لعد منو احجي خلي اسمع اني ماجايني نوم
طبعا اني لابسه اتارك تايكر وشعري منفوش
بدايت احجي قصتي اول مره احجي عندحالي
للرجل اني عمري ١٨ بس عمري ماحسيت بعاطفه وإحساس اتجاه شخص ... لكن من احجي بشعور هز كياني ومشاعري
هو كال ليش هذه الجمال والحلا هيج بعثريتها
كتله اني بس اركص مااسوي شي اي كملي صدك انتي شنو اسمج صابرين عاشت الأسامي اي
حجيت كل شي عليه وع اهلي وع بسيمه وبتها
كال ماجعتي اني جعت
هااا بكيفك
ضحك صاح ع واحد من الحمايه كاله جوعان روح شوف شكو اكل
اني كتله شنو اسمك
اسمي ماهر
حلو اسمك
وانتي هم حلووه
اني ضحكت وخجلت ظل يسولف ع حال الدنيا
وللإنسان لازم يكون قوي ويحارب الضروف
اشويه وجاب الحمايه صينيه بيه بيض وطماطه وزلاطه جبن وجاي
كال تعالي آكلي وياي
لا شكرًا. شبعانه
تعالي شنو شبعانه
كأم من اكبالي كعد بصفي كال مدي ايدج
تره اني اوكلج
لا لا واني كلش مستحيه مديت ايدي وأُكلت وياي
خلصنه وطلب جاي وشربنه
ظلينه نسولف للحد ماصار الفجر
كال شوفي الوقت شبسرعه مر
اني هم كلت بيني ويبن نفسي الوقت مر بسرعه بس أنولد احساس كلش حلووو ومااكدر اوصفه اتمنيت احجي واكله ابقى بعد وياي
بس مااكدر
كال كومي روحي نامي. اني راح اروح عندي واجب
بس ان شالله نشاوف
اني بعد بسرعه رديت اشوكت
ضحك كال ان شالله من يصير عندي مجال
رحت واني كل ماامشي التفت عليه واشوفه يضحك ويبتسم ابتسامه اجنن
صعدت للغرفه شفت نمارق نايمه نمت بصفه بس اني ماكدرت. اغمض عيوني بس افكر بيه
صبح الصبح حضرنا اغراضنه بس اشوف نمارق كاعده
يالله شو كاعده ولج كومي حضري اغراضج
هي مخليه رجل ع رجل وتبرد باضافرها
لا حبيبتي اني راح ابقى اهنا
شنو ليش
حبيبتي حافظ راح يعقد عليه وأصير مرته
اني عفت الجنطه واجيت يمها
صدك تحجين حافظ راح يزوجج
اي والله اليوم راح يجيب الشيخ نعقد وبعد مااركص اريد احس روحي مره
اني اخذتلي صفنه افكر بكلامها وبعدين كتلها مبروك نمارق ولو راح ابقى وحدي بس اني هم افكر ازوج
كمت كملت بس حسيت الدموع سبقتني مسحت ادموعي ولميت الجنط واتحضرت
اجت نسيمه وياها جنطه مليانه فلوس رزم رزم
وكالت لبتها صيري مره لاتخليه يوصلج ال عقد
هو كال اليوم العصر يجيب شيخ
اني اروح للبغداد يومين وارجع لج
اي ماما تعالي
سلمنه ع الكل ورجعنه للبغداد
انطتني نسيمه حصتي من الفلوس ٣ رزمات. ونزلتني يم بيتنا
دخلت ع بيتنا اشوف اهلي وجوهم مكلبه
امي سلمت عليه من وره خشمها
كالت ليش ماخابرتي
أنت تقرأ
رواية العار
General Fiction الضروف تجبر الانسان على مصير اظلم وبشع ومرات نضحي للناس الي نحبهم لكن لناس ماتسوه التضحيه .
