الفصل السادس
في بداية يوم جديد يوم مشرق لتلك الحورية فهي اليوم ستذهب الي تلك الشركة التي كانت تحلم ان تدخلها من قبل اليوم فازت بذلك التحدي مع العميد واليوم ايضا أول خطوة في طريق انتقامها. اليوم سيكون نقطة تحول في حياتها
حورية في نفسها : أنا لازم اكسبهم كلهم في صفي لازم اعرف ارجع حق الناس اللي ماتوا بسببهم
الشركة دي لازم تنهار وتنهد على راسهم وهما عالم اصلا لازم يتربوا علشان يتعلموا انهم ميدوش الثقة لحد مهما كان قريب او صديق لازم يشربوا من نفس الكاس اللي انا شربت منه لازم يرجعوا قرارتهم تاني
*في المنزل*
آدم: يعني اي يا زين انت عارف اني مش بدرب حد في الشركة انت عارف انه غلطة بس ممكن تضيع مستقبل الشركة ثم مين دي اللي تخليك تطلب حاجة زي دي مني
زين: يعني اي يا آدم
آدم: يعني مفيش تدريب عندي تشوف حد تاني او اقولك خليها تختار اي شركة وانا بنفسي هكلمهم
زين: متتكلم يا جدو ساكت ليه..... والله يا آدم هي طيبة خالص وذكية فاكيد شاطرة في الشغل
آدم بنرفزة: انت هتجنني يالا انت مش لسه من شوية كنت بتقول انها في رابعة كلية
زين مستغل حديثة عن الكلية: اه في رابعة كلية تجارة تجارة هااااا
آدم: اتهببت سمعت انها في تجارة ودا مش هيغير راي
زين بخبث: اعتبرها حور بنت عمك يا ادم مش انت كنت عايزها في تجارة ودي حد بدلها
آدم بعصبية: زيييييييين اياك ثم اياك تقارنها بحد
سليم لزين : جيت تكحلها عمتها
زين بخوف: حاضر حاضر يا جدو هظبطها
سليم بحنية: اهدي يا حبيبي البت عايزة تاخد خبرة من شركتنا واحنا مش بتوقف طموح ولا حلم حد احنا لازم نساعدها علشان تجتهد وتنجح وافق يا آدم لو مش علشاني انا وزين يبقي علشان حور
آدم بتنهيدة: حاضر يا جدو ربنا يسهل بكرة
*عند حوربة*
روان باندفاع: بس انتي عرفتي منين انه دكتور زين يبقي ابن عمه يا حورية ها قوليلي انتي بتخططي لحاجة من ورايا ولا اي انطقي
حورية بزعيق: اي اي هو انتي مدياني فرصة اتكلم اخرسي شوية يا ساتر
روان: اهو سكت يكشي تنطقي
حورية: مفيش يا ستي عرفت بالصدفة توفيق ربنا ليا والله سمعت ممرضات واقفين بيتكلموا
Flash Back
ممرضة ١:اي يا بت يا هدي مالك وشك منور كدا هدي: اسكتي يا مني مش البشمهندس رجع
مني: قصدك مين يا بت باشمهندس آدم؟؟
هدي: اه بشحمه ولحمه
مني بعيون تفيض بالحب: بجد يااااه اخيرا جه انتي عرفتي منين يا بت
هدي : كان هنا عند دكتور زين
مني : انتي عرفتي ازاي محدش عارف شكله
هدي: دكتور زين كان بيكلمه وندهله باسمه فعرفت انه هو اخيرا شوفته
حورية بكذب : وبس كدا عرفت منهم
روان بعدم تصديق: اه ماشي
حورية: طب اي مش هنروح الشركة
روان: انتي حامية كدا ليه مش لازم تقولي للعميد
حورية: اه صح لازم اقوله ثواني هتصل
حورية: السلام عليكم
محمود: وعليكم السلام ها اي الاخبار
حورية: الحمد لله بخير وحضرتك
محمود: الحمد لله بخير طول ما انتي بخير اشجيني
حورية بضحك: حاضر انا دلوقتي رايحة شركة الأسيوطي لاني قدرت ادخلها فحضرتك بقا شوف هتقابل المدير بتاع الشركة دا ازي وتقوله ... انا مهمتي خلصت كدا تمام
محمود بغيظ: طيب ياختي طيب روحي وهوصل قبلك ان شاء الله
حورية بضحك: حاضر
* عند اياد*
اياد: والله يا جدو مش عارفين هو متلخبط اصلا بموضوع الحلم دا وهيتجنن ويعرف هي مين
سليم: وصلتوا لفين في موضوع حور
اياد: لسه يا جدو مش عارفين نوصل لحاجة خالص
بس مش عارف المخزي من انهم يسبوني انا وادم في لندن كل دا ليه هو اكيد مش بحجة الدراسة بس هما كانوا بيبعدونا عن حاجة بس هي اي
سليم: طب هما كانوا بيبعدونا عن اي واشمعنا زين فضل هنا وحور مختفية واحنا مش عارفين هي هربت ولا مخطوفة ولا فيها اي
اياد: هي دي اللي بدور حواليها واشمعنا زين فضل هنا
سليم: اكيد قبل ما يموتوا في حاجة حصلت
اياد بتفكير : ممكن يا جدو
Flash Back
سمر: خلاص يا اياد انت لازم تسافر علشان تكمل
تعليمك هناك وبعدين مش انت لوحدك انت وادم
اياد: طب ما احنا هنكمل تعليم هنا وخلاص
سمر : يا حبيبي انتوا هتكملوا تعليم وهتشتغلوا في الشركات اللي هناك لازم تسافر
اياد: مش عارف ليه اصرارك انك تبعديني عنك يا ماما ليه مش عايزاني جمبك
سمر بدموع تحاول ان تخفيها: والله يا حبيبي مش هاين عليا فراقك بس انت لازم تسافر
اياد بيمسح دموعها : حاضر يا حبيبتي بس متعيطيش انا هروح
سمر : بس وعد يا بني لو حصل حاجة متنزلش ابدا
اياد بخوف: حاجة اي يا ماما في أي
سمر: مفيش يا حبيبي بس اوعدني انك مش هتنزل دلوقتي خالص غير لما ادم يقول هننزل
اياد: حاضر يا ماما ماشي
آدم: عمتوووو شوفي بابا وماما عايزين مني اي لاني مش هسمع كلام حد
سمر: لازم يا حبيبي تسمع كلامهم دا لمصلحتك
آدم بخيبة امل: حتي انتي يا عمتو انتوا ليه عايزني ابعد عنها ليه
سمر: يا حبيبي ولا تبعد ولا حاجة صدقني هتكملوا تعليم علشان تمسكوا الشغل هناك
آدم: طب ليه منكملش هنا
سمر:لانكم هتشتغلوا هناك بجانب التعليم الشركات لو محدش مسكها هتروح مننا وانت ذكي وعارف
هتشتغل وتدرس ازاي واياد معاك اهوه مش لوحدك بس اوعي يا ادم تنزل قبل ما تجيلك اشارة ولو اياد حاول ينزل تمنعوا لو في حاجة حصلت او حد مات اوعوا تنزلوا حتي لو انا اللي مت ماشي
آدم بصوت عالي وغضب: عمتوووو اي الكلام دا
سمر مقاطعة اياه: يا حبيبي دي اقدار وانا بقولك لانك مش بعيد تبقي في خطر انت وهو ولازم تسمعوا الكلام ماشي
ادم واياد: ماشي
سمر: خلاص تمام وانا هكلم حور
حور من خلفها :انا اسفة يا عمتو بس انا سمعت كلامكم مش قصدي والله
سمر: ولا يهمك يا قلبي انتي كمان كان لازم تعرفي الكلام دا وتعرفي انه ادم مش عايز يسافر بس دا مصلحته وانتي اكيد مش هتقفي قصاد مصلحته
حور بتاكيد: اكيد يا عمتو وهو واياد لازم يسمعوا كلام حضرتك صح ولا اي يا شباب
اياد: صح ماشي حاضر هنفذ كلامك يا ماما متزعليش مني انا اسف
حور تضغط علي يد آدم: خلاص تمام وانا كمان هنفذ هنسافر امتي
سمر: اخر الاسبوع
End Flash Back
سليم: في اي يا اياد بكلم مش بترد ليه
اياد باعتذار : اسف يا جدو سرحت شوية
سليم بضحك: اللي واخد عقلك
اياد بملامح حزن: خلاص يا جدو ما هي ماتت وسبتني حتي محضرتش العزا بتاعها
سليم ادرك انه يفكر في والداته: ربنا يرحمهم يا حبيبي ويغفر لهم
ادم من خلفه : امين يا جدو
سليم: رايح فين يا ادم انت خارج
ادم : اه يا حبيبي رايح الشركة
اياد: شركة اي يا آدم هو احنا لحقنا نرتاح
ادم بغيظ: اصل البغل التاني جايب ناس تدرب في الشركة وقالهم يجوا النهاردة
اياد بصدمة: يغل .... وناس تدرب
سليم بلؤم: مين يا حبيبي رامي
ادم فهو يعرف ان جده علي علم بما يحدث: لا يا جدو البغل التاني
اياد: زين؟؟
آدم بغيظ: زين البغل
زين من خلفه طب ليه الشتيمة ليه وفيها اي لما يدربوا عندك اهو ياخدوا خبرة
آدم: انت مش عارف يا حيوان اني الشركة مش بدرب حد اللي بيشتغلوا يبقوا خبرة وبس
زين بتهكم: حيوان كتر خيرك ياخويا وبعدين والله شكلها ذكية وبتفهم وبسرعة
سليم: هي مين دي يا زين وتعرفها منين
زين: حورية يا جدو اللي حضرتك شوفتها في المكتب عندي
سليم بتايد: وماله يا ادم دربها يا حبيبي هي مؤدبة وباين عليها شاطرة كمان
آدم: حتي انت يا جدو خلاص اما نشوف يا انا يا هي في ام الشركة دي ولازم اخليها تقول حقي برقبتي
اياد وهو يغادر خلفه: ربنا يسترهاعليها سلام
سليم: ههههههه مش هيتغير ربنا يقويها عليه
زين: والله يا جدو انا خايف عليها اوووي دي اول ما شوفتها افتكرت حور فيها منها واللماضة بتاعة حور
بالضبظ ربنا يحميها من ادم ابن عمي
سليم بتامل: اللهم آمين يارب
* في منزل حورية *
سامية: ها يا جابر نزلت البنك ولا الشركة طمني
جابر: علي اساس انك مش عارفة انها رايحة الشركة يعني يا سامية
سامية بكذب: جري اي يا جابر وانا اعرف منين يعني
سليم: اي يا ماما ما هي
قاطعته سامية بنظرة تدل علي الا يخبر جابر : ايوا يا حبيبي ما انا عارفة اختك لما تحط حاجة في دماغها لازم تعملها بُري منها بُري
جابر بغيظ: اموت واعرف بس عرفت تدخل الشركة ازاي احنا عملنا اللي نقدر عليه علشان متدخولش
سارة : انتوا ليه مش عايزنها تدخل الشركة يا ماما
جابر: لانها لو دخلت هتبدا انتقامها بدري اوووي وانا خايف عليها من ابن الأسيوطي لانه مش سهل
وهي هتلعب بالنار ودخلة النار برجليها
سليم: ربنا يستر عليها يارب ان شاء الله خير
جابر: وهيجي الخير منين طول ما هي بتمشي اللي في دماغها دا مش سمعت كلامي ولا كلام محمود
ومشيت بدماغها بس لما تجيلي
*في الشركة*
وصل آدم الي الشركة بكل هيبة دخل وهو يتفحص كل شخص فيها فهو لا يقبل الاهمال في شركته
مايسة: صباح الخير يا مستر آدم
آدم: صباح النور ... ها عندنا اي النهاردة
مايسة: في ميعاد يا فندم من عميد كلية التجارة وهو منتظر حضرتك
آدم باستفرلب: اه ماشي خليه يتفضل
مايسة: تمام يا مستر
محمود: السلام عليكم
آدم: وعليكم السلام اتفضل ارتاح يا عمو خير
محمود: تسلم يا بني
ادم: اخبارك يا عمو عاش من شافك
محمود: الحمد لله بخير وانت عامل اي اخبارك ونزلت امتي طمني عليك يا بن الغالي
آدم: الحمد لله بخير نزلت من يومين كدا المهم تشرب اي
محمود: لا يا حبيبي تسلم انا جاي في موضوع كدا وماشي علي طول
آدم: حضرتك تؤمر يا عمي اتفضل
محمود: البنات اللي هيجوا يدربوا من الكلية عندي حورية و روان عايزك تاخد بالك منهم ودربهم عندك متبعتهمش فرع تاني لا يدربوا هنا وبالاخص حورية تتدرب تحت ايدك اعتبره طلب
ادم: من عيوني يا عمو مكنش لازم حضرتك تتعب نفسك كان ممكن تقولي علي الفون وخلاص وبعدين هي ليه عايزة تدرب هنا طب ما هي ممكن تدرب في اي شركة ولو قدمت وظيفة هنا وكانCVبتاعها كويس اكيد هتتقبل
مخمود: عارف كل دا يا حبيبي بس هي واخد الموضوع تحدي بينها وبين نفسها انها تتدرب في شركات الاسيوطي قبل ما تشتغل فيها عارف انك مش هترد طلبي
ادم: حاضر يا عمي حضرتك تؤمر
محمود باطمئنان: تسلملي يا حبيبي انا لازم امشى بقا مع السلامة
آدم: ما لسه بدري يا عمي خليك شوية حضرتك لسه ماختش قهوتك حتي
محمود: مرة تانية بقا يا حبيبي علشان مستعجل
مع السلامة
ادم: ان شاء الله........ الله يسلمك
دخل اياد بعدما خرج محمود
اياد: ها يا ادم عمي محمود جاي بنفسه هنا ليه غريبة يعني اول مرة اشوفه بعد وفاه عمي
آدم: علشان الست حورية واللي معاها
اياد باستغراب:حورية مين دي
آدم: اي يا بني لحقت تنسي اللي سي زفت جايبها تدرب هنا
اياد: اه اوكي مين هيدربهم
آدم: روان يدربها مروان اما ست الحسن والجمال انا هدربها بنفسي
اياد بصدمة: انت ... انت اللي هدربها
آدم بوعيد: امممم انا اللي هدربها بنفسي
اياد: ربنا يسترها عليها يا بنتي يعني عليكي هتموتي في عز شبابك ياختي ياختي عليكي يالهوووي دا باين عليه مستهلفلك يا رب تقدري تقفي في وشه
دمتم سالمين
بقلمي(أسماء عادل الليثي)
