إهتزاز العاصفة 🖤

الحلقة 3 ❤

اهتــزاز العاصفة 🖤
حـلقة 3‪

ماما :قمعز افطر اهي نويره توتيلك افطورك
يزن شبح لنور : سندوتش ع السريع بالله
نور طبست ع الطاوله كانت فيها تن وجبنه وهريسه ودحي وملاطا وكذا نوع خبزه خذت الخبزه وفتحتها حطت فيها الهريسه والجبنه وحطت الشوي تن وخيار سكرت السندوتش وحطاته ف صحن وحطت معاه عصير رفعت راسها ألقت يزن يدخن وماسك تلفونه ابتسمت : تفضل اهو واتي
يزن خدي الصحن : منوره تعبتك
نور :تعبك راحة صحتين
يزن طلع من المطبخ القي عماتي واني والبنات ف الصاله ونور لحقاته وسيبت الفطور
يزن :صباح الخير؛ قدم ايسلم ع عماتي عشان أمس ماشفهمش
احني : صباح النور
عمتي ناديه : كيف حالك يا يزن وينك معاش التقابل ي عمتي
يزن ابتسم : والله ديما ف بالي ي عمتي كيف حال الشباب
عمتي ناديه : سلم حالك ي حنه كويسين
عمتي أمنه : شنجو طرابلس غادي
يزن ماشي للباب الصاله : لا تمام الحمدالله ادعيلنا بس
عمتي أمنه : ربي يسلمكم ان شاء الله وبتهنايه لبلاد يارب
احني : ان شاء الله ي رب
اني قعدت ننخس ف ماما نبيها اتقوله ع مشي الاستراحة
ماما التفتت عليا : خير بلاك ي فرخة
كلهم قعدو يشبحو
اني : ضروري لشهدره طبعاً طبست عليها، ادوي لفرخك ع الاستراحة الله يربحك ي غاليه 😁
ماما :ي وليدي الفرخات يبن يطلعن لي مكان يغيرن جو منها نلتمو كلنا
أحلام : والله حقا ي مرت خالي نبوها
يزن ماسك نضراته بيده الايسار وحاط ايده الايمين ع العرصه اللي ف نهايه بابا الصاله : مشعارف والله شوفو روحكم والمكان ساهل توا انشوفو واحد من الصحاب أنور غير خليه بعد ايروح مهند من سويسرا خلاص قريب ايروح هوا
عمتي أمنه : ي حنه أمته ماتفضو هذينا طلباتهن مايكملن بشوي عليكم ي باتي
ع طلعت ادومي من الدار وهوا دوبه مايمشي مره يمشي مره ايطيح
يزن قدم خذاه ف غمره : لا تمام ي عمتي توا نشوفو مكان سمح
نور؛ غير ماطولهاش بس
يزن شبح فيها وقام حاجبة : قلنا باهي ازح
نور طبست راسها واني شبحت فيها فهمتها طول
يزن  قعد ايلعب في ادومي شوي وطلقه بعدها شرب باقي العصير وسيب السندويتش؛ هي تبو شي
ماما وعماتي : سلامتك في امان الله وحفظه
اني لحقته  ف الجنان انادي عليه : يززن
التفت عليا : خيرك
اني :  خيرك معاها نور
يزن شبح فيا زين : من نور
اني : بلا استعباط ترا
يزن؛ وخيرني معاها يعني شن تبي
اني : قصدي نتتك فيها امبكري قدامنا وكيف سيبت السندويتش وجعتها البنت
يزن رفع حاجبة وحط ايده الايمين ف جيب الجاكة :والله حقا، شن التفاهات هاذو لهدرجة فاضيه انتي
اني : تفاهات ف عي
قطع عليها يزن : بري خير ماننكلب عليك توا ولبس نظراته ومشي
اني قعدت نشبح فيه كمية البرود اللي عنده ماشوفتهاش عند حد هذا شنو ولميت شعري اني خاشة : صباح الورد
مراد : صباح الخير شنجوك
اني؛ تمام، الحمد لله ع السلامة
مراد يمدلي في يده :الله يسلمك عماتي قعدات عندكم قتلي امي
اني سلمت وطلقت ايدي : ايه قعدات تفضل
خشيت اني وياه
كنا نسكنو احني وعمي مصطفى اللي مرته سميره عندها ولدين مهند الكبير مواليد 9‪0 ومراد مواليد94، نسكنو ف حوش واحد يعني ف جنان واحد وف الوسط حوش حنتي وجدي يسكر علينا باب ونفس الجنان وعندي عم تاني يوسف هذا يسكن بعيد علينا الشوي ومرته حنين عندهمش الصغار مليهمش هلبا متزوجين ربي يهني سعيد بسعيده ي حنه 💜😂