" الَلـيِل طَوِيلٌ ونحن وحيديِنِ ، فكِّ وثاق ملابـسكَ ودعناَ نُطارح الغرام "...
30v + 150c
تجاهلوا الاخطاء...
___
____________كلهم كانوا متجمعين حول عثمان يلي كان يجرب ملابس نورمان و يحاول يتصرف مثله بس بدون اي فائده ..
" عثمان رجاءاً ثخن صوتك شويه و ارفعه اكثر نورمان ما يتصرف هيج ابد و عيونك لا تنزلهن .. "
نطق أياد و عبس عثمان يلي نزع الجاكيت و رماه بوجهم " يعني اذا نورمان عنده شخصيه زربه لازم اني هم اصير مثله ؟ " ختل بسرعه وره سراج بسبب نورمان يلي كام من مكانه حتى يضربه " لك عار منو عنده شخصيه زربه يا خرا ، هدوني عليه اشوه وجهه الحلو يلي نسخه عن وجهي " قلب كل من تيسير و سراج عيونهم بسبب كلام نورمان يلي كان يتغزل بنفسه بشكل كلش صريح .." صلي ع النبي و عوفه مو وكته ، ثواني " نطق أياد بس ابتعد من موبايله دك و دخل للبلكونه حتى يحجي براحه ..
بينما الباقين كانوا ينطون نصايح لـ عثمان حتى يقوي شخصيته مثل نورمان و يتصرف مثله ..بس فجأة تفرقوا من الباب دك ، توجه نورمان ناحيه الباب و باوع داخل العين السحريه و جفل من شاف أدهم و التفت ناحيتهم " كلكم للحمام بسرعه ! "
تحركوا بسرعه ناحية الحمام بدون لا يعرفون شنو السالفه بالضبط ناسين أياد يلي كان بالبلكونه ..رتب نورمان شعره و فتح الباب و رسم ع وجهه ابتسامه تسليكيه ، كان راح ينطق بـ شي بس تفاجئ من أدهم حضنه بشكل قوي و دفن وجهه برقبة نورمان العاريه بدون لا ينسى انو يستنشقها ..
" تعبان حيل و طكت روحي من الدنيا نورمان " كال أدهم ودخل بدون لا يفصل حضنهم ..نورمان بدوره ما كان يريد يفصلها بس انجبر حتى يدخلون للصاله ..
كعد أدهم ع احد الصوفات و كانت مقابيل البلكونه و رجع سحب نورمان لحضنه بادله الحضن و تنهيده عميقه طلعت منه من راسه استقر ع كتف أدهم العريض ..
" تكدر تكولي شصاير ؟ .. " نطق نورمان بعد صمت دام بينهم لمدة مو طويله ..
" سعد و سوالفه ابد ما تخلص.. " نطق أدهم و ضحك نورمان ع نبرة صوته " صار شي اقوه من هيج اكيد "
قلب أدهم عيونه ونطق " مصار بس راح يصير و باجر لازم اروح الصبح حتى اچييك الكاميرات بالممرات "
حس نورمان كأنوا مي بارده انصبت فوكاه و ابتعد بسرعه عن حضن أدهم يلي هو بدوره انصدم .." كاميرات مال شنو؟ " غمض نورمان عيونه من سمع رد أدهم " كاميرات المراقبه مال مدرسة .. " كان نورمان يحاول ما يبين الهلع بصوته " و شمعنى انت لازم تروح تچيكها ؟ "
أنت تقرأ
قاتّـل.
Actionالعلاقة التي تبدأ بكذبه تنتهي بجريمة قتل. ' شنو السبب يلي خلاك تقتل هذا الكم الهائل من الناس ؟ ' ' أستهلاكهم للأوكسجين كان يزعجني.. ' - تحتوي على علاقة مثلية جنسية و ألفاظ سوقيه قد لا تناسب البعض..