الفصل الثاني
ممرض: دكتور في حالة جايه ومفيش غير حضرتك هنا
زين:حاضر يالله
*في الممر*
زين:بسرعة علي أوضة العمليات بينزف كتير
دخل زين لإجراء العملية
سامية:ابني حبيبي فيه اي قوليلي يا سارة
سارة ببكاء:اهدي يا ماما هو أكيد هيبقي كويس
حورية:اهدى بس انتي وبطلي عيط هو كويس
خرج زين من العمليات
سامية: قولّي يا بني ابني ماله في أي
زين :اهدي يا أمي هو كويس بس كان واخده رصاصة ف كتفه لازم يرتاح مش أكتر ويأكل كدا كويس
سامية بتاتاه:هو ك كويس يا بني
زين:يا حبيبتي هو كويس خالص نياله عنده أم خايفة عليه كدا
سامية:اومال يا بني لو مكنتش هخاف عليه هخاف علي مين
سارة:جري اي يا ست ماما واحنا فين يعني
سامية:اتنيلي انتي كدا ما انتي قردة اهووه
سارة:الله أكبر الله أكبر
زين بضحك:ربنا يباركلك فيهم يا أمي
سامية:ويبارك فيك يا حبيبي
سارة:ممكن ندخل
زين:هو هيتنقلأوضة عادية بس الأول وبعدين تقدروا تشوفوا وألف سلامة عليه
سامية:الله يسلمك يا بني
زين :تسلميلي بس ممكن طلب صغنن
سامية بضحك:اتفضل يا صغنن
زين بإحراج:هو ممكن بس تسمحيلي احضنك لانه حضرتك شبه ماما اووي وهي وحشاني
سامية وهي تحتضنه: تعال يا حبيبي هي مامتك مسافرة ولا اي
زين : لا يا طنط هي تعيشى انتي
ارتجف زين بين يديها فحست بيه وربطت علي كتفه ربنا يباركلك يا حبيبي
سارة :يا للخيانة أين أنت يا أبي
سامية:اخرسي يا حيوانة
زين:تقدري تدخلوا يا أمي
سارة:سوووولي
سليم:يا قلب سولي
قامت باحتضانه أمسكت بها سامية لتبعدها
سامية:أوعي يا مقصوفة الرقبة أنتي
سارة:يوووه يا ماما الله بقي
سامية وهي تحتضنه :مالك يا حبيبي أنت كويس
سليم:الحمد لله بخير يا حبيبتي وبعدين دي مش أول عمليه اطلعها واتصاب
سامية تلتفت لحورية
سامية:مالك يا حورية من ساعة ما إحنا جينا وأنتي ساكتة
نظر لها سليم
سليم:تعالي في حضني
حورية وهي تحضنه: كدا يا رخم تقلقني عليك
سليم:خلاص انا كويس اهووه قدامك
حورية بدموع:انت كويس يعني
سارة:لا والنبي بتعيطي دلوقتي ما أنتي كنتي بره بتجعري هو كويس يا سارة متعيطيش بت غلثة
حورية بتمسح وشها: اجعر وغلثة دا أنا هعمل منك بتاتس محمرة
سارة:اسكتي اسكتي
سليم:خلاص اسكتي انتي وهي
سارة:اتفضل يا دكتور في حاجة
التفتوا له وجدوه مصدوم مندهش تعبير وجه غير مفسرة ينظر لحورية نظرة غريبة
نظر زين لحورية: لا لا مفيش حاجة جاي بس اطمن علي الكابتن
سارة :اتفضل
كشف زين علي سليم طوال هذه المدة ظل ينظر لحورية كثير ونظرات غريبة لحظت حورية نظراته فقامت لتخرج
حورية:ماما هخرج شوية وجاية تاني تمام
سامية : ماشي يا حبيبتي
*نروح لسوزان*
سوزان :انت مش ناوي تتلم بقا وتعقل وبلاش القرف اللي أنت فيه دا
رامي :اي يا ماما انا بعمل اي يعني
سوزان: عجبك اللي انتي فيه دا بترجع وش الفجر وبتضيع الفلوس علي البنات وحاجة آخر زفت علي دماغك
رامي:والله انا حر دا مصروفي أتصرف فيه زي ما أنا عايز
سوزان: اه لا والله طب احترم نفسك علشان جدك علي آخره منك ومن قرفك خليك زي أخوك أو ابن عمك
رامي:لا أنا مش زي حد أنا بعمل اللي ف دماغي وبس
سوزان :اما اشوف هتتعدل ولا لأ لو متعدلتش هخلي عمي يسحب منك كل حاجة أنت فاهم ولا لأ
رامي وهو يغادر:لا
سوزان : واحد مستهتر
