  غيـر...............
....... :

.. أحـياناً نـسمع جـملة ونـصبـح بـعدها فـي صـمت مـبـهم وكأن شي داخـل أرواحًــنا يتأملـــــــــها 🍂.....

حبيت النزل سيناريو الحلقة ومقتطفات من الرواية الجديده طبعاً هاذي تعتبر روايه الأولى ليا كيف ماقتلكم ان شاء الله انكون عند حسن الظن يارب 

نقطه نبي انوضحها انه المقتطفات اللي حطيتهم مايتبعنش أحدات الحلقة الأولى بس راه يعني خديتهم من كذا حلقة يمكن المقتطف الأول بس يتبع الحلقة الأولى كونو بالقرب

وفـقني اللَّه ويـاكـم 🖤

🖊️RAHAF Gorma