#غموض ❤ حلقة 12 ❤
للكاتبة " هبوش " خلي الاسم ف مكانه 🔥
اني : ااا انن اني
صهيب سكر الخط
اني : سكر الخط😳
مروة : علاش !!
اني : معقولة قعد حاقد عليااا
مروة : عرفك زعما 😳
اني : تي وين نندري عليه
.
معاذ واقف ع الروشن : مني ع التلفون
صهيب : واحد غالط
معاذ نبي نقعد بروحي شوي نرتاح
معاذ : تمام هاني نازل للكافيتيريا اني مش معطل
وطلع معاذ وسكر وراه الباب
أما صهيب توقعت المكالمة تفرحه مني بس صار العكس وزادت عفلقاته
وطبعا ما حد حايفهم إلي ف داخله حاليا شن بالزبط وهو بروحه مش فاهم روحه كل إلي عارفه انه قلبه يبي قربي وعقله رافضني ومجرد مكالمة مني عكرت مزاجه ومعاش طايق يشوفني لأن الحاله إلي هو فيها توا ممكن تكون بسببي
.
تسريع للأحداث
نقولكم شن صار بي اختصار
إيلاف لقتها سبلة وبدت تكلم ف معاذ يوميا بحجة خوه وع اساس تبي توقف جنبه زي ماوقف جنبها وفعلا جت ف وقتها لأن معاذ محتاجة هلبااا وهيا الوحيدة إلي قدرت تغيرله جوه وترده لطبيعته
صهيب قعد تحت المراقبة ايامات وهذا كله ماشفتاش ولا قدرت نتواصل معاه لأن مايبيش يرد ولا عندي من نسئل
فاتو عليا ايامات نكد يعلم بيا إلا ربي كنت كل ليلة نبكي وانوض لقيام الليل نصلي فيه وندعيله
وجي اليوم إلي بيطلع فيه صهيب💛
كان الحوش مليان عماته وخالاته وجيرانهم ودايرين عشاء
كنت فرحانة ممكن اكثر وحدة استاحشت نشوفه ونسمع صوته وعاهدت روحي اني حانوقف معاه مهما رفض
حاسة إن فيه ميول من الطرفين اني نحبه لكن هو ؟؟ كل إلي نعرفه اني مهما عنده ويعزني وهالشيء خلاني نصر إن نساعده ونوقف جنبه
احني تو ف الكوجينة نوتو وكلهم برا ونسمع ف زغاريت
اني : وصللل يامروة وصصصل
مروة ضحكت : بالشوي ره تفضحي روحك
اني : متشوقة نشوفه
صهيب كان سانده هيثم ومعاذ
معاذ : خش قعمز ف المربوعه وبعدها اركب لدارك ارتاح
خشت عمتهم للكوجينة : ديرو شاهي للرجاله
اني : تمام هي
.
ام إيلاف تتكلم ع التلفون : باهي باهي مبروك عليه وليدي عاد هذا
