إهتزاز العاصفة 🖤

الحلقة 1 ❤

إهتزاز العاصفة 🖤
حـلقة 1

ماما : طولتي معه السانك وقللتي ادب كالعادة هذا علاش مد ايده وتوا سكري فمك ومانبيش ولا واحد ايحس انك جايه باكية
أني بصوت مخنووق ومش قادره نتكلم؛ ميمدش ايده عليا ع خاطر مرته ميمدش ايدة مره وحده بس أوقفي معاية ضدهم نكررررهم ي ماما نكررهم معاش نبي انشوف ولاواحد فيهم هذيما مش سند هذيما واني نبكي ومنهارة ومعاش قدرت ندوي وماما عارفتها متأتره معايه لكن تبيش التوضح
وفجأه اتخش علينا رفيف بنت عمتي
رفيف : السلام عليكم خيركم شن في
ماما؛ عليكم السلام خشي خيرك واقفه
رفيف خشت : خيركم خيرك ي نينا
ماما؛ مافيها شي غابيه في طروحها يعني هيا سلم بنيتي خشي دوشي وتعالي عماتك قعدات
ماما وهيا طالعة وتمشي : انتي ومن جيتي ي رفوفه
رفيف قاعده تشبح فيا وعارفة في حاجة : جيت اني وامي ونور وأحلام في الطريق قالت طالعة امبكري أكيدة قريب توصل
ماما : باهي انستونا ي حنه
ماما طلعت تلفتت عليا طول رفيف واني معاش قدرت تعنقتها زيين ونهرت ابكي : نبي بابا نبي بابا ي رفيف معاش نقدر بلاه نبي باااابا نبي حبيبي نبي سندي يوقف جنبي استحشتة استحشت ضحكته وصوته وبصارته استحشت خشت عليا في الدار ايقول بنيتي منو امزعلها يدعيلي وقت ايشوفني نقرأ اني منو بيعوضني عليييه منو بيعوضني ع بابا رااهو بابا عارفة شنو بابا اني من كتر البكي قعدت نشهق ونرجف تعنقت رفيف زين ونهز في راسي
رفيف معاش قدرت تمسك روحها وقعدت تبكي : والله العظيم عارفة كل كلمه قولتيها هوا مكانش سند ليك انتي بس كاين سند العيلة كلها كاين مش خال كاين خوه بنسبا ليا ديما واقف جنبي كيف اني كيف خواتي كاين راجل خالي بمعنى الكلمه لكن شن بنقولو ولاشن بنديرو بنتعترضو ع حكم ربي ي نينا
أني قعدت نمسح في الدموعي ونهز براسي بللت فمي ورفعت راسي نحاول معاش انزل الدموعي لكن بلا فايده : الله يرحمه ويجمعني بيه يااارب
رفيف مسكت يدي وتمسح في الدموعي : نينا شن صايرلك احكيلي امتى عمرك دسيتي عليا حاجة انتي
أني : نفس القصة ي رفيف متاع خوالي يوم اللي وجهتها الكلبه حواء نكرت انها دوت شي المشكلة تنكر قدام البنات وهنا مصدومات أحقرر خلق الله هالإنسانه اني والله الكلام هذا كله مادورته ولاحسيت بيها الحيوانة هاذي
رفيف : كيف مال
أني عيوني رغرغن : خالي خالي ي رفيف خالي اللي كنت نتوقعه أول من يوقف معايه بعد وفاة بابا أول من يسندني فدنيا يقعد أول من يتخلى عليا عشان شن عشان مرته عشان انسانه عارفني نكرها اللي قهرتني مسمعش مني مفهمنيش محولش يدويلي كلمة واني انحس في الكلمة تقيله النطلعها ع أغلى ناس ليا كاين.. ضربني تعرفي شن ضربني قالي هاذي مرت خالك تحترميها هاذي تقعدي خدامة تحت كرعيها محسش بيا ولاحس بالكلام اللي قاله ليا لو يقعد في عمري اخر يوم ي رفيف اخررر يوم بناخد حقي منه ومن مرته ماما استهانت بالموضوع وخوتها ولاواحد فتح فمه وقالي حقك عليا ي غفران
رفيف انصدمت : قصدك خليفة ضربك عشااان شن عشان الحيوانة مرته كيف ضربك وخيرا ولاواحد فيهم محلش فمه وخيرها مرت خالي مدارت شي
أني : ضربني ع خاطر مديت ايدي ع مرته
رفيف : قصدك ضربتيها جديات
أني : اها ضربتها خيرك مستغربة
رفيف قعدت تضحك : لاوالله تهني عطيك الصحة لكن الموضوع مينسكتش عليه
أني : ومن قالك بنسكت صح مش راح انقول لخوتي بيكبر الموضوع وماما احتمال تنجلط لكن دعاي عليهم يكفي انشوفهم في أسفل السافلين يارب 💔
رفيف : يارب.. هيا خلاص خشي دوشي وصلي ركعتين اهدي وكلي ربي عليهم واني خليني أنظم الدار ونطلع انشوفهم أكيدة أحلام جت تعالي نحصلو جو عليها
أني انطلع في دبشي من الدولاب : حتي أميرة قالت بنجي
رفيف : تي باهي نلتمو الجو صقع بوكل برا خودي حاجة غليظة
أني : به تمام
رفيف طلعت واني خشيت للحمام دوشت وكأني انحي في التعب من عليا وسرحت في اللي صار لكن غمضت عيوني وحاولت نستبعد الأفكار هذينا من بالي طلعت من الدوش وغيرت دبشي لبست توته ناااعمة نحبها هلبا وجففت شعري خشت عليا أحلام وفرخها حبيب خالته أدومي طبعاً هنا صح مش خواتي ايكونن بنات عمتي لكن عندي معزتهن نفس أميرة وأماني اختي وأكتر
أحلام : سااعة ليا نهدرز بعبايتي برا مطلعتي وينك ي عروس
أني؛ شنجوك والله ماحسيت بيك
أحلام تقلع في عبايتها وماشيه تعلق فيها : باهي ي حنه اللي واخد عقلك يتهنى
أني ماسكه أدومي ونضحك : ان شاء الله ي حنه
أحلام تواسي في روحها ع المرايه : قاعده مريم
أني : لا ع جيها أكيد ماشيه للمستشفى عندها مراجعه
أحلام وهيا طالعة من الدار واني وراها : ربي يسهلها
أني خشيت لصاله : السلام عليكم
كلهم : وعليكم السلام
أعميمه أمنه : كيف حالك ي نينا
أني قدمت ع اعميمه : الحمدلله بخير كيف حالك انتي
وسلمت ع أعميمه ناديةو قمعزت
أعميمة أمنه : صبن ي بنات ديرن حاجة دافيه فيها السقع
رفيف : باهي ي ماما هذا وين قعمزنا متقعدوش دقيقه بلا ماترحي هالمكينه
أعميمة نادية : مافيكن غير السان وقلت الحسان ي حنه
أني صبيت : هيا صبي ي نور سادك توا تنعمي تقعدي في رقبتي عمتي منها التلفون
نور صبت : لقيتيها الروحك ي فانص بعدين هي صبينا شن تبي
ماما : جيبن عالة الشاهي والفحم توا انديرو الشاهي والكاكوية هنا
واحني طالعين التخش مريم : مساء الخير
كلهم؛ مساء النور
ماما : خشي ي مرومه كيف حالك
أحني طلعنا للمطبخ اللي برا
مريم وهيا التسلم : بخير ي عميمة.. كيف حالكم انستونا
أعميمة أمنه : الله يأنسك كيف حال أنور وينه مال
مريم وهيا تقعمز بشوي : اه كويس الحمدالله توا يجي
ماما : شن قالتلك الدكتورة
مريم : لاعادي كشف وطلبت عليا راحة الشهر هاذا وبعدها عندي مراجعة الشهر الجاي
ماما : ربي ينوضك بخير ونفرح بصغااركم
مريم ابتسمت : أمييين يارب
أنور يكح برا : السلام عليكم
كلهم : وعليكم السلام
اعميمة نادية : وينك ي أنور لاتسلم عليا لاشي توا ترا فالح غير بعد اتشوف وجهي كنهذا مانشوفك ي حنه كيف انت كيف خوك باهي انقولو هذكا طول الوقت في طرابلس ربي يحميه انت شنو أنور يقدم ع أعميمة ويضحك : والله ي عمتي قلة فضوى
أعميمة نادية تضحك : قلة فضوى اييه طروحك ع غيري
اعميمة أمنه : سيبي الولد ع حاله وانتي متهني واحد
اعميمة نادية : وينك ي أنور لاتسلم عليا لاشي توا ترا فالح غير بعد اتشوف وجهي كنهذا مانشوفك ي حنه كيف انت كيف خوك باهي انقولو هذكا طول الوقت في طرابلس ربي يحميه انت شنو أنور يقدم ع أعميمة ويضحك : والله ي عمتي قلة فضوى
أعميمة نادية تضحك : قلة فضوى اييه طروحك ع غيري
اعميمة أمنه : سيبي الولد ع حاله وانتي متهني واحد
ماما : والله طول النهار طايرين اتقول خايفين ع تلج ايذوب
أنور صبى ورفع حاحبة لمريم بمعنى التصبي : هي نستأذن اني تصبحو ع خير
ماما : خيركم مزال الوقت
أنور؛ لاوالله اني تاعب خلاص من السبعة نايض
عمتي نادية : ربي يقويك ان شاء الله
أحلام : خليك ي مريم مزال حتى أميرة بتجي توا
مريم : بايتين انتم
ماما : اييه بايتين ي حنه مش تنزلي ي مرومة خطيوة خطيوة ع الدروج
مريم وهيا بتنوض وحاطة يدها ع بطنها ويدها التانيه ع الصالون مش التصبي : حاظر ي عميمة وطلعت
واني وطالعة من المطبخ ماسكة الصفره ورايا رفيف ونور : ي حليلي من بطة خويا وخلاص
مريم تضحك : خززي مش مني والله من خوك ولدة
نور عيطت : وووك عليا وخلاص من ولد خالي الصايع غير أمته أمته يااااربي
رفيف تضحك وتخبط ع رجليها : زول عزيز عليا ايصبي
مريم تضحك وهيا ماشيه بتركب؛ ي نينا ريهام كلماتك
أني :لالا من امس في ليل معاش كلمتني بعتلها توا امسكره أكيدة متعاركة مع مصعب كالعادة
مريم : ايييه اكيد
خشينا داخل.......