إهتزاز العاصفة 🖤

الحلقة 2 ❤

أهتزاز العاصفة 🖤
حـلقة 2

بعد خشينا داخل اني حطيت المفرش وحطينا الحاجات علية خشت مرت عمي علينا مرت عمي هاذي عندها ولدين بس
مرت عمي  سميرة : السلام عليكم
احني : وعليكم السلام
ماما :، خشي ي سمورة كيف حالك
سميرة : الـحمداللة كيف حالكم انتم َََ.. شن جوكم ي فرخات
أحلام طالعة من الدار :، قاعدة بفرخي وتقولي ي فرخة مزال مصحك وخلاص
اني نضحك : شنجوك سموري يالحب
سميرة وهيا تقعمز :ي حليلي وخلاص من ام السان
عمتي نادية : كيف حال الولاد وينهم
سميرة : انو سند قاعد هوا ويزن في طرابلس والفرخ التاني    مهند الأسبوع الجاي بيروح ويولي من جديد
عمتي أمنه : ربي يسلمهم الحبايب كلهم
نور ضحكت : كلا ي خالتي الفرق بينك وبين اختك كيف السمي والوطي ماما معمري سمعتها امقايله كلمة سمحة وانتي مشاءالله ع السانك ي حنه
عمتي نادية : تعرفي اتنوضي من بحدا وجهي ولا اني انَوضلك ي حاريمية
رفيف خشت وابتسمت اول ماشافت سميرة : اهلين خويلة
سميرة ضحكت وشبحت فيا : اهلين بعيون اخويلة كيف حالك
رفيف قدمت عليها وتسلم :الله يسلمك الحمدالله كيف حال خالي والشباب
سميرة : كويسين وين أميرة مال غريبه مش جايه

***
أميرة وقت نزلت ركبت لسيارة طول من هزت رجله ومسكت الدخان عرفاته نار متشوشه فيه : سلام
رشيد علق السيارة ومردش عليها قعد يجري وبس
أميرة قعدت ساكته لين قربو يوصلو رشيد وقف بينزل للمحل ضغط ع سنونة : شن تبي لي اهلك،بدون مايشبح فيها وطبس ع الدرج اللي بحدا اميره قعد ياخد في الفلوس
أميرة : جيب تساليات للبنات وفاكهة
رشيد نزل وخبط الباب
أميرة خبطت رجلها : عليك شلال واااو منكدي وخدت تلفونها تلعب بيه لين خش رشيد حط الحاجات من ووراء ركب علق السيارة وطلع قعدو ساكتين لين وصلو درس السيارة
رشيد :الساعة عشرة الصبح نلقاك واتية
أميرة قعدت تشبح فيه : قصدي رش قطع عليها
رشيد : ولاكلمة وقاعدة اتناقشي مزال وعزق الدخان وهز براسة ع الباب بمعنى انزلي
أميرة خدت شنطتها وسكرت الباب ودقت ع الحوش...
احني كنا في المطبخ اني والبنات
اني شادة الميه في أيدي : قصدي خايبة راك حركاتك واضحات وسميرة بسلامتها ماتفوتها فايته انشطي الشوي وفكينا من حركات التزعبين هذينا ترا
رفيف مقمعزة ع رخامة وتاكل في بسبوسة : النبي سكري فمك شن الحركات اللي درتهن يعني قتلها كيف حالك
نور اتعلق ع رفيف : كيف حالك ي خويلة عطك مايخلخل اعظامك ي مولاي اجعنك اخت القهره تسحابيها سميرة مش فاطنة بيك ولامش حاسة
أحلام : ولامش حتى هكي اتشوف في ولدها مش امعدل بوكل ولاشايفك لايعلم عليك لاحية لاميته
رفيف نزلت من الرخامة : قصدكن انتن المحاضرة هاذي عشان سلمت عليها
اني : سلمتي ع عينك مش اول مره اديري حركات المودبات هدينا فكنا ترا
رفيف : قالتها صاحبت الحكم والمواعض مسمحها تو كان ام وليد جايه ولا وليد مطوبته كان منلقاك متلقيتيهم من الساحلي
اني رفعت حاجبي : كان ي حنه لكن مش راح ايجي فكينا من المخيلات متاعاتك هذينا
نور صبت؛ شكلها ميرو جت وطلعنا
أميرة تقلع في عبايتها في الصاله وتهدرز معاهم
ماما : غيرك طولتي توقعتك العشية اتجي
أميرة ماشيه لدار ألتفتت : ماهو رشيد رقد طاول ماناض ي ماما
نور التفتش في الأكياس : سلم بونسيب ي حنه العقبه مانجيبلكم اني الخبر هذا 😂
اني كريت منها الكيس وخشينا لدار وراء أميرة :خيرك انتي
أميرة قمعزت :خيرني
أحلام جت احداها وتمددت ع السرير : شكلك متعاركة مع رشيد
أميرة تنهدت : رشيد مش فاهمني مش فاهمني مش فاهم اني مش قادرة نعطية اللي يبيه نحس في روحي صورة بابا بين عيوني ومظغوطة من جهة الكليه اللي راح تبدأ ورشيد مش راضي ومزال ماتفهمت معه ولافتحت معه الموضوع هذا  ومن جبهة امه مش امريحتني بوكل ع الخشة وطلعة واقفتلي كيف العضم في الرقبة
أني قعدت امصبية ومطبقة اليدية : وسيد رشيد شن يبي توا
نور ضحكت : يبي حقة ي حنه 🙆‍♀️
أميرة : مبرد أمكن اطلعن من بحدا وجهي
رفيف اتكت ع السرير : اني انقولك حل ي ميرو  موضوع رشيد هذا محلول قصدي الراجل يبي حقة ومطالبك في حاجة تانيه سايسية وتو تلقي روحك حتى انتي واكلة الجو ي حنه وتجينا املطعك كيف قبل   لكن اما موضوع القراية فهذا ي حنه اوقفيلة عليه شارطينا من قبل وكان ادخلي فيها حتى خوتك ي قهرة اما المخلوقة المقرفة عزوزك َ
اني قطعت عليها طول : لا ي ماما هاذي ماليهاش حل يغير انك اديريلها سم فيران اتفكي منها اما بتقعدلك هكي ديما وتعاني فيها منرضهلك ي وخيتي بعدين هوا وقت جي خطب ع بنا حوش بروحه ومقالش بتعاني امه هذا ماناقص صاروخ ان شاء الله
أحلام : كملتي ولا عندك إضافة مدام غفران
اني ضحكت : لالا استوب مزال مرحتش مدام لكن عادي فال وعلية الكمال ان شاء الله
نور : أجمعين يااااارب
ماما اتنادي من براا : غفراااان
اني صبيت بنفترة : طبعاً ماما هاذي حرام اتهنيني في تقعميزة
وانتي صبي عفريت ان شاء الله مشاكلك ميتمن
أميرة صبت؛ برري ي حيوانة خززي
نور بتطلع : المهم كيف ماقتلك ي ميرو
أميرة؛ باهي اطلعن طلع روحكن
اني طلعت اني ونور يقابلني يزن : امتتتته جيت انت وقدمت عليه
يزن : مالياش هلبا عندي دبش مش تغسلية
اني؛ قاعدة مخويتك التانية توا تغسلة
نور ابتسمت؛ هلا حمداللة ع  السلامة
يزن : الحمد ليك وشبح فيا متنسيش اطلعي الدبش من الشنطة
اني : باهي مش عرس هوا
يزن رفع حاحبة : خيرلك راه
خش لدار يزن واني اللتفت ع نور القيتهاا مستوهة؛ اووي انتي مرض ان شاء الله خيرك شن صارلك
نور شبحت فيا؛ شن بيصيرلي يعني
اني؛ باهي اتفضلي ي حنه معايه