#غموض ❤حلقة 2 ❤
للكاتبة " هبوش "
فجاءة يتكسر الباب 💥
_______________
قاطعني صوت عمي سعد : افتحي هذا اني
نضت فتحتله وسكرته وخشيت وراه
عمي سعد : بنتي انتي شن اسمك أول شيء ؟
اني : اااا اسمي سارة
عمي : شوفي يا سارة اني راجل ع قد حالي وعايش بروحي نخدم عند ناس وعايش ع رزقهم
اني قلبي يدق : كمل ياعمي
عمي سعد : غير تعالي قعمزي
وقعمزنا الزوز
عمي سعد : سارة انتي قلتي انك راضية تخدمي اي شيء المهم تنستري صح
اني هزيت براسي😢
عمي سعد : الناس نفسهم إلي نخدم عندهم طالبين وحدة تنظف واطيب وبكري مشيتله الراجل وحكيتله عليك وهو موافق تبدي عندهم من اليوم وسامحيني كان هذا خليتك اهني لكن زي ماتشوفي ف وضعي يلا نقدر نلايم روحي
اني سرحت
وعمي سعد كمل يحكيلي ع نظام العيلة هادي وطبعا كنت موافقة وفوقها فرحانة المهم نتريح من إلي عشته ف الماضي وننساه
.
.
معاذ فتح تليفونه لقي رسائل
هدى " ماصحك فاتح وماتردش ليک يومين "
خولة " مودي وينك استاحشتك "
شهد " أنت تخون فيا حسبي الله ونعم الوكيل "
شاف للرسائل بكل برود وحط تلفونه ف جيبه ونزل وهو يغني : تعالى هيا قبل نموت تعالى هيا قبل نموت تعالى هيااا نفرح وين تمس ايدياااا
غادة من داخل دارها تعيط : إن شاء الله تموووت توا سكر فمك بنرقدو
معاذ فتح عليهم الدار غادة كانت تشوفله وعيونها نص مفتوحات وغلا كانت راقدة نومها ثقيل
غادة : اطلععع
معاذ فتح الضيء وخلى باب الدار مفتوح وطلع
غادة : ياحيوااااان
معاذ نزل من الدروج وهو يضحك
خلي نحكيلكم عليه شوية " أكبر مستهتر ف العالم ومستفز وواخد كل شيء بي استهتار وبرود وديما يضحك وجوه مليح وفي نفس الوقت كان عصب خلاص مواصفاته .. طويل وعريض واسمر ملامحه متوسطة الجمال وجسمه حلو "
تلاقى بي امه
معاذ : الصباح الخير يا نور عيوني
فاطمة : صباحك ورد وليدي
قعمز ع الطاولة لين نوتيلك فطورک
معاذ بي استغراب : علاش قعدة ماجتش خالتي راضية ( الخدامة )
فاطمة : رجعت للمغرب معاش جاية
