قاتّـل.

' حـائر '²

"بعض الأحاديث يجب أن تدور بينك وبين نفسك فقط.. لا يجب أن تخرج إلى العالم أبدًا."

...

_______
________________

" يوم طيب ان شاءالله " تمنى لهم نورمان يوم طيب وطلع من الصف بعد ما سحب كتابة ..

تنهد داخلياً من التعب يلي يحس بي بسبب غباء طلابه بس ماكدر يلومهم لانه مر بنفس شي تقريباً لهذا حاول ما يتذمر هواي ، نزل بخطوات مترنحة من الدرج وهو يدندن بأحد اغاني فيروز القديمة ..

" نورمان ؟! ، هذا انته مو ؟ "
وقف نورمان و ألتفت الجهة الصوت بأنزعاج

" اي اني ، تعرفني ؟ " سئل نورمان وهو يتفحص الشخص ..

" طبعاً اعرفك أني راني تتذكرني " قال راني وهو ينتظر جواب نورمان يلي ضل مصدوم اول ماسمع الاسم ..

" لا، ما اتذكر احد بهيج اسم أعذرني .. "
قال نورمان بعد دقائق و نزل بسرعة من الدرج بس للاسف راني كدر يلحقة بسرعه و يوكفه ..

" معقول ؟! لك اني راني صديق يوسف الي جنـ ... " ما كمل راني كلامه بسبب مقاطعة نورمان له وهو يدفعه ، " باوع لا اعرفك ولا اعرف يوسف ذاك لهذا عوفني بحالي " قال نورمان من بين اسنانه و التفت حتى يبتعد عن راني

" ادري بيك تتذكرني كلش زين لهذا بدون هل حركات اريد احجي وياك بموضوع ضروري " قال راني بعد ما مسك أيد نورمان
" احجي بسرعة عندي شغل و مو فاضي لك " قال نورمان و تكتف كدام راني " بمكان ثاني احسن " قال راني بعد ما التفت يمين و يسار ..

" و ليش مو هنا يعني ؟ ترى مالي خلك ادور لك مكان يناسبك حتى تحجي الي عندك .. " كالها نورمان بعصبية ، " تمام بس لا تتعصب هسه ، هاك رقمي و اليوم العصر ادز لك موقع فد كافيه حتى نحجي براحتنا " قال راني و حط ورقه صغير بيد نورمان جانت داخلها رقمه و اسمه الكامل ..

تنهد نورمان وهو يباوع للورقة و حطها ادخل جيبة
" اتمنى تكون سالفتك قوية حتى ما اتفل بوجهك بعدين من تكولي اياها " قال نورمان بأنزعاج واضح

" احسك راح تتفل بوجهي بالحالتين بس منك تكون عسل مو مشكله ، ديلا بعدين نتشاوف مع السلامة " قال راني وراح ما انطى مجال النورمان يرد بكلمة ..

...

واحد المدرسين طلب من نورمان يراقب احد صفوف الامتحانية بسبب انه ما يكدر راقبها وحده لهذا نفذ نورمان طلبة لان اصلا مجان عنده مجال للرفض ..
جانت عنده نظرة ثاقبة اتجاه الي يتحركون هواي بس ميكدر ينكر أنو ساعد كم طالب بيهم ..