الفصل الأول
هل سأظل هكذا لما حياتي انقلبت رأسا علي عقب لما كل هذا يحدث معي لما أفقد كل شئ هكذا بدون سابق إنذار انه نصيبي لا يجب أن أقنط فربما ما ينتظرني أفضل ربما يكون تعويض من الله علي ما صار معي لا يجب أن أجزع انما أصبر وأحتسب مثلما علمني أبي العزيز و آاااااه كم أشتاق لكم ولكن الحمد لله فلكل شئ سبب وأنا يالله أنتظر الأحسن.....
سامية:حورية يا حبيبتى يالا قومي علشان تلحقي الكلية بتاعتك يا ماما
حورية: أنا صاحية يا ماما صباح الخير
سامية:صباح الفل والياسمين يا قلبي يالا هانت كلها السنة دي وتخلصي من قرف الكلية دي
حورية:آه والله يا ماما الواحد زهق ولا كلية مفيش فيها حد نكراش عليه
سامية:قومي يا زفتة قال نكراش قال واحدة فاشلة يكشي سليم يسمعك كان موتك
حورية:لا وعلي اي الطيب أحسن يالله أقوم أفطر أنا بقا
*علي الجانب الآخر *
يستيقظ هذا الوسيم ينظر للسقف. ويحدث نفسه
أنا لازم أرجع كفاية بُعد لحد كدا لازم ادور عليها خلاص مش قادر أنا منزلتش 10سنين صح كانوا كلهم بيجبوا يزورني بس كفاية كدا
Flash back
آدم:ما أنا لازم أسافر علشان أكمل دراستي هناك يا رورو وهرجع تاني
رورو:يعني خلاص هتسافر مش اشوفك تاني
آدم:لا لا أكيد هاجي وهاشوفك وهكلمك متعيطيش يا أميرتي ويالله ارفعي شعرك هلبسك السلسلة بتاعتك
حورية السلسلة اللي عليها حرفك
آدم:آه معقول أميرتي تطلب حاجة ومتجيش دا أنا أجبلها عيوني
حورية:هييييييي خلاصى مش تتاخر بقا صح
آدم :صح مش هتاخر علي أميرتي
End Flash back
آدم:وحشتيني جدددا يا تري شكلك إي دخلتي هندسة زي ما كنتي عايزة ولا تجارة زي ما انا كنت عايز وبتعملي اي دلوقتي...
*نرجع لحورية*
يجلسون يتناولون الطعام
سليم:ها يا حورية عاملة أي في الكلية
سارة:هههه أكيد الكلية حلوة صح يا حوحو
حورية:آه ياختي حلوة اوووي وبعدين متقولش حوحو دي تاني ماشي
سليم:ليه بس دا حتي جميل اوووي يا حوحو
حورية:لا مش حلو يا بابا سكتهم
جابر:خلاص يا ولاد مينفعش البرنسس حوحو قصدي حورية تطلب حاجة ومتنفذش
حورية:حتي انت يا بابا عاااااااا
جابر:خلاص نشوف حاجة تانية
سارة :ما هو مينفعش حاجة تانية غير حوحو يا حوحو
حورية:يا بابا بقا هقوم مش هأكل
سليم:خلاص نقول رورو
حورية:لا وحش مش عجبني
سارة:لا حلو رورو ولا حوحو هااا
سليم:خلاص نقولها رورو وبعدين يالله اتأخرتي علي الكلية بتاعتك يالله هوصلك
حورية:يا سوووولى يا جاااااامد هتيجي علشان تتعاكس
سامية باستغراب:لا والنبي يتعاكس
سارة:آه والله وانتي الصادقة دول بيتحرشوا بيه
سامية:هي وصلت لكدا دا أنتم جيل منيل بستين نيلة على دماغكم
حورية:يالله يا مز المزامييييز
سليم:بت انتي انتي متأكدة أنك في كلية وكدا ولا اي نظامك يالله هتتاخري
حورية :بس متزوقش وبعدين متقولش يا بت دي
سليم:حورية اخلصي
حورية:ما يالله يا بني واقف ليه الله قاعدة بقالي ساعة بقولك يالله يا سليم تقولي استني شوية
سليم:طب يالله مش بناخد منك حق ولا باطل
ذهب سليم هو وحورية
جابر:الحمد لله انها رجعت تتكلم زي الاول
سامية:لازم تفرح شوية كفاية اللي هي شافته مكنش قليل خالص الحمد لله
سارة:لا يا ماما حورية شكلها في حاجة عايزة تنفذها
ومش هترتاح غير لما تعملها
سامية:ان شاء الله خير مفيش حاجة
سارة :أتنمني والله يا ماما
*في فيلة الأسيوطي*
سليم اي يا احمد مالك مبسوط كدا خير اي اللي حصل فرحنا معاك يا بني
أحمد:آه والله يا بابا مبسوط اووي كنت لسه بكلم آدم وقال إنه هينزل وأخيرا
ابتسم سليم:بجد اومال كنت بكلمه أول إمبارح محبش سيرة يعني
أحمد:هو لسه وأخد القرار دا النهاردة وقالي وأنا بكلمه
سوزان زوجة أحمد:هايجي اومال مين هيدير الشركات اللي بره لو نزل
سليم:أنتي كل همك الشركات ومش همك أنه هينزل بعد غياب
سوزان:لا يا عمي أكيد يجي بالسلامة
أحمد:يا رب اومال زين و رامي فين
سليم:زين لسه في المستشفى والأستاذ التاني الله أعلم بيتسرمح فين محدش عارف هو هنا ولا لسه بره
سوزان:لا يا عمي هو نايم لسه
أحمد:ومش بيقوم ليه من بدري زي البني آدمين ولا لأ آزاي واحد مش مسؤول ولا عمره هيتعلم ولا حتي هيبقي نص أخوه
سوزان : ان شاء الله هيعقل يا حبيبي يالا اتأخرت على الشركة ولا مش هتروح
أحمد:لا انا قايم اهوووه محتاج حاجة يا بابا
سليم:لا تسلم يا بني
*نرجع لآدم *
آدم:أيوة هننزل مصر مش كنت بتقعد تزن على دماغي مش عايز تنزل ليه دلوقتي
إياد:آه كنت بزن بس دلوقتي هرجع ليه بعد ما هي ماتت وحتي بابا وماما ماتوا وسبوني أنا كدا كدا وحيد
آدم:وحيد اي يا حمار انت اومال أنا فين أنا أخوك وأبوك بس مش أبوك اووي يعني عايز تكبرني يا جحش
ضحك إياد بشدة علي تعابير وكلام صديقه
إياد :لالا انا كدا هأخد جائزة نوبل أني خليت الصقر يضحك كدا هتغر
آدم وهو يحتضنه يعلم أن صديقه وابن عمته يتألم فهو يتألم نفس ألمه فهو أيضا فقد أبيه وأمه مع عمته وزوجها في حادث أثناء عودتهم من الحج
آدم:لا يا خويا متتغرش ولا حاجة ها هتتنزل ولا لأ
إياد:خلاص يا سيدي هنزل معاك هقعد هنا أرازي فمين هنزلمعاك وأمرى لله
*دق باب المكتب*
إياد: يالهوووي أنت بتتحمرش بيا ولا اي
آدم:اخرس يا حيوان...... اتفضل
سمر:الإجتماع يا فندم كمان نص ساعة ودي الملفات اللي حضرتك طلبتها
آدم:خلاص تمام يا سمر روحي بقا انتي حضري شنطتك لأنه هننزل مصر بكرة
سمر :بجد يا مستر
آدم:في اي يا سمر وأنا من امتي بهزر
سمر :أسفة يا مستر
آدم:اتفضلي
إياد: في أي يا آدم ما براحة
آدم:غور يالله يالا حضر شنطتك وابقي شوفها كدا
إياد:طيب روق كدا الله ف اي
آدم:هتمشي ولا
إياد:لا لا همشي
آدم: جبان
إياد:ابقي جبان ولا اتهان
آدم: طب يالله ورينى عرض كتافك
ذهب إياد وأغلق الباب ثواني وعاد مرة أخري
إياد:هااااا عجبك
آدم بإستغراب: هو اي دا اللي عجبني
إياد :عرض كتافي
أمسك آدم كوب الماء وكاد ان يسكبه عليه إلا أنه غادر سريعا وهو يضحك
ابتسم آدم علي إياد وما يفعله:طب والله الواد دا مجنون
قولي رايكم يهمني
بقلمي (أسماء عادل الليثي)
