الفصل السابع
ذهبت كل من حورية و روان الشركة
روان: حورية أنا خايفة أدخل وتعالي نروح
حورية بسخط: ما تخلصي يا زفتة نروح اي وبتاع اي هندخل يعني هندخل احنا مش جاين نلعب يا روان في اي انا كان هيحصلي حاجة لو مجتش الشركة دي وبعد ما قدرت ادخلها فحضرتك بقا تيجي تقوليلي مندخلش بالسهولة دي
روان: خلاص خلاص هندخل براحة شوية وبعدين هموت واعرف ليه الشركة دي بالذات هااا ليه
حورية: في الوقت المناسب هتعرفي وبعدين مهما حصل جوا اوعي تخافي وجمدي قلبك
روان بخوف من القادم : وانا هخاف من اي يعني وبعدين ما انتي معايا اهووووه
حورية: اه انا معاكي في نفس الشركة بس احتمال منبقاش مع بعض في التدريب يعني انا هدرب عند واحد وانتي عند واحد تاني فعلشان كدا بقولك متخافيش وافتكري دايما انها فرصة واحدة قدمنا
روان: خلاص تمام ان شاء الله خير ويطلع جان كدا وميعملش حاجة معانا ولا يضيقنا
حورية بتامل: يسمع من بوقك ربنا
روان: اي دا مش دا العميد
حورية:هو لحق يتكلم معاه اكيد هيخليه يشد علينا او عليا انا بالاخص لاني مشيت بدماغي ومسمعتش كلامه
محمود: ها يا حورية جاهزة ولا لأ
حورية بثقة:أكيد جاهزة
محمود: طيب اتفضلي يالله بالتوفيق
حورية: ميرسي لحضرتك
محمود: حورية
حورية: نعم
محمود: مش عايزة اسمع انك بتشغبي او مش بتسمعي الكلام وافتكري دايما انك في شركة مش في مدرسة واي غلطة ممكن تضيعي بها مستقبلك المهني قبل ما يبدأ وافتكري انك في شركة الأسيوطي يعني الغلطة بجون زي ما بيقولوا وهتلاقي اعداء ليكي كتير انا مش بخوفك انا بقولك علي الي هيحصل والكلام ليكي انتي كمان يا روان مش ليها بس خدوا حذاركم لانهم هيحولوا يوقعوكم مش بقول علي المدير وبس هتلاقوا موظفين كمان مش هيحبكم وانتوا اول ناس تتدرب في الشركة ناس كتير كان نفسها في الفرصة دي
حورية و روان: حاضر يا دكتور
محمود: يالله بالتوفيق
روان وحورية: شكرا لحضرتك
تركهم محمود وغادر جعل كلا منهم تعطي مساحة لنفسها في التفكيرفي مستقبلها بالطبع روان تفكر في ذلك ولكن حورية ايضا تسعي للانتقام فهل ستتحمل كم الضغوطات التي ستُحمل علي عاتقها ام لا هذا ما فكرت فيه حورية
حورية في نفسها : يارب أنت المعين يارب سهلي الامور واختر لي ولا تخيرني
__________________________________
في احدي شركات مدحت الصياد
مدحت: في اي يا علي الصفقة الجديدة فيها حاجة ولا اي مال وشك مخطوف كدا
علي: لا يا فندم مفيش فيها حاجة بس تقريبا مش هترسي علينا انه احنا اللي نخدها
مدحت باستعراب: ودا ليه يعني طالبين فلوس زيادة ولا اي هيطمعوا
علي : لا يا فندم مش كدا
مدحت بزعيق: جري اي يا علي هو انا هسحب الكلام منك ولا اي متقول في اي وخلصني
علي : آدم الاسيوطي
مدحت : اوعي تقول انه رجع
علي بخوف مما سيقوله: ايوه يا فندم وكمان داخل قصدنا في الصفقة الجديدة
مدحت: يعني اي الكلام دا انت لازم تاخد الصفقة دي باي طريقة هي اللي الكبير مستنيها مضيعهاش من ايدك انت فاهم ولا لأ ليضيعنا كلنا هو مبيرحمش
علي: حاضر هه
هعمل اللي اقدر عليه
مدحت: ماشي
ظل مدحت يفكر في عودته لما عاد مرة اخري فانا كدتُ أُمسك زمام الامور فكان هذا السوق كله سيكون في يدي ....... بينما هو غارق في افكاره يدخل عليه ابنه ياسر
ياسر: صباح الخير يا بابا
مدحت: صباح الخير يا حبيبي
ياسر: مالك يا بابا في اي وشك اصفر ليه كدا
مدحت بكذب فهو لا يريد ان يخبره: مفيش مصدع شوية بس المهم عامل اي في الكلية
ياسر: اهوووووه الحمد لله ماشية
مدحت : طيب روحت ولا لسه
ياسر:لا لسه قولت اعدي اشوف حضرتك مشيت ولا لا اهووه نروح نتغدي سوا
مدحت : طب يالله قوم خلينا نمشي
