قاتّـل.

' ماضـي '⁴

" ‏انتِهت‌ القصّة انَت رحَلت‌ واَنا لمّ ‌اعُد كما كنْت "

...

' تيسير ⬆️ '

_______
________________

نورمان جان يفتر بالمدرسه و محيطها بأمر من أدهم حتى يتأكد محد طالع من الدرس او يحاول يهرب من المدرسه و يطفر من فوگ السياج ..

تنهد نورمان وهو ينزل من الدرج بس وكف بعد ما شاف علي و أبوه جاي يتناقشون بصوت شويه مسموع نهاية الدرج ..

فضل نورمان يبقى فوگ حتى لا يقاطعهم ولا يسمع شي لان ممكن يكون حديثهم عائلي ما يريد يكون متطفل عليهم لهذا انحسب نورمان بهدوء و وكف وره الحايط قريب عن الدرج و سحب موبايله من جيبه يحاول يشغل نفسه عنهم ..

" علي رحمة المحمد ما مليت من السادس ؟ هاي ثاني مرة تعيد السنة و بعدك على نفس المستوى ما تريد تطلع منها و تخلص نفسك و تخلصني وياك ؟ " صوت ابو علي جان عالي شوية خلت نورمان يسمعه

" الصراحة لا، جماعتي كلها وياي لهذا بعدني ما ملان " كال علي و سكت بعد ما شاف ملامح ابوه الي تغيرت

" لك ناوي تخبلني انته !! ابني جماعتك ما تفيدك تلكه غيرهم من تروح للجامعه هناك الحياة غير ، راح تشوف اشكال تتفل على نفسك لان ضيعت سنة من حياتك و ما شفته " كال ابو علي و حاوط كتف أبنه

" تمام لعد راح أفكر بالموضوع " كال علي و قاطعه ابو
" أبن النعال شتفكر ؟ هو الموضوع يحتاج له تفكير ؟ لك من جنت زعطوط خابصني راح تصير مهندس شبيك هسه شناقصك حتى ما تصير نعال مهندس " كال ابو علي الي فقد أعصابه اخيراً بسبب ابنه المستهتر ..

" الله كريم يابه ترى بعدنه بداية السنة وين الوزاري وين اني " كال علي و أستند ع الحايط وراه
" علي شوف اذا ضليت على هذا المستوى مالتك أقسم بالله ارجع أدزك الامك بكيفك بعد ، وهسه عندي شغل يلا وخر خلني اروح" كال ابو علي و تحرك من مكانه تارك وراه علي المصدوم

" بابا !! اصبر احنى ما اتفقنا هيج " كال علي و لحك ابوه بسرعة ..

نورمان الي سمع كل شي بسبب صوت مناقشتهم العالية ، تنهد و التفت حتى ينزل من الدرج بس أنضرب بشخص خلته يرجع خطوتين وره ، رفع راسه حتى يشوف بمنو انضرب وجان للاسف هذا الشخص هو علي ..

" شعندك ضام روحك هنا يحلو " كال علي و رفع حواجبه ناحية نورمان يلي باوع ع كل شي حوله الا ع علي..

" جاي اتشمس، وخر منا " قال نورمان و دفع صدر علي يلي اقترب منه شويه
" اصلا اليوم جو غايم منين الشمس و اصلا قحط مكان تتشمس بي ؟ " كال علي و اقترب اكثر