·
الحلقة 59 وصلو للسبيطار ..صهيب كان يحاول يخلي سلاف واعية .. طول لطريق يحكي معاها وهي كانت تصحى وترقد .. حاسبة روحهاا راهي تحلم .وخصوصا كي يقلهااا نحبك . اول ماصولو لدخولهم ديراككت للعمليات .. ياسمين لحقت موراهم .. كان قلبهااا وعقلها مقسومين بين اختهااا .. الي تموت وبين اشرف حب حياتهاا الي راح للموت برجليه .. متاجهل كامل التحذيرات نتاوعهااا ..وردة لحقوها موراهم كانت حالتها حرجة بزاف .. ونبضها ضعيف ..
فااتت نص ساعة .. ياسمين وصهيب كانو واقفين عند غرفة العمليات .. ماركحوش دقيقة وحدة ..قاعدين رايحين جايين .. وخصوصا صهيب الي كان حاسس هو لسبب في كلشي .كون ماشي تهور كون ماصرى حتى حاجة من هذااا .. . شوية وياسمين ماقدرتش .. واااف ..طولو بزاف
صهيب مسح وجهو يكون برك صرى تعقيد صغير
ياسمين قربت ليه .. تفطن برك سلاف وحسابي معاك كبير فههمتني
صهيب بق يشوف مع ياسمين اصلا هدرتها خرجت صح .. زادو وحد الربع ساعة حتى طفا الضو الاخضر وخرج الطبيب .. ياسمين جرات ليه .. طمني دكتور
الطبيب ..اصابة سطحية .. اماا فقدت بزاف دم
ياسمين يععني رح تكون مليحة
الطبيب .. راهي مليحة .. رح نخرجوها لشومبرااا ترتاح فيها ..ربي يجيب الشفااا
صهيب ارتاح كي شغل .. الحمدلله ياربي ..
ياسمين كانت فرحانة لاختها الي سلكت ..شوية حتى شافتهم مخرجينهاااا ..راحت تجر و قعدت شادتلهاا يدهااا .. ووصلتها حتى لشومبرتهااا ..
بعد ساعتين مطاردة بين اشرف وعصام .. وصلو لبلاصة النهاية ..اشرف كان يحاول يحشر عصام في اي مكان مغلق .. حتى وصلو لفوق للجبل .على الحافة ديراكت . وين كان النهاية تاعو لتم .. عصام نزل يجري يحاول ينقض روحو .. يشوف هاك وهاك
اشرف نزل وشعل سيجار .. ماعندك وين تهرب ..
عصام بقا يشيشل فالكابوس .. رحح نديك معايااا حتى نت وكنت شريكي
اشرف ضحك .. وجبد كارطااا.. نقدملك روحي اناا العميل اشرف *** وانا نخدم مع الاستخبارات ونخدم مع لابوليس
عصام عينيه توسوعو ... اه ياولد لكلب .. تعرف بلي باباك حتى هو كان رخيس كيفك واناا دمرتو للحبس وين عذبوه .. وين مارسو عليه كامل العنف ممبعد قتلوه وهو مؤسس منظمة 16 shots
اشرف استفزاتو لهدرة .. شيل عليه الكابوس .. اناا رح نكون رحيم معاك
عصام ولايضحك ... اقتلني ..اقتلني ..ولايتيري فالرصاص بهستيرية
اشرف جبد لكابوس نتاعو .. فرغو من الرصاص .. وقرب من عصام .. حطلو الكابوس قدامو .. رح نعطيك حلين .. هاذي حبة رصاصة رح تريحك طول عمرك .. ولا بعد 10 دق تيوصل لابوليس وتروح للحبس كف اي مجرم .. وتما تلقى صحاب قدم كان ضحية هبالك طوال سنين
عصام ولايضحك كي شغل هبل ...وين رايح .. وين رايح
·
الحلقة 60 اشرف لاول مرة يتحكم في روحو في اعصابو .. ركب فالطموبيل .. وجارايح .. حتى سمع صافرات طموبيلات تع لابوليس .. قلع وجارايح حتى سمع بوم " تبسم .. اكيد عصام مارحش يحمل لحبس .. لانو مش راجل .. ورخيس ..
ياسمين كانت راقدة بحذااا سلاف .. اما قلبها كان يخبط لدرجة كبيرة .. هي صح قالت لاشرف هكاكا اما مزالها خايفة عليه .. مزاله تحبو وتدعي في كل دقيقة انو يرجع سالم .. كانو دموعهاا يطيحو بلا مقدمات .. وجع لحب .. وانك تشوف شخص عزيز عليك رايح للهلاك برجليه .. تقتل توجع ..
واقف يشوف فيها من الزجاج .. يحمد في ربي على انهاا دلخت لحياتو .. على انو عثر على شكون تحبو بيه بكل الاخطاء والعيوب نتاعو .. شوية وجل لباب ودخل .. ياسمين طلعت راسها شافتو ..
اشرف .. واش راهي
ياسمين بلا ماتشوف فيه ..راهي مليحة
اشرف .. قعد وقابلهااا معليش تجي نحكو .. حابب نحكي معاك
ياسمين مسحت دموعهااا.. مانحبش نحكي معاك .. انا خلاص قلت كلشي عندي ونتا كي رحت مورا عصام يعني نهيت كلشي
اشرف مسح وجهو ..ياسمين مانيش ناقصك .. امشي نخرجو ..
ياسمين زيرت على سنانهااا تتحدى فيه .. مانحبش نحكي .. فهمتني خلاصت لهدرة
اشرف ناض ..وقرب منهااا .. علابالي بلي رح تسامحيني ..
ياسمين شافت فيه يعيون دامعة .. خلاص ماعدش كاين حب لاحاجة اسمها حب بيني وبينك انا نسيتك
اشرف ضحك وجا خارج .. نحكو ممبعد ..
جا صباح جديد .. سلاف فتحت عينيها واخيرااا .. كانت حاسة بجفاف في ريقهاا ويدها توجع فيها بزاف .. فتحت عينيها لقات ياسمين راقدة بحذاهااا ..وصهيب راقد على لكرسي ومقابلهاا .. تبسمت في سرهاا علىه .. سلاف قدرت تحكمو وتخليه يعشقهااا ..
سلاف حطت يدها على خد ياسمين .. ياسو
ياسمين حلت عينيهاااا ... لبقرة .. حسبتك متي
سلاف ضحكت ..حتى نتزوج قبل ممبعد ساهل كلبة هههه
ياسمين شافت في صهيب .. وهذا كيفاه حكايتو .. وش ره يدير لهنااا
سلاف طلعت حاجبها .. وقتاه جااا
ياسمين لبارح جا معاناا لايسلكك من يد عصام وبات لهناا وكان رح يموت ..
سلاف عينيها تغررو بالدموع .. حسبت روحي راني نحلم ..يعني بابا خرج قاتل
ياسمين زيرت على سنانهااا ماهوش ابونااا ..خلاص انسايه
سلاف حكمت وجها بيديها الصغار .. عار كبير رح يبقى يتبعنا طول حياتناااا
ياسمين .. خلينااا من الماضي ..اذا فتحناه رح نتوجعو ماكثر نحب نبدا من جديد .. كاننو يحكو حتى صهيب فتح عينيه .. وشاف في سلاف .. وتبسم معاهاا
ياسمين انا نخرج نروح نشوف وردة .. ياسمين خرجت وبلعت لباب .. وصهيب ناض وراح قعد بحذاا سلاف .. وهمسلها توحشتك
سلاف .. نتا وجعتني بزاف ..اذا تحسب بكلمة صغيرة رح نرجعلك غير نساهاا
أنت تقرأ
16 shots / عيار ناري الكاتبة منال منولة 16
Acciónهي تلك الحكاية التى تروي قصة شاب عاش في ظل الفساد وصار اداة لتحقيق الاهداف ..هو اشرف ذلك اليتيم الذي شهد مقتل امه ودخول والده السجن ..الشئ الذي ولد في نفسه رغبة بالانتقام من كل من ساهموا في دمار عائلته الجميلة .. ولكن كيف الطريق الى تحقيق ذلك سوى ال...
