#غموض ❤ حلقة 11 ❤
صهيب شدني مع يدي وبصوت خشن واعصاب : ساااااارة 🔥
اني عيوني تعبو دموع : خلاص عاد خليني ف حالي باش تفهم
صهيب حطني قدامه : قوليلي فاش غلطت معاك تي انتي الوحيدة إلي عاطيك وجه علاش تعاملي فيا هكي فهميني
اني : مش حاتفهمني صدقني
صهيب : علاش تبكي وااااك ياربي خيرك يا بنت الناس معاش قادر نفهمك
اني مسحت دموعي : صهيب خلينا بعاد احسن
صهيب : عطيني السبب
اني : صهيب خلاص حول بالله عليك
صهيب قام حاجبه وبعد ع الطريق
واني طلعت وخليته
مروة : ماتقوليليش وين كنتي ساعه ره ليک
اني حطيت الدقيق ع الطاولة وقعدت نعجن وساكتة
مروة : انتي ياحصلة ف من نكلم
اني خذيت نفس : به مروة خلاص
مروة : ما صح وجهك تعرفي
.
.
صهيب قعد واقف ف مكانه ومصدوم أول مرة كرامته تنهان هكي اول مرة يقعد يجري وراء بنت ويطلب ف رضاها وفوق من هذا كله ماعطاتاش وجه كره روحه وقعد زي المهبول مش عارف شن يدير وكيف يرقع الموقف وحتى كيف يحولني من تفكيره
فضل انه يطلع من الحوش قبل مايتهور ويدير شيء
.
صالح دخل الرجالة للمربوعه وقعد كل مرة يطلعلهم حاجة
فاطمة : غلا تعالي
غلا تزملط ف الصاله : نعم
فاطمة : تعالي عاونينا شوي
غلا : عندك زوز خدامات لاش مالا
فاطمة : مالا كيف بتتزوجي وتعبي ع روحك فهميني
غلا : تو يجيبلي خدامات ولا نرفع وحدة منهم
اني ومروة شفنا لبعض هكي😑
صالح خش : هيا شن واتي
فاطمة : هي خليك اهني .. جيبو البيتزا من الكوشة
نظمنا السفرة والفواكه والمشروب
صالح : ولدك وين
فاطمة : معاذ مش معاك
صالح : معاذ شوي وجاي لكن هداكا وين
اني نغسل ف الطواسي ومركزة معاهم
فاطمة : كلمه شوفه
صالح : تي كلمته مقفل
فاطمة : حليلي منه وخلاص ديما خاش الوطا
.
صهيب يفكر من اول يوم جت فيه وكل إلي كان يدور ف راسه علاش البنت هادي خلتني هكي رغم اني ولا مرة جذبتني بنت وفوق من هذا خدامتنا يا الله .. وقعد يضرب ف الدومان بيده بي اعصاب لين طلعت ف وجهه كنتر 😨🔥
