قلب الوحش بيد طفلة (قسوة ضابط)

البارت 2

آنثى 💜 ملائكيه
الكاتبه مها العامري

لاتنسو التصويت والتعليق

بارت مفاجئ توني كتبته من شفت التفاعل قوي احبكم هوايه ...
....

مالي ارى القلب يهوى من يعذبه
مثل الفراش لهيب النار يغريه
كل القلوب رأيت العشق يسعدها
الافؤادي فأن العشق يدميه

عشق ...رحت جوا صحت حبوبه راحت يمهم رحت قدمت مي ورجعت اسوي ضيافه سويت گهوا ورتبت جكليت وياها رحت قدمت ألهم ورجعت اقرا ومادري ليش البرودا جلبت بعضامي ماكو ربع ساعه وطلعن النسوان اجتي حبوبه گتلها بتساؤل....حبوبه منو ذني النسوان وشعجب جايات علينه...

الحجيه ...وهي تبتسم وتباوع لحفيدتها الي صايرا مرة ...هاي عرفتي يالملعونه ..

عشق...صفنت وگتلها... ليش شكو ؟

الحجيه ...بفرحة عارمة ..تعاي اگعدي يمي يحبوبة وج صرتي مرة وگامو يجوج خطابه اني اعرفهم خوش ناس وزينين ما شالله لو عليه انطيها جلمه بس ألراي راي ابوج واخوتج گتلها للمرة اشوف أبوها واخوتها ونرد خبر الكم اعطونا 3ايام ...

عشق ...اختنگ داخلي وصفنت ضايجه ذوله منين عرفوني رديت على حبوبه ..من كل عقلج ياحبوبه تزوجوني وتوني عمري 13 واني كلشي من حياتي ماشايفه وحتى بعدني طفله ويني وين زواج وحتى اريد اكمل دراستي حتى اصير محاميه حلم حياتي ...

الحجيه ...تغيرت ملامح وجها وگالت بنزعاج ..گومي گومي لابارك الله بيج بنات اخر زمن تمضيگ وعيارة اني بگدج وزوجوني ومن أول شهر حبلت ...

عشق...ياااا حبوبه شني سالفه زمانكم راح وهسا احنه بزمن جديد الي عمرها 13طفله مو مالزواج وحتى مو قانوني هذا العمر ...ضلت تحجي عفتها ورحت لغرفتي اجتي أمي

سارة ...بنترة وتأشر بيدها تهدد....عشق شنو هذا السمعته من حبوبتج اتسمعين ولج توافقين على زواج لو اموتج بيدي واخلص منج ..

عشق....مصدومه من الگاعد تحجي امي احس اسجاجين صارت بگلبي حجيت گوة بس اريد افهمها ....يمه بس احجي وياج ..

سارة ...بدون حجي ولااريد افتهم هسا يجي ابوج وخوانج واخليهم ايوافقون ماعندي ابنيه متوافق وتمشي كلامها ..

عشق... دخلت مثل العاصفه خربت كلشي بداخلي وطلعت ليش ياربي ابتليت بهيج أم ضليت مصدومه وتفكير اكل راسي اكو ام تريد تتخلص من بنتها صار ليل سوينا عشا حضرنا وگعدنا حبوبه فتحت الموضوع واني احس دگات گلبي صارت بحنرجتي وگالت..

الحجيه...وهي تباوع للكل..... عندي موضوع وياكم اليوم اجو خطابه لعشق الضابط أسد أبن أفلان وهوا من المنطقه اليوم أمه طلبت ايدها واني گلت الها اشوف ابوها وعمامها ونردلكم خبر ...

عشق...معدتي تقلصت والدمعه بطرف عيني ضليت اباوع بالوجوه وباوعت لأبويه ...

الشيخ ....واني ابوعلها وهي مدمعه اعيونها وجني اعرف احساسها لجن بنتي الوحيدا المدلله جليت صوتي وحجيت ....ابنيتي الوحيدا كبرت وصارت مرة واجوها خطابه ...