#غموض ❤ حلقة 15 ❤
الكاتبة " هبوش "
صهيب بصوت عالي وعياط : لأني نحبك نحبكككككك ومن اول يوم خشيتي فيه للحوش معاش فارقتي بالي كل يوم نكره ف روحي ونتعذب بس مافيش فايدة ولا قدرت ننساك انما كل يوم نحبك اكثثثثر
اني قلبي يدق ومصدومة كنت عارفة أنه تعلق بيا بس صدمني لما اعترف ماتوقعتش انه حايجي اليوم هذا وع طول بدل مانفرح انهرت بكاء
صهيب مستغرب : فهمييني خيرك كل شيء عندك بكاء شن إلي يبكي فيك توا
اني : كيف قدرت تحبني وانت ما تعرف عليا شيء
صهيب : ومانبيش نعرف باهي وقابل بيك كيف ماانتي
اني : صدقني لو نحكيلك حاتغير رايك ف ابعد عليا من توا احسن مابعدين تجرحني
صهيب قام حاجبه وقلبه رعش من الخوف : انتي شن داسة ؟
اني : اااء ان اني م.....
ف اللحظة هادي خشت ممرضة وقصت علينا الحديث والحمد لله جت ف وقتها لأني مش ف وضع يسمحلي نحكي
صهيب طلع برا من الغرفه وطربق الباب
وكان معصب ع الآخر ونفس الوقت خايف وقداش فكرة ف راسه
رنت امه
صهيب : ها
فاطمة : وينك قعد معاها
صهيب : شن فيه
فاطمة : كيف حالها
صهيب : ناضت وحالها باهي
فاطمة : روح شن تستنى
صهيب بااعصاب : نروح ونخليها من بيها
فاطمة : تو بتجيها مروة
صهيب : ايااه به به غير سكري تو سكري
شوي وجت ركبت مروة وتمشي بسرعه : صهيب
صهيب تلفتلها : جيتي
مروة : وينها هالحقيرة وينها
صهيب اشرلها ع الغرفه : خشيلها
واني عاد داخل كيف نعست ويتقربع الباب تقول مداهمات
مروة قربت مني : تفو عليك والله ماتتحشمي
اني : يامريضة هكي يفتحو فالباب
مروة : والله ما في مريض وانتي حية وين عقلك انتي لاك من دنيا لا من اخرة أحمدي ربك إن كتبلك عمر جديد
اني : مروة خلاص ماتزيدينيش
مروة قعمزت ع حاشية السرير : صهيب شهادة لله واقف معاك وقفة راجل حتى الخو مايوقفها
اني زمطت ريقي وسكتت
.
صهيب رسم ف دماغه خطة وقرر يمشي للحوش بعد ماتهنى عليا مع مروة
