الرابع عشر
أحمد: حورية يا بنتي
انتبهت حورية اليه : نعم
أحمد: قومي يا حبيبتي ادم وسمر طلعوا فوق وادم بنادي عليكي من زمان
حورية: اي انا مطلعتش
أحمد: لا يا بنتي شكلك سرحتي وانتي قاعدة
حورية: اه ماشي هقوم اهوووه
مايا: اه قومي متحلميش بيه وانتي صاحية
ذهبت حورية ولم تعطي لها انتباه
حورية تسير وهي مصدومة: معقولة كل دا حصل في دماغي انا مقولتش انا لسه مخلصتش من الحمل دا انا مش قادرة خلاص صحيح سمر عرفت بس مش هتقول انا نبهت عليها بس انا ازاي سرحت كدا طب
هقول اي لو سال علي حور انا مش قادرة استوعب طب هعمل اي دلوقتي يارب يارب مش قادرة
ادم: اتاخرتي ليه يا حورية
حورية: معلش يا ادم
سمر: خلاص ولا يهمك
ادم: حورية تعالي اقعدي
حورية: حاضر في اي
ادم: بصي يا حورية سمر عارفة كل حاجة وعارفة انه جوازنا علي ورق ووانا حكيت لها كل حاجة لانها هي وحور مكنش مجرد صحاب كانوا اكتر من اخوات
حورية: اه اكيد سمر قالتلي
سمر: ايوا يا ادم احنا اتكلمنا في المول في الموضوع دا وعرفتها اني عارفة
ادم:طيب دلوقتي ممكن تقوليلي حور فين الست قالتلي انه لما
حورية مقاطعة اياه: ايوا يا ادم انا مش اتكلمت انا وانت في الموضوع دا وقولتلك بطل تفكير في الموضوع
ادم بزعيق: ابطل تفكير فيها ازاي انا ضحيت واتجوزتك علشان اشوفها كنت زي الغريق اللي متعلق في قشاية وكنت منتظر اي خيط امسك فيه
وانتي تقوليلي ابطل افكر في الموضوع
سمر: ادم اهدي مش كدا
ادم: اهدي اي ها اهدي اي انا لو مشفتهاش هموت
ليه مش مستوعبين اني عايز اشوفها هااا
حورية: انا مليش دعوة باللي انت بتقوله دا
ادم: سمر اخرجي برة ولا اقولك تعالي انتي
ذهب ادم وجر حورية خلفه بكل غل وكره لها ولكن عندما وصل امامهم تملك نفسه
سليم: رايح فين يا ادم
ادم: هخرج يا جدو انا وحورية شوية
زين: والعة معاك يا باشا اخرج وانبسط نظر له ادم بتوعد هذه النظرة اخافت زين
زين: اسفين يا باشا
احمد: ههههههه مالكش اللي هو
سليم: متتاخرش يا حبيبي
ادم: ماشي يا جدو
سمر: اياد وقفه متخلهوش ياخدها ويمشي
اياد: ليه حصل اي سبيهم يخرجوا
سمر: هو مش هيخرج اكيد هياخدها في شقته
اياد: ليه
سمر: الحقه بس وبعدين هقولك
اياد: ادم خليك نناقش الصفقة ونشوف هنعمل اي وبعدين ابقي اخرج براحتك
ادم: لا هناقشها في وقت تاني ماليش مزاج دلوقتي
اياد:طب يا ادم ....
لم يكمل اياد حديثه فتركه ادم وذهب وهو يمسك يد حورية
------------------------------------------
اياد: سمر تعالي في اي
سمر: نفس الموضوع يزعق فيها ومش ناوي خير
اياد: طب والعمل
سمر: مش عارفة
إياد: فكري معايا كدا هي في اي عايزة تحميه وفي
اي مش راضيه تقوله علي مكان حور
سمر؛ مش عارفة والله يا اياد
إياد: معقول تكون هي اللي بعته الست وهي اللي بعتاها
سمر بسرعة: لا معتقدش يا اياد هي هتعرف حور منين
اياد: انا احتارت مش فاهم حاجة ولا فاهم اللي بيحصل فيه
سمر: ربنا يعدي الموضوع علي خير يا اياد وميعملش
فيها حاجة
إياد: يا رب
-----------------------------------
سامية: تفتكر حورية هتعمل اي هتقوله
جابر: معتقدش هتقوله دلوقتي
سارة: بس يا بابا مش هتقوله ليه
جابر: لانه مفيش حاجة لحد دلوقتي حصلتله تخليها
تقوله هي مستقوية انهم ساكتين
سليم: بس يا بابا هيبقا خطر عليها هي منشفة دماغها مش عارف جايبة الدماغ النشفة دي منين
جابر: هي صحيح مش بنتي بس خدت مني وهي كلها جدها سليم
سامية بانفعال: جابر حورية بنتي وهتفضل بنتي حتي لو مش انا اللي ولداها وهتفضل اخت سارة وسليم
جابر: خلاص طيب براحة انا قولت حاجة هتفضل بنتي يا ستي وبنتك كدا تمام
سامية: اه تمام
سليم: فكي بقا يا ماما واضحكي خلي الدنيا تنور
سامية بضحك: اسكت يا بكاش بياع كلام زي ابوك
جابر بضحك: لا اله الا الله هو جابر اتكلم دلوقتي
سامية: من غير ما تتكلم هو بكاش زيك بالظبط
سارة: طب خلاص متمسكوش في بعض
جابر يتحدث بحنان: لا انا مقدرش امسك فيها دا هي اللي محليه حياتي مهما اعمل فيها كانت خير سند ليا وجهنا كل حاجة مع بعض ربنا كان دايما بيقف جمبنا
والحمدلله ربنا يخليها ليا ويباركلي فيها يارب
سامية بحب: ويخليك يارب يا ابو سليم ويباركلنا فيك ومتحرمش منك ابدا
سليم: اي دا اي دا هتتغزلوا في بعض واحنا قاعدين
ولا اي عيب
سارة : لا يا سليم كدا ميصحش نقعد ونكون عزال
سامية: اختشي يا بت منك ليه
ضحك جابر علي زوجته واولاده
ربنا يبارك في حياتكم يا حبايبي ويخليكم ليا ولاختكم يا تري هي عاملة اي دلوقتي ومبسوطة ولا زعلانة يارب قلبي مقبوض عليها
سامية في نفسها: ياااارب انت اللي عالم بحورية يارب احميها انا حاسة انها فيها حاجة انا صحيح مش امها اللي ولدتها بس بحس فيها
الام مش هي اللي بتولد الام هي اللي بتربي
------------------------------------------------------
أخذها ادم الي شقته وهو لا يري امامه فكم يريد ان يفتك بها الان ادخلها الي الشقة ورمي بها علي المقعد
ادم: بصي بقا براحة كدا وتحكيلي كل حاجة وانتي مين وعايزة مني اي وحور فين ودي اهم حاجة عندي حور فين
حورية: معرفش حاجة عن حور دي معرفش حاجة عنها وقولتلك قبل كدا
ادم يحاول ان يتمالك اعصابه: لا انتي عارفة حور فين قوليلي احسن ما اعمل حاجة اندم عليها
حورية: صدقني مش عارفة
امسك ادم بها ظل يهز بها بعنف ويصرخ بها : انطقي
حور فين هاااااا انطقي اياكي تكذبي
حورية: معرفش صدقني معرفش
ادم امسكها ضربها بقهر وعصبية: لا انتي عارفة انا مش بعد ما اجازف واتجوزك في التخر تقوليلي معرفش انا هقتلك وظل يضرب فيها بدون رحمة انتفخت عيناها وصار وجهها احمر من كثر الصفعات
ادم: انا هحبسك هنا لما تعرفي ابقي قوليلي مش هتخرجي من هنا مفهوم
كانت حورية تهز راسها فقط هي لم تكن في وعيها احدث هذا بها هل ضربها هل هذا هو حبيبيها ولكن له العذر فيما فعل لم تعد تقدر علي الحركة والان سيحبسها هنا لا فهي لابد ان تكون معه لكي تحميه
