قاتّـل.

' هديـة '¹³

" لأننِي وَجَدتُ بكَ نفسي لم ألتَفت لغايةٍ سواكَ "
...

تجاهلوا الاخطاء ..

_______
________________

صوت المحقق الوحيد كان مسموع داخل الغرفة غير عن رفسه للطاولة يلي متوسطه الغرفه بكل مره ما يسمع بيها جواب يعجبه ..

" اني هنا اريد تكول الصدك وبس !!! غيرهاا ما اريد لهذا ارجع و اسئلك تعرف احد من هذول يلي بالصور؟؟ " صوت المحقق كان حاد بسبب العصبية و هاي غير عن جواب نورمان البارد ..
" ارجع و اكول ما اعرف احد و اساساً مدا اعرف اني ليش هنا تريدني اعرف هذول منو لخاطر الحمزه " نطق نورمان و غمض عيونه فجأة بعدما ضرب المحقق الطاوله كدامه بقوة ..

" ما مسموح لك تنطق بشي غير جوابك هنا فهمت؟! " نطق المحقق و فتح اول زر من قميصه حتى يكدر يتنفس عدل
" يعني حتى ما مسموح لي ادافع ع نفسي ؟ " سئل نورمان و التفت له المحقق بحده " هذا شغل المحامي مو شغلك " تأفأف نورمان بصوت مسموع وحط راسه ع الطاوله و بنفس اللحظه سمع صوت الباب ينفتح و دخلوا منه ثلاث عسكرين ..

" اخذوه للحجز " نطق المحقق و طلع من الغرفه بينما نورمان انسحب من العسكرين ..
اثنين منهم كانوا واقفين بصفه بينما واحد وراه و بيده سلاح من نوع M4 ..

توقع نورمان انهم راح يحطوه بحجز انفرادي بس تفاجئ من شاف اثنين كاعدين بنفس الزنزانه يلي مفروض ينحجز بيها ..

دفعوه داخل الزنزانه و قفلوها و طلعوا عدا واحد منهم يلي كان حامل سلاح وياه ضل واقف بشكل عكسي و منطيهم ظهره كانه روبوت ..

تنهد نورمان و كعد بالكاع و حط راسه بين رجاله وهو يفكر بلي راح يصير له لان هيج تهمه ممكن تخلي ينسجن اكثر من ٥ سنوات ! ..
رفع راسه بعدما حس باحد ينقر ع كتفه بشكل لطيف ، شاف واحد من المحتجزين وياه يمد له مخده صغيره حتى يكعد عليها كون الكاع بارده وصلبه و ممكن تأذي اذا ضل كاعد عليها لهذا اخذها و شكره بهمس و كعد فوكها ..

" شني تهمتك ؟ " سئل الشاب و كعد قرب نورمان يلي رفع كتفه بمعنى ما يدري ..
" المفروض تأييد نظام السابق بس مدري اي واحد بالضبط .. " نطق نورمان و عقد الشاب حواجبه باستغراب و عدم فهم ..
" عجل ليش جابوك هنا ؟ " نطق الشاب و بعده مستغرب من يلي سمعه
" اني هم مدري .. " سكت نورمان و كذلك الشاب ومحد منهم نطق بشي لمدة قصيرة الى ان قاطع هدوئهم الشاب الثاني يلي كان موجود من بدايه ..

قام من مكانه و كعد بصف نورمان من جهه الثانيه و كان واضح عليه انه مو بكامل وعيه ..
" احس شايف بمكان وجـ وجهك ابداً مو غريب" نطق الشاب وهو يتفحص وجه نورمان يلي بدوره حاول يبتعد عنه شكد ما يكدر ..
غمض عيونه بتقزز بعدما حس بأيده تتحس كتفه صعود و نزول ..