#غموض ❤ حلقة 9 ❤
صهيب : انزلي
بدلت حوايجي وغطيت روحي بالبطانية ومزال نرعش وخشمي تسكر
لين دق الباب
نضت ببطانيتي نفتح والي كانو ع الباب صهيب وغادة😳
غادة بصوت واطي : علاش شن بندير اهني
صهيب : اعتذري منها
غادة : نعمممممممم ؟
صهيب بكل برود ورجولة : زي ماسمعتي يلا
اني طاحت مني البطانية : خلاص مافيش دا.....
صهيب قاطعني : سمعينا سكاتك انتي
اني سكتت وقعدت نرمش ف عيوني
صهيب شاف لي غادة ع جنب نااار🔥
غادة : اسفة حقك عليا
وطلعت وهيا قريب تموت من الموقف وكل إلي حارقها كيف وحدة زيها تتواضع وتعتذر من خدامتهم
صهيب شافلي واني ابتسمت بعدها طلع
سكرت الباب وممكن احلى موقف يصير ف حياتي اول مرة حد نهمه ويدير شيء ع خاطري كبر ف عيني هلبااااااا❤ كان لقيت وقتها حضنته من الفرحة
كسر خشم اخته غير باش يردلي حقي عن الرجولة اتحدث👌
رجعت ع السرير وكنت نكح وطبيعي حانمرض من إلي صار
غادة خشت لدارها وف عيونها شرررر
.
طلعت نكمل ف اشغال الحوش وعيوني حمر وكل ماتفوت ساعه جسمي يرتخي ويزيد عليا لمرض بس كنت بالسيف نقاوم الحوش من بيه
فاطمة خشت وسلبت عبايتها : يا سارة
طلعتلها من الحمام حشاكم كنت نلمع ف مرايته : نعم عمتي
فاطمة : الجنان كله تراب خيرك خليتيه
اني : تو نطلعله هي
رفعت معاي مكنسة وطلعت وكنت نكنس شوي ونحط يدي ع الحيط نكح وناخد نفس
صهيب كان شاد الستار بيده ويتفرج عليا من فوق بعدها حط التلفون ع وذنه
هيثم : الوو
صهيب : وين انت
هيثم : ف المعرض شن فيه
صهيب : نتلاقو ف قهوة ابراهيم
هيثم : مانقدرش نخلي المعرض عندي زحمة تو
صهيب بجدية : هيثم نبيك ف موضوع مهم النم هاني جايك دبر راسک
وسكرو من بعض
.
احلام واقفه ع الروشن : افففف مليت بننزل ناخد حاجات من الكافيتيريا
إيلاف كان يراسل فيها ولد عمها ايمن كانو قراب من بعضهم من لما كانو صغار
إيلاف تبتسم
