رواية العار

بارت ٢

امي راحت البيت عّم أبويه همه الي بنو الغرفه
وخلو سكفها باريه وهي حصيره يصنعوها من القصب
كان الارضيه مال الغرفه تراب اتحولنا الى غرفتنا.
عشته بيها ايام مرار وظلم وقهر
كانت امي كل راتب من التقاعد اشيل دينار او اكثر
للحد ماكملنه الغرفه بيناين وسوينه سياج وحمام ومرافق
اشويه اهون من قبل امي قررت اسجلنه بالمدرسه
اني كنت بصف الخامس وااختي شيماء بالسادس
والمياء بالثالث امي سوت بسطيه مال حلويات اتبيع الأطفال
كمنه داوم بالمدرسه رغم الفقر بس فرحانيين كنا اصغار مايهمنه الفقر بدايه السنه احنا كنا ثلاث اخوات انروح ونرجع سوه
اني بالصف الخامس
اتعرفت ع ابنيه حلوه ومرتبه وملابسه اتخبل. اسمها نمارق
كانت نظيفه كلش ومبين عليه العز بس هي وحده اتروح للمدرسه وحدها تكعد وحدها خلونه بنفس الرحله
هلو يابنيه شسمج
اسمي نمارق وانتي
اني صابرين
اكلك اهدومج حلووه
اي هاي ماما اشترتلي ياهن وعندي لعابه اتغمض ولتفتح
الله اني ماعندي ألعاب
ميخالف اني وياج نلعب
صرنه اني ونمارق صديقات
وبيتهم نفس الفرع مالتنه
انروح للمدرسه وترجع ويانا
نمارق مرات اجيب للفات كباب وكبه صارت اجيب لفتين
اني اظم نص الفه لاخواني الصغار
حتى تجي العصر تلعب ويانا
كانت القطعه مالتنه فارغه نلعب بيت البيوت
صارت علاقتنه وقويه
وحبيت نمارق ونمارق حبتني
ام نمارق جميله بشكل وتلبس لَبْس وذهب هواي
مرات اجيب انه اكل واجيب صينه اكل وتمن ومركه
بس احنا ماعدنه علاقه باام نمارق لكن مرات اروح ويه نمارق عصريه نلعب بالعابات وارجع كان بيتهم يخبل وبيه تلفزيونات ٢ وشي ماينوصف
بس كنت اشوف اهواي بنات حلوات لابسات لَبْس حلووووو كنت مااعرف السالفه شنو
استمرت صداقتنه للحد ماصار اعمارنه اني ١٤ وهي ١٤ سنه
بدا جسمي يكبر وينضج اني كنت طويله جسمي مخصر عيوني اكبار وبيضه ملامحي كلش جميله حتى اخواتي بس اني كنت طويله ونمارق كانت احلا بعد من عندي ..... كنا بدايه المراهقه جميلات اني ونمارق أبدا ما نفترق اكثر الأوقات كانت تقضيها يمنه لكن من بدا تكبر قلت جياتها
مرات تبقى وحدها أمها اتكول لامي خلي صابرين يم نمارق. اني افرح اكل وشرب وفواكه ومرات نلبس ملابس امه ونركص
يوم اجت ام نمارق ع امي
ام محمد بلكي صابرين تبقى اليوم يم نمارق اريد انام ويه اختي مستشفى

‏