الفصل الثامن
سليم: اي يا احمد آدم مجاش ليه لحد دلوقتي اتاخر اووووي مش بالعادة يعني
أحمد: والله ما اعرف يا بابا بس لما كنت هناك كان عامل نقره بنقر البت اللي بتتدرب هناك
سليم باستغراب: ازاي يعني في اي
احمد : حاضر هقولك
Flash Back
حورية: لو سمحت انا عايزة اخد وقت راحة
آدم ببرود: لا مينفعش
حورية : ودا ليه ان شاء الله
آدم: هو كدا
حورية: طب وبالنسبة للاخت اللي جعانة دي
آدم باستغراب: وهي مين دي اللي جعانة
حورية ببرود: بطني بطني جعانة اللى هو كناية انه عايزة اكل فهمت ولا اشرح اكتر اظن فهمت يعني
آدم: مش هتروحي غير لما تخلصي الملف دا الاول ويالله اتفضلي كل دا من وقتك
حورية بامتعاض: طيب جاتك شكة في معاميعك
سمعها ادم حاول ان يكتم ضحكته: نعم عالي صوتك مشمعتش بتقولي حاجة
حورية بغيظ: بقول لا اله إلا الله... هكون بقول اي يعني مش بقول
آدم: اه ماشي اصل فكرت سمعت حاجة
حورية بصوت منخفض: يكشي تسمع الرعد في ودانك وانت بتسمع دبة النملة كدا
كل هذا يحدث تحت نظرات أحمد الجالس امام ابن اخيه يتناقشوا في صفقة ما
احمد بهمس: البنت دي دماها خفيف اوووي انا حبتها اووي على فكرة قمر ما شاء الله
آدم: اه قمر بالستر يا عمي
End Flash Back
سليم: يااااه اهي البت دي نفسي اقعد معاها حتي زين بيشكر فيها
احمد: شكلها كدا هتربي لادم العصبي والله
سليم: وآدم مش هيقدر يطردها وخصوصا انه محمود بنفسه موصيه عليها
احمد: ايوه فعلا ربنا معاه بقا
سليم بضحك: يارب
-----------------------------------------
زياد: وحورية اخبارها اي يا سليم
سليم: والله ما انا عارف هي كويسة ولا لأ يا زياد
زياد: ازاي يعني يا سليم
سليم: يعني الاستاذة حورية بتخطط لحاجة وهتعملها يعني بدأت الحرب بسرعة
زياد: ربنا يستر لانها لازم تجيب حق حور
سليم: بس معدش في حور خلاص
زياد: بالنسبة لينا انوا حور ماتت بس لحورية لا لانها حتي لو ماتت بالنسبة لحورية فهي هتجيب حقها
سليم: بتمني انه متدخولش في دوامة هي مش قدها
زياد بتامل:يارب ربنا يوفقها
سليم: اللهم آمين يارب
----------------------------------------'
سوزان: اي يا مايا لسه قايمة تيجي تسالي عليا
مايا: اي يا خالتو مكنتش فاضية كنت بعمل شوبنج
سوزان: وكنتي بتعملي الشونيج دا فين المرة دي
مايا: كنت في باريس المرة دي
سوزان: اه وهتعملي اي المرة دي
مايا: اكيد هو لازم يستقر بقا ولا اي
سوزان: انتي ناوي علي اي يا مايا
مايا: ناوية احط ايدي علي كل حاجة
سوزان: ودي هتعمليها ازاي دي
مايا: اني لازم اكون حرم ادم الاسيوطي
سوزان: لا وسعت منك المرة دي هتبقي حرمه مرة واحدة انتي مش عارفة انه آدم متعلق بحور
مايا بنرفزة: وهي الست حور دي مش خفيت هي حتي بعد ما خلتها تندم علي اليوم اللي انولدت فيه وشفيت غليلي فيها
سوزان: افرضي رجعت
مايا: وانتي مفكرة بعض اللي حصل فيها دا هتكون لسه عايشة اصلا دا اكيد ماتت وشبعت موووت
سوزان: ما اعتقدش
مايا: لا متخافيش يكشي تتحرق مكان ما هي ودلوقتي واخدة كل الاهتمام حتي لو هي مش هنا
سوزان: وانتي اي خطوتك دلوقتي
مايا: لا سبيه يومين كدا وبعدين اروحله الشركة
سوزان: ماشي
----------------------------------------------
آدم: ها خلصتي ولا لسه
حورية : لا لسه
آدم: حضرتك الساعة عشرة
حورية: والله حضرتك اللي قولت مش هنروح غير لما نخلصه
آدم: طب ان شاء الله نخلص بقا
حورية بلؤم وصوت منخفض: دا انا مش هسيبك الا لما اشيبك النهاردة انا صحيح مخلصة الملفات من بدري بس لازم اربيك علشان تتحدي بنت بعد كدا
آدم: طب ما تشتغلي يالله قاعدة ليه
حورية: بستريح شوية يرضيك اشتغل وانا مجهدة يعني ابوظ ملف ولا حاجة
آدم بغيظ: اومال انتي كنتي بتهببي اي بقالك نص ساعة مش كنتي واخده راحة انجزي عايز اروح
حورية ببرود: براحتي مجهدة الله مجهدة ولا اقولك هروح اشرب واجي
آدم: ازفتي روحي
ذهبت حورية لتشرب : والله لجننك دا انا هعرفك بقا انا تتمسخر عليا وتقولي لسه في كلية وتجبلي ملفات كتير يا بغل بس علي مين دا انا حورية
عند آدم اما اشوف لسه اد اي انا مش قادر وهي فظيعة الصراحة توقف عن الحديث بصدمة يابنت اللي ..... يعني انتي مخلصة الملفات وساكتة من ساعتها طب وربنا لعرفك علي العملة دي توجه إليها بملامح لا تنذر بالخير ابدا عندما وقع نظرها عليه علمت ما حدث بصقت المياة علي وجه
آدم بتقزز: يا مقرفة
حورية: مكنتش اقصد وبعدين انت اللي جيت فجاة بدون سابق انذار
آدم: بدون سابق إنذار لا والله وبعدين انتي ازاي اصلا تضحكي عليا وانتي مخلصة الملفات من بدري ومخلياني قاعد للساعة 10وانتي قاعدة برة لحد دلوقتي واهلك متصلوش عليكي ليه
حورية ببراءة: اي دا بجد هما الملفات خلصوا بجد مكنتش اعرف وبعدين انا قايلة لبابا اني هتاخر علي 11كدا فهو مش قلقان قولي ليه بقا
آدم: لأ والله ليه بقا
حورية: قال اي علشان انا مع الباشمهندس آدم تقولش رئيس الوزراء وانا معرفش
آدم: اه ياختي رئيس الوزراء ويالله علشان تروحي اتفضلي قدامي وهعاقبك علي اللي عملتيه دا
حورية: طب يالله علشان عايزة انام والله فصلت
آدم: طب يالله ياخرة صبري يالله
ضحكت حورية عليه فهو وان كان شديد فلم يفقد ابتسامته وضحكته
--------------------------------------
جابر: البنت لسه مرجعتش يا سامية
سامية: خلاص يا جابر سليم راح يجبها
جابر: البنت دي مش هتسكت اللي ما تعمل فيا حاجة بسبب اللي بتعمله دا
شارة: ان شاء الله يا بابا هتلاقيها جاية دلوقتي وبعدين هي قالت انها هتيجي علي11والساعة لسه 10:30يعني لسه في وقت
جابر: طيب هديت اهووه
وصل سليم الي الشركة وقف ينتظرها كانت تخرج من هذا المقر مع هذا الآدم وعندما لمحته حورية
حورية: باي يا رئيس الوزراء يووووه قصدي يا سيادة المدير
لم يتعطي لادم الفرصة للحديث فهي تركته وذهبت وقامت باحتضان هذا الشخص الغريب لم تعرفه عليه
سليم بعتاب: اي يا حورية كل دا تاخير يا حبيبتي انتي عارفة انه بابا قلقان عليكي اد اي
حورية بكذب: معلش والله مش بايدى يا سليم كان في شغل كتير كان لازم اخلصه وبعدين انا في تدريب
قطع حديثهم صوت ادم وهو ينادي عليها فهو لا يستطيع ان يتركها تذهب مع اي احد فهي امانه عنده
آدم: حورية
حورية: خير حضرتك في حاجة
آدم: مين دا انتي تعرفيه
سليم: ايوه انا اخوها سليم
آدم: اخوها اه تمام مكنتش اعرف انها عندها اخوات مقالتش انه حد جي يخدها علي العموم انا آدم الاسيوطي مدير الانسة وبدربها
سليم: اتشرفت بحضرتك
آدم: الشرف ليه عن اذنكم
سليم: اتفضل يالله يا حورية علشان بابا قلقان
حورية : حاضر يالا
---------------------------------------------
ذهبت حورية الي منزلها مرهقة ولكنها سعيدة انها اغضبته وايضا تخشي عقابه لها
جابر: كدا تقلقيني عليكي يا حورية
حورية: انا اسفة والله يا بابا كان عندي شغل كتير
جابر: شغل اي يا حورية انتي رايحة تتدربي مش بتشتغلي دلوقتي
حورية: ما هو انا بدرب بس هو اللي اتحداني اني اعمل حاجة بس كانت صعبة شوية وحضرتك عارف اني مش بحب اخسر تحدي
جابر: وانا اكتر حد عارفك
حورية بضحك: اه يالله بقا ما انت حفظني بقا
ما يالله يا ماما هموت من الجوع وعايزة انام كمان
سامية: حاضر يا حبيبتي
رجع ادم الي المنزل مرهق للغاية فهو لم يعد يستطيع النظر امامه فهذه الحورية ارهقته معها اليوم ولكن لا ينكر انه استمتع بجنونها معه ارجعت هذه الضحكة من القلب ذكرته باميرته الصغيرة فهي من تستطيع اخراجه من اي حزن ....... اين انتي يا صغيرتي لقد تعبت الم تملي من الم هذا الفراق الم تشتاقي لي كما اشتاق انا لكي اريد ان أُملي عينايا بنظرة الي وجهك وأُطرب قلبي بسماع صوتك فأنا يا صغيرتي لم اعد اتحمل انا ضعيف بدون هذة القوة التي بي زائفة انا كنت استمد قوتي منكي فلولا هذا الوعد الذي قطعته لامي وعمته لكنت تركت تلك البلد لابحث عنكي اعلم انكي ستقدري ذلك عودي ليا يا طفلتي فأنا لاشئ بدون وبدون حبك لي
تنهد آدم بضيق فهو قد اشتاق لها حد النخاع
سليم: اي يا آدم هتنام قبل ما تاكل
آدم: والله يا جدو عايز انام جدددا مش قادر
سليم: حصل اي في الشركة علشان تتاخر كدا
حكى له آدم كل ما فعلته حورية ضحك سليم علي تلك المشاغبة التي تذكره بحفيدته
سليم بضحك : طب نام يا حبيبي شكلك كدا داخل علي حرب معها ربنا معاكم
آدم: قول ربنا معايا انا دي لمضة مغلباني معاها
انا غلبان معملتش حاجة لسه
سليم: اه غلبان اووووي
آدم بضحك: اووووي اووووي
----------------------------------------------
الزعيم: ها يا مدحت عملت اي في الصفقة
مدحت: لسه مفيش جديد وبعدين انت عارف انها شركة اجنبية يعني بتدرس العروض اللي متقدمة كويسة وبعدين تختار
الزعيم: يعني هما ممكن يختاروا شركة الاسيوطي
مدحت: والله محدش يعرف الله اعلم
الزعيم: خلاص تمام وانا هتصرف
مدحت: هو في اي بينك وبين ولاد الاسيوطي مش فاهم عايز تنتقم منهم ليه وبتقتل فيهم ليه
الزعيم: هتعرف كل حاجة في وقتها
انما بموتهم ليه لانه حساب قديم وبصفيه
مدحت: اه ماشي همشي انا بقا
جلس هذا الرجل يفكر في كيفية الانتقام منهم وقتل ذلك الادم فهو في وجهة نظرة من يستحق تلك الامبراطورية وليس آدم
---------------------------------------
حورية: الو ازيك يا زياد
زياد: الحمد لله بخير وانتي
حورية: الحمد لله تمام
زياد: ها اخبار مهمتك اي
حورية: والله يا زياد لسه معملتش حاجة
زياد: ليه يا حورية مش عايزة تدخليه صح
حورية: ايوه يا زياد مش عايزة ادخله في الانتقام وخصوصا لو عرف انا بنتقم ليه مش بعيد يركني علي جنب وهو اللي ينتقم فعلا ادم صعب ومتهور وانا مش عايزة اعرفه دلوقتي وبعدين انا لازم ابدا من الشركة لانهم عايزين ياخدوا كل حاجة والحرباية التانية دي نزلت مصر
زياد: قصدك مايا
حورية: اممممممم هي نزلت لما عرفت انه جه ما هي عايزة تكوش علي كل اللي اديها تطوله
زياد : خلي بالك من نفسك علشان هي مش سهلة وهتستخدم طرق مش كويسة
حورية: حاضر يا حبيبي
زياد: يالله تصبحي على خير
حورية: وانت من اهله
-----------------------------------------------
في صباح اليوم التالى
حورية: صباح الخير يا مايسة
مايسة: صباح الفل يا قلبي اخبارك
حورية الحمد لله بخير وانتي
مايسة: الحمد لله بخير خلصتي امبارح امتي
حورية: متاخر ع10:30كدا
مايسة بصدمة: انتي خلصتيهم كلهم
حورية: اومال يا بنتي انتي بتستقلي بيا ولا اي
مايسة: لا يا باشا احنا جامدين اووووى
حورية بضحك: اووووي اووووي
بقلمي🖋(أسماء عادل الليثي)
نكمل في بارت تاني
لو البارت قصير بس فعلا بعذر اي حد بيكتب لانه فعلا متعب جددددا مكنتش مدركة كدا
شكرا بجد ليكم علشان بتقراوا روايتي
